بەخشینی بڕوانامە بەهەرسێ پەیمانگەی زانستەئیسلامییەکانی ئینستتیوتی ژیار

ڕۆژی شەممە بەرواری 30\7\2022 ئینستتیوتی ژیار بۆ پەروەردەو گەشەپێدانی مرۆیی/ لقی هەولێر هەستا بە سازدانی ئاهەنگی دەرچوانی پەیمانگاکانی ژیار، کە پێکهاتبوون لە: - پەیمانگای ئیبن سەلاحی شارەزووری بۆ فەرموودە. - پەیمانگای بانگخوازان. - پەیمانگای ژیار بۆ زانستە شەرعییەکان. شایەنی باسە ژمارەی قوتابیانی دەرچوو بریتیبوون لە 34 فێرخواز لە هەرسێ پەیمانگاکە. سەرەتای ئاهەنگەکە بەخوێندنەوەی چەند ئایەتێکی قورئانی پیرۆز لەلایەن: محمد جلال کوردی دەستی پێکرد، پاشان وتەی بەخێرهاتن لەلایەن: پ.د.سلێمان سلیم ئاکرەیی پێشکەشکرا. دواتر وتەی سەرۆکی ئینستتیوتی ژیار لەلایەن د،خالد محمد صالح پێشکەش کرا. پاشان وتەی نوێنەری مامۆستایان لە لایەن د.شێرزاد عبدالوهاب پێشکەش کرا. دواتر سوپاس و پێزانین بەسەر مامۆستایانی ڕێزداردا دابەشکرا. هەروەها وتەی بەرپرسی خولە درێژ خایەنەکان لە لایەن: د.خالد گەردییەوە پێشکەشکرا. پاشان وتەی نوێنەری قوتابیانی دەرچوو لە لایەن: م.صلاح شێروانی پێشکەشکرا. لەکۆتاییدا بڕوانامەو خەڵات بەسەر دەرچوان دابەش کراو ئاهەنگەکە کۆتایی هات.