چالاکییەکان
سیمیناری نەیارانی سوننەت لەبەرگی قورئانیبووندا
ئەمڕۆ ڕۆژی شەممە بەرواری 2019/4/20 پارێزگای هەڵەبجەی شەهید سیمیناری (نەیارانی سوننەت لەبەرگی قورئانیبووندا) زۆر سوپاس بۆ ناوچەی هەڵەبجەی یەکێتی زانایانی ئاینی ئیسلامی کوردستان إن شاء الله لەداهاتوویەکی نزیکدا دەقی سیمینارەکە لێرەوە بڵاو دەکەینەوە.
چالاکییەکان
بەخشینی بڕوانامە بە یەکەمین خولی پێگەیاندنی بانگخوازان
ئەمڕۆ ڕۆژی پێنج شەممە 2/ 1/ 2019 لە میانەی بەشداریکردنمان لە بەخشینی بڕوانامە بە دەرچوانی یەکەمین خولی ئەکادیمیای پێگەیاندنی بانگخوازان لەئینستتیوتی ژیار لقی گەرمیان. زۆر سوپاس بۆ سەرجەم ئەندامانی ماندوونەناسی لقی گەرمیان سوپاس بۆ سەرجەم مامۆستا بەڕێزەکانی خولەکە پیرۆزبێت لە خوێندکارە بەڕێزەکان.
چالاکییەکان
سیمیناری مامۆستایانی ئاینی ڕۆڵ و بەرپرسیارێتییان لە جێبەجێکردنی یاسای باری کەسێتیدا
ئەمڕۆ دوو شەممە بەرواری (٩-١٢-٢٠١٩) بە هەماهەنگی لەگەڵ بەڕێوبەرایەتی ئەوقافی ڕانییە لە لقی ڕاپەڕینی ئینستتیوتی ژیار لەخزمەت برایانی لق و مامۆستایانی بەڕێزی دەڤەرەکە سیمینارێکمان لەسەر (مامۆستایانی ئایینی ڕۆڵ و بەرپرسیارێتییان لە جێبەجێکردنی یاسای باری کەسێتیدا) پێشکەش کرد.
چالاکییەکان
وۆرک شۆپی قەیرانی بەهاکان
زانكۆی هەڵەبجە ۆرك شۆپی قەیرانی بەهاكان ساز دەكات: پێش نیوەڕۆی ئەمڕۆ ڕۆژی چوارشەممە بەرواری 2020/1/8كۆلێجی زانستە مرۆڤایەتیەكان /زانكۆی هەڵەبجە ۆرك شۆپێكی سازدا . كۆلێجی زانستە مرۆڤایەتیەكانی زانكۆی هەڵەبجە ۆرك شۆپێكی بەناونیشانی ( قەیرانی بەهاكان ) ساز كرد بۆ هەریەك لە بەڕێزان : پ.د. خالدمحمدصالح/ بەناونیشانی ( قەیرانی پەیامداران)زانكۆی سلێمانی. پ.ی.د. ناصیح كریم عبداللە/ بەناونیشانی( كاریگەری بەهاكان لەناوەندی ئەكادیمی ) زانكۆی هەڵەبجە . پ.ی.د. هاشم عمرأحمد/ بەناونیشانی ( ڕۆڵی كەتوارلەگەشەپێدانوپوكانەوەیبەهاكاندا ) زانكۆی هەڵەبجە .
چالاکییەکان
وۆرک شۆپ
ئه‌مڕۆ دووشه‌ممه 2020/1/27 له شاری كۆیه ۆركشۆپێك به هاوبه‌شی له‌نێوان ئینستتیوتی ژیار بۆ په‌روه‌رده‌و گه‌شه‌پێدانی مرۆیی و زانكۆی كۆیه/ به‌شی په‌روه‌رده‌ی ئایین له هۆڵی سه‌رۆكایه‌تی زانكۆی كۆیه به‌ڕێوه‌چوو. ۆركشۆپه‌كه به‌ناونیشانی (هه‌ندێك له چه‌مكه كۆمه‌ڵایه‌تی و خێزانییه‌كان - خوێندنه‌وه‌یه‌كی به‌راوردكار له نێوان هزری ئایینی و ده‌سته‌ڵاتی نه‌ریتگه‌رایی)یدا بوو، هه‌وره‌ها دوو پانێڵی تێدا پێشكه‌شكرا. سه‌ره‌تا وته‌ی زانكۆی كۆیه له‌لایه‌ن به‌ڕێز: (پ.ی د. حه‌یده‌ر له‌شكری) یاریده‌ده‌ری سه‌رۆكی زانكۆوه پێشه‌كشراو ئاماژه‌ی به گرنگی بابه‌ته‌كه كرد و هیوای سه‌ركه‌وتنی كاره‌كانی و گه‌یاندنی په‌یامه زانستیی و په‌روه‌رده‌ییه‌كانی ۆركشۆپه‌كه‌ی خواست. پاشان به‌ڕێز: پ.ی د. هێمن عه‌زیز ئیبراهیم وته‌ی سه‌رۆكایه‌تی به‌شی په‌روه‌رده‌ی ئایینی زانكۆی كۆیه‌ی پێشكه‌شكرد. هه‌وره‌ها به‌ڕێز: پ.ی د. هاشم ئیسماعیل ئیبراهیم ئه‌ندامی ده‌سته‌ی كارگێڕی ئینستتیوتی ژیار وته‌ی ئینستتیوتی ژیار بۆ په‌روه‌رده‌و گه‌شه‌پێدانی مرۆیی خوێنده‌وه. پانێڵی یه‌كه‌م: كاتژمێر (10 تا 11:30) خوله‌كی خایاند و به‌ڕێز پ.ی د. هێمن عه‌زیز ئیبراهیم به‌ڕێوه‌به‌ری بوو ئه‌م دوو بابه‌ته‌ی تێدا پێشكه‌شكرا: بابه‌تی یه‌كه‌م له‌ژێر ناونیشانی: (خوێندنه‌وه‌یه‌كی بابه‌تییانه بۆ پرسی یه‌كسانی له ده‌قه‌كانی یاسای باری كه‌سێتیدا) له‌لایه‌ن: پڕۆفیسۆر دكتۆر خالید محمد صاڵح. هه‌روه‌ها بابه‌تی دووه‌م له‌ژێر ناونیشانی: (بنه‌ماكانی په‌روه‌رده‌ی منداڵ) له‌لایه‌ن: م. هه‌وار سه‌مه‌ده‌وه پێشكه‌شكران. هه‌روه‌ها پانێڵی دووه‌م له (11:45 تا 01:15)ی خایاند و به‌ڕێوه‌به‌ری پانێڵه‌كه د. سه‌باح ره‌سول محه‌مه‌د بوو ئه‌م دوو بابه‌ته‌ی تێدا پێشكه‌شكرا: بابه‌تی یه‌كه‌م له‌ژێر ناونیشانی: (ڕێگاكانی به‌خته‌وه‌ربوونی خێزان) له‌لایه‌ن: پڕۆفیسۆر دكتۆر جه‌مال محه‌مه‌د فه‌قێ. هه‌روه‌ها بابه‌تی دووه‌م له‌ژێر ناونیشانی: (چۆنییه‌تی مامه‌ڵه‌كردن له‌گه‌ڵ كێشه خێزانییه‌كان) دكتۆر شێرزاد عبدالوهابه‌وه پێشكه‌شكران. شایانی باسه دوا به‌دوای پێشكه‌شكردنی پانێڵه‌كان له‌لایه‌ن هه‌ردوو ڕێكخه‌ری ناوبراوه‌وه ڕێزلێنان به‌خشرا به به‌شداربووان. جێگای ئاماژه‌یه وۆركشوپه‌كه نزیكه‌ی 5 كاتژمێری خایاندو له (9:30) خوله‌كی به‌یانیه‌وه تا (01:15) خوله‌كی پاشنیوه‌ڕۆ به‌رده‌وام بوو.https://zhyar.org/Topic_4572_1 ئینستتیوتی ژیار
چالاکییەکان
سەردانی شاندی باڵای ئینستتیوتی ژیار بۆ فەرمانگەی ڕێکخراوە ناحکومییەکان
ئەمرۆ بەرواری 2/8/2021 شاندێکی باڵای ئینستتیوتی ژیار بە سەرپەرشتی پڕۆفیسۆر خالید موحەممەد صاڵح سەرۆکی ئینستتیوت و بە یاوەری هەر یەک لە بەڕێزان: پڕۆفیسۆر سلێمان سەلیم غەزالی بەرپرسی لقی هەولێر ودکتۆر کامل عزیز عبدالله بەرپرسی لقی سلێمانی و دکتۆر عوسمان محمود سعیدالله، ئەندامی دەستەی کارگێڕی و مامۆستا ئامانج ئەندامی لقی هەولێر سەردانی فەرمانگەی ڕێکخراوە ناحکومییەکانیان کردو لە نزیکەوە چاویان بە بەڕێز: بەرزان ئەکرەم مەنتک بەڕێوەبەری فەرمانگەی ڕێکخراوە ناحکومییەکان کەوت وێڕای پیرۆزبایی کردن لە بەڕێزیان لە دەست بەکاربوونیان لەو پۆستە گفتوگۆیان سەبارەت بە کارو چالاکییەکانی ڕێکخراوو کۆی کارو بارەکانی فەرمانگەی ڕێکخراوە ناحکومییەکان وشێوازی هەماهەنگی کردن لەنێوان ڕێکخراوو فەرمانگە کرد،شایەنی باسە دنیشتنەکەکاتژمێریکی خایاند.
چالاکییەکان
سەردانیکردنی یەکێتی زانایان و قوتابخانەکانی ئامەد بۆ لقی سەرەکی ئینستتیوتی ژیار
ئەمڕۆ دووشەممە 2021/08/09 شاندێکى باڵاى یەکێتیی زانایان و قوتابخانە ئیسلامییەکان لە ئامەدى باکوورى کوردستان سەردانى بنکەى سەرەکی ئینستتیوتى ژیاریان کرد لە سلێمانى. شاندەکە پێکهاتبوون لە بەڕێزان: مامۆستا مەلا ئەنوەر فارقینی سەرۆکی یەکێتیی زانایان و قوتابخانە ئیسلامییەکان لە ئامەد و، م. موحەممەدبەشیر و، م. عەبدولقدووس، م. بەشیر، کاک عەبدولسەمەد. شایەنى باسە لەلایەن بەڕێزان: پڕۆفیسۆر خالید موحەممەد صاڵح سەرۆکى ئینستتیوتى ژیار و د. کامیل شارباژێرى و د. عوسمان ئالانیى و د. صەباح شارستێنى پێشوازیان لێ کرا. جێى ئاماژەیە مەبەست لە سەردانەکە ڕاگۆڕینەوە و سوود وەرگرتن بوو لە تواناکان و ئاڵۆگۆڕکردنى بۆچوونەکان بوو لەسەر کارە پەروەردەیى و زانستییەکان و درووستکردنى هەماهەنگى زیاتر بۆ کارى هاوبەش.
چالاکییەکان
ئاهەنگی کۆتایی هاتنی خولی ڕاگەیاندنی کەناڵی سەدا
ئەمڕۆ چوارشەممە 2021/08/04 لە لقى سلێمانى ئینستتیوتى ژیار ئاهەنگى کۆتاییهاتنى خولێکى ڕاگەیاندنى کەناڵى سەدا بەڕێوەچوو کە بۆ ئەندامانى بەشى ڕاگەیاندنى لق و دەستەکانى ئینستتیوتى ژیار ڕێکخرابوو. شایەنى باسە خولەکە بۆ زیاتر ئاشناکردنى ئەندامان بوو بە بوارەکانى هونەرى و تەکنیکى کارى ڕاگەیاندن بە گشتیى و کارى تەلەفیزیۆنى بە تایبەت.
چالاکییەکان
ئاهەنگی کۆتایی هاتنی خولی هونەری وتاربێژی
ئەمڕۆ سێشەممە 2021/08/17 ئاهەنگى کۆتاییهاتنى خولى هونەرى وتاربێژى لە لقى سلێمانى سازکرا. بە ئامادەبوونى بەڕێزان: پڕۆفیسۆر خالید موحەممەد صاڵح سەرۆکى ئینستتیوتى ژیار و بە بەشداریى پ.ى د. کامیل شارباژێریى بەرپرسى لقى سلێمانى و، پ.ى د. عوسمان ئالانی ئەندامى دەستەى کارگێڕى ئینستتیوتى ژیار و، پ.ى د. ناسیح ئارووزەریى بەرپرسی بەشی بانگەوازی لقی سلێمانی و م. دیار هەمەوەند کارگێڕى لقى سلێمانى ئاهەنگەکە بەڕێوەچوو. لە وتەیەکدا پ. خالید موحەممەد ساڵح ئاماژەى بە گرنگى کردنەوەى خولەکە و گرنگى بەشداربوون لەم جۆرە خولانەی بە پێویستی زانى لەسەر گەنجان کە خۆیان بەهرەمەند بکەن لە هەموو بوارەکاندا و، هەروەها دەستخۆشیى لە کارگێڕى لقى سلێمانى و مامۆستایانى خولەکە کرد کە خولێکى ناوازەیان بەڕێوەبردووە. هەروەها پ.ى د. ناسیح ئارووزەریى لە وتەیەکدا باسى لە کاریگەرى هونەرى وتاربێژى کرد . لە کۆتاییدا بوار ڕەخسا بۆ بەشداربووان وتەى کۆتایى خۆیان پێشکەش بکەن و سەرنجى خۆیان دەرببڕن. جێى ئاماژەیە ئەوانیش باسیان لە پڕ بایەخى خولەکە کردەوە و سوپاسى مامۆستایان و کارگێڕى لقى سلێمانییان کرد. خولى هونەرى ووتاربێژى لە ڕۆژى 2021/07/01 دەستیپێکرد و تا 2021/08/05 بەردەوامبوو، تیایدا 35 خوێندکار بەشداربوون.
چالاکییەکان
کۆتایهاتنی خولی ڕاگەیاندن
ئەمڕۆ چوارشەممە 2021/08/04 لە لقى سلێمانى ئینستتیوتى ژیار ئاهەنگى کۆتاییهاتنى خولێکى ڕاگەیاندنى کەناڵى سەدا بەڕێوەچوو کە بۆ ئەندامانى بەشى ڕاگەیاندنى لق و دەستەکانى ئینستتیوتى ژیار ڕێکخرابوو. شایەنى باسە خولەکە بۆ زیاتر ئاشناکردنى ئەندامان بوو بە بوارەکانى هونەرى و تەکنیکى کارى ڕاگەیاندن بە گشتیى و کارى تەلەفیزیۆنى بە تایبەت.
چالاکییەکان
بەسەرکردنەوەی لقەکانی ئینستتیوتی ژیار لە شار و شارۆچکەکانی کوردستان
لەچەند ڕۆژی ڕابردوودا لەگەڵ شاندێکی باڵای ئینستتیوتی ژیار کە پێکهاتبوو لەهەریەک لەبەڕێزان: (د. شێرزاد عبدالوهاب جێگری سەرۆکی ئینستتیوت، د. خاليد گەردی بەرپرسی به‌شی په‌روه‌رده و كاروباری زانستی، د. کامل عەزیز به‌رپرسی به‌شی پلاندانان و به‌دواداچوون، د. بەختیار نەجمەدین به‌رپرسی به‌شی كارگێڕی، م. حەمزە خەلیفە بەرپرسی بەشی بانگەواز). سەرجەم لق و دەستەکانی ئینستتیوتی ژیارمان لە: (هەولێر، سلێمانی، هەڵەبجە، گەرمیان، ڕانیە، پشدەر، چەمچەماڵ، کۆیە، کفری، باوەنور، سەرقەڵا، سیروان، تەکیە، خەبات، هەریر، سۆران، تەقتەق، ڕزگاری). بەسەرکردەوە و له‌لایه‌ن به‌رپرس و كارگێرانی دەسته‌كانه‌وه به‌گه‌رمی پێشوازی له‌شانده‌كه كراو خۆشحاڵی و پێزانینی خۆیان له‌پای ئه‌نجامدانی سه‌ردانه‌كه خسته‌ڕوو. مه‌به‌ستی سەرەکی سەردانەکان هه‌ڵسه‌نگاندن و به‌دواداچوون بوو بۆ كارو چالاكییه‌كان و گوێگرتن له‌پێشنیار و پرۆژه‌كان و كاركردن بۆ به‌گەڕخستنیان له‌ماوه‌ی داهاتوودا. بەناوی خۆم و سەرجەم ئەندامانی دەستەی کارگێڕییەوە ڕێزو پێزانینی بێ پایانی خۆمان ئاراستەی یەکە بەیەکەی ئەو خوشک و برا بەڕیزانە دەکەین لەهەر جێگەو پێگەیەکدان کە ماندوونەسانە و بێ هیچ بەرامبەرێک دڵسۆزانە خزمەتێکی بەرچاوی لایەنی ئایينیی و ئەخلاقیی و زانستیی و پەروەردەیی منداڵان و گەنجان و خەڵکی ناوچەکانیان دەکەن. داواکارین لە خوای گەورە بەرەکەت بخاتە کارەکانیانەوە و سەرفرازی دونیا و قیامەتیان بکات و خۆیان و خانەوادە بەڕێزەکانیان لەهەموو دەردو بەڵایەک بەدوور بکات.
چالاکییەکان
سیمیناری کاریگەری سۆشیال میدیا لەسەر خێزان
دوێنێ بەرواری 24/ 12/2020 لە پارێزگای هەڵەبجەی شەهید بە سیمینارێک لەژێر ناونیشانی ( کاریگەری سۆشیال میدیا لەسەر خێزان) بەشداریمان کرد لە خێوەتگەی (بەختەوەری خێزانی) کە بە سوپاسەوە لقی هەڵەبجەی ئینستتیوتی ژیار بۆ (75) لە خوشكانی دەڤەرەکەی سازدا بوو.
چالاکییەکان