بەسەرکردنەوەی قوتابخانە شەرعییەکانی دیاربەکر

لەچەند ڕۆژی ڕابوردودا شاندێکی ڕێکخراوی سەرپەرشتیاری قوتابخانە شەرعیەکانی شاری دیاربکر....لەباکوری کوردستان ، کەپێک هاتبون لەسەرۆکی ڕێکخراوی زانایانی قوتابخانە شەرعیەکان د.محمد الطیب و .مهدی اللیجوی مامۆستای پەیمانگای صوففە لە دیاربکر سەردانی ئینستتیوتی ژیاریان کرد و لە لایەن بەرپرسی ئینستتیوت وهەندێک لەئەندامانی دەستەی کارگێڕیەوە پێشوازیان لێکراو لەسەردانەکەیاندا لقی سلێمانی وهەولێر وهەڵەبجەیان بەسەر کردەوە وسەردانی مۆنۆمێنی هەڵەبجە وهەندێک لەقوتابخانە شەرعییەکانی کوردستانیان کرد وسەردانەکەی بەڕێزیان چوار ڕۆژی خایاند.

سیمیناری(ڕێکارە شەرعی و یاساییەکانی ئەنجامدانی پرۆسەی هاوسەرگیریی سەرکەوتو)

سوپاس بۆ خوای گەورە ڕۆژیچوارشەممە بەرواری ٢٠١٨/١١/٧ دوو سیمینارمان سازدا لەکۆلێجی یاسا وئینستتیوتی ژیار لەسەر بابەتەکانی (ڕێکارە شەرعی و یاساییەکانی ئەنجامدانی پرۆسەی هاوسەرگیریی سەرکەوتو) و (شێواز وڕێساکانی نوسینی توێژینەوەی زانستی). سوپاس بۆ سەرجەم مامۆستا وخوێندکارە بەڕێزەکان بەو هیوایەی توانیبێتمان سودێکیان پێ بگەیەنین.

کۆتایی هاتنی خولی(وەرزی گەشەپێدانی تواناکانی گەنجان)

رؤژی شەممە بەرواری ٢٠١٨/١١/١٧ لەلقی هەڵەبجەی ئینستتیوتی ژیار لە پارێزگای هەڵەبجەی شەهید کۆتاییمان بەخولی (وەرزی گەشەپێدانی تواناکانی گەنجان) هێنا وکۆتا سیمینارمان لەسەر بابەتی (پرسی خێزان لەڕێکەوتننامە نێودەوڵەتیەکاندا) پێشکەش کرد، وبڕوانامەی بەشداربوونمان بەسەر مامۆستایان وخوێندکارە سەرکەوتووەکاندا پێشکەش کرد. بەناوی خۆم دەستەی کارگێڕی ژیارەوە دەستخۆشی لەلقی هەڵەبجەی ژیار دەکەم وپیرۆزبایی لەگشت خوێندکارە بەڕێزەکان دەکەم وسوپاس بۆ مامۆستا دڵسۆزەکانیان.

کۆبوونەوەی دەستەی کارگێڕی فیدراسیۆنی هاوکاران

لەبەرواری سێ شەممە ڕۆژی ٢٠١٨/١١/٢٧ز لە شارۆچکەی چوارقوڕنە کۆبوونەوەی دەستەی کارگێڕی فیدڕاسیۆنی هاوکاران ئەنجامدرا. لە میانەی کۆبوونەوەکەدا چەندین بابەتی ڕێکخراوەیی و پەروەردەیی و بانگخوازی و ڕۆشنبیری تاوتوێ کرا و پێداچوونەوە بە کار و چالاکییەکانی ڕێکخراو و دەزگاکاندا کرا. لەو بارەوە چەندین بڕیار و ڕاسپاردەی پێویست دەرکرا بە مەبەستی تۆکمەکردنی کار و چالاکی ڕێکخراوەکانی نێو فیدڕاسیۆن. ئەمەو لە لایەن دەستەوە بەڕێز دکتۆر ئیدریس کاریتانی هەڵبژێردرا بە بەرپرسی دەستەی کارگێڕی و مامۆستا یاسین ئەحمەد زەنگەنە بە بەرپرسی ئیدارە و مامۆستا جمال ئەشڕەف قارەمانی بە بڕیاردەری دەستە.... پڕ بەدڵ پیرۆزبایی لەجەنابی کاک دکتۆر ئیدریس ومامۆستا جەمال ومامۆستا یاسین دەکەم و هیوای سەرکەوتنیان بۆ دەخوازم.

لیژنەی هاریکاری ئیسلامی

بەڕێزان وەک دەزانن ئێمە بۆ ماوەی دوو ساڵە سەرقاڵی ڕێکخستنەوەی نێو ماڵی ئیسلامین ولەو پێناوەیشدا ئەوەی لەتواناماندا بێت کەمتەرخەمیمان نەکردوە بەڵام بەداخەوە بەهۆی ئاڵۆزی بارودۆخی ناوچەکە وگۆڕانکاریە خێرا وهەمەلایەنەکانی دەستکەوتەکانمان لەو پێناوەدا بەراورد بەکات وکارەکانمان شایەنی باس نین، بەڵام ئێمە تا ئێستایش بێ هیوا نین لەدڵسۆزی وخەمخۆری برایانمان لە لايەنە ئیسلامیيەکان بەتایبەتی کەسی یەکەمی هەر سێ لایەن ولە ئێستایشدا هەوڵێکی جدیمان داوە بۆ کارا کردنی پڕۆژەکە ویاداشتێکمان ڕادەستی هەر سێ لایەن کردوە وماوەی مانگێکمان دیاری کردوە کەوەڵامی داواکاریەکانمان بدەنەوە وگومانی باشیشمان بەدڵسۆزی وخەمخۆریان هەیە وإن شاء الله وەڵامەکانیان دڵخۆشکەر وهیوا بەخش دەبێت بۆ هەموو لایەک. لیژنەی هاریکاری ئیسلامی 2018/2/7

کۆنفرانسی (بەبانگەواز وپەروەردە ژیارمان بونیاد دەنێین)

لەژێر دروشمی (بەبانگەواز وپەروەردە ژیارمان بونیاد دەنێین) بەرواری ١٥/شەعبان/ ١٤٣٩ بەرامبەر ٢٠١٨/٥/١ ئینستتیوتی ژیار بەئامادەبوونی سەرۆکی ڕێکخراو وجێگرەکەی وسەرجەم ئەندامانی دەستەی کارگێڕی ودەستەی گشتی وبەرپرس وئەندامانی لقەکان یەکەمین کۆنفرانسی نێوخۆیی خۆی ئەنجامدا وتێیدا پەیکەری ڕێکخراو سەرلەنوێ داڕشتنەوەی بۆ کرا، وسەرۆک وجێگر وبەرپسی بەشەکان لەڕێگەی هەڵبژاردنەوە دیاری کران. من بەناوی خۆم سەرجەم ئەندامانی دەستەی کارگێڕی نوێوە سوپاس وڕێزی بێ سنورمان بۆ یەکە بەیەکەی ئەندامانی ئینسستتیوت هەیە کە ماندونەناسانە هەوڵی بەردەوامیان داوە تا ژیار بگەیەننە ئەم ڕۆژە وئەم قۆناغە خوای گەورە بەرەکەت بخاتە نیەت وتەمەن وکاری هەموو لایەکەوە.

بەسەرکردنەوەی لقەکانی ژیار

لەڕۆژەکانی (٢٨-٣١-٥- ٢٠١٨) شاندێکی باڵای دەستەی کارگێڕی ئینستتیوتی ژیاربۆ پەروەردە وگەشەپێدانی مرۆیی سەرجەم لق ودەستەکانی ڕێکخراویان بەسەر کردەوە لە سلێمانی وهەولێر وهەڵەبجە ودەڤەری ڕاپەڕین وگەرمیان وخورماڵ وچەمچەماڵ وکۆیە. مەبەستی سەردانەکەیش جگە لە دەستخۆشی وبەرزنرخاندنی هەوڵ وماندوو بونی بەرپرسی وئەندامانی لقەکان لەچەند ساڵی ڕابوردودا، ڕونکردنەوەی هیڵە گشتیەکانی کاری ڕێکخراو و داڕشتنی پلان وپڕۆژەی گونجاو بوو بۆ دوو ساڵی داهاتوو .

کۆبوونەوەی دەستەی کارگێڕی

بونیادی کەسێتی

ڕۆژی شەممە بەرواری 2021/09/25 بەشی بانگەوازی (ئینستتیوتی ژیار) و (ڕێکخراوی تاج العارفین) لە هەڵەبجە هەستان بە ئەنجامدانی خێوەتگەی (بونیادی کەسێتی) بۆ ئاستی ئامادەیی و زانکۆ و پەیمانگاکان. سەرەتای خێوەتگەکە بە خوێندنەوەی چەند ئایەتێك لە قورئانی پیرۆز لەلایەن ئەندازیار ئامانج کەمال دەستیپێکرد و پاشان وتەی بەخێرهاتن لەلایەن: (م. موحسین ساڵح) وەك بەڕێوبەری خێوەتگە و بەرپرسی بەشی بانگەوازی لقی هەڵەبجە ئینستتیوتی ژیار پێشکەش کرا. لە خێوەتگەکەدا چوار بابەت پێشکەشکرا ڪە بریتی بوون لە: 1- (فیقهی فەرمان بە چاکە و ڕێگری لە خراپە) لەلایەن: (پ. خالید موحەممەد ساڵح). 2- (فیقهی موازەنات) لەلایەن: (د. عەبدولدائم هەورامانی). 3- (فیقهی ڕاجیایی _ الإختلاف) لەلایەن: (پ.ی.د. بەختیار نەجمەدین). 4- (فیقهی مەقاصد) لەلایەن: (پ.ی.د. هاشم عومەر). لە کۆتایی خێوەتگەکەدا سوپاس و پێزانین بەسەر وانەبێژان و بڕوانامە بەسەر بەشداربوواندا دابەشکرا.

کوبونەوەی ئەنجومەنی باڵای خوشکانی ژیار

ڕۆژی شەممە بەرواری ٢٠٢١/٠٩/٠٤ لە شاری سلێمانی، ئەنجومەنی اڵای خوشکانی ئینستتیوتی ژیار بە سەرپەرشتی بەڕێز: پرۆفیسۆر خالید موحەممەد صاڵح سەرۆکی ڕێکخراو وبە ئامادەبوونی بەڕێز: پ.ی.د. کامیل شارباژێڕی بەرپرسی لقی سلێمانی، کۆبوونەوەی ئاسایی خۆی گرێدا. لە کۆبوونەوەکەدا ئاماژە بە گرنگی کاری ڕێکخراوەیی وڕۆڵی ئافرەتان لەم سەردەمەدا و بە تایبەتی لە کۆمەڵگەی کوردییدا کرا و جەخت کرایەوە لە سەر زیاتر چالاکبوونی خوشکان لە لق و دەستەکانی ئینستتیوتی ژیار لە ناوچە جیاجیاکانی کوردستان.

بەرەو کاراکردنی ڕۆڵی بانگخوازان لە ناو کۆمەڵگەدا

ڕۆژی شەممە بەرواری ٢٠٢١/٠٩/١٨ پانێڵی (بەرەو کاراکردنی ڕۆڵی بانگخوازان لە ناو کۆمەڵگەدا) لە ئینستتیوتی ژیار لقی ڕاپەڕین بەڕێوەچوو. بەبەشداری بەڕێزان: پڕۆفیسۆر خالید موحەممەد صاڵح سیمینارێکی بە ناونیشانی "ئاڵنگارییەکانی بانگەوازی لە سەردەمی جیهانگیریی دا" پێشکەشکرد. بەڕێز د. حەمزە خەلیفە رەشید سیمیناری "هونەری چارەسەری کێشە کۆمەڵایەتییەکان"ی بۆ بانگخوازان پێشکەش کرد.

سیمیناری هیواکانی ژیار

لە ژێر دروشمى ژیار و هیواکانى دواڕۆژ، ئینستتیوتى ژیار بۆ پەروەردە و گەشەپێدانى مرۆیى خێوەتگەى (هیواکانى ژیار)ى لە ڕۆژانى شەممە و یەکشەممە 2021/08/22.21 سازکرد. خێوەتگەکە تایبەت بوو بە گەنجان و لاوانى ئینستتیوتى ژیار و، لە هەموو لق و دەستەکانەوە ئەندامانى ئینستتیوتى ژیار تیایدا بەشداربوون. لە خێوەتگەکەدا چەندین سیمینار پێشکەشکرا و چەند دانیشتن و گفتووگۆى کراوە سازکرا بۆ گوێگرتن و ڕاگۆڕینەوە لە مەڕ بابەتە هەنوکەییەکانى تایبەت بە بانگەواز و پەروەردە و پرسى گەنجان، هەروەها فیقهەکانى واقیع و ڕاجیایى و فەرمان بە چاکە و ڕێگریکردن لە خراپە و، چەندین باسى تر. شایەنى باسە 60 گەنج بەشدارى لە خێوەتگەکە کرد و بڕوانامەى بەشداربوونیان پێبەخشرا، جێى ئاماژەیە گەنجان خۆشحاڵى خۆیان دەربڕى لە سەرکەوتنى خێوەتگەکە و بە خێوەتگەیەکى سەرکەوتوو ستایشیان کرد و سوپاسى دەستەى سەرپەرشتیارى خێوەتگەکەیان کرد و هیواى بەردەوامى و کۆڵنەدانیان خواست لە سازکردنى ئەم جۆرە خێوەتگەیە. بەندەش لە خێوەتگەکەدا سیمینارێکم بە ناونیشانى (فیقهى واقیع) پێشکەشکرد.