چالاکییەکان
سەردانیکردنی لیژنەی هاریکاری ئیسلامی بۆ لای حیزبە ئیسلامییەکان
دوێنێ بەرواری ٢٠١٧/٢/٢١ لەگەڵ لیژنەی هاریکاری ئیسلامی سەردانی هەردوو بەڕێزان م. صلاح الدین محمد بهاء الدین و م. علی باپیرمان کرد بەمەبەستی تاوتوێکردنی هەندێک پرسی هەستیار وتایبەت بە پڕۆژەی ڕێکخستنەوەی نێو ماڵی ئیسلامی ولەدیدارەکاندا تیشک خرایە سەر ڕەوشی پرۆژەکە وپاڵنەر ولەمپەرەکانی، وجەخت لەسەر ئەوە کرایىەوە کە هەموو لایەک پابەند بین بە کارنامەی پڕۆژەی برایەتی ودەستەی باڵاەوە پێکەوە هەوڵ بدەین بۆ نەهێشتنی ئەو دیاردە دزێوانەی کەزۆرکات لەسۆشیال میدیا وتۆڕە کۆمەڵایەتیەکانەوە سەر هەڵدەدەن وخەڵکانی نابەرپرس وگێرەشێوێن دەیانوروژێنن ودەبنە مایەی نانەوەی بشێوی زیان گەیاندن بەگیانی تەبایی وبرایەتی وبێ هیوا بوون جەماوەری ئیسلام دۆست لەپڕۆژەکە، وسوپاس بۆ خوا دەرنجامی هەردوو دانیشتنەکە زۆر ئەەرێنی بوون.
خولی ڕاڤەی بنەماکانی فیقهی ئیسلامی
خولی ڕاڤەکردنی بنەماکانی فیقهی ئیسلامی وانەی (٧) ڕۆژی چوارشەممە بەرواری (٢٠١٧/١/٤).
سەرپەریشتیکردنی تێزی دکتۆرا
ئەمڕۆ بەرواری ٢٠١٧/١/٣ لە زانکۆی صەلاحەدین کۆلێژی زانستە ئیسلامیەکان بەشی خوێندنی ئیسلامی بەشداریمان کرد لە گفتوگۆی تێزی دکتۆرای خوێندکار جمعە عباس حسن کە لە ژێر ناونیشانی (النزاهة الوظيفية في الشريعة الإسلامية والقانون الوضعي) پێشکەشی کردبوو.
بەشداریکردن لە کۆنفرانسی تەوژمە فیکرییەکان لە وڵاتی سعودییە
ئه مرو به رواري2017/3/19 وه ك به ريوبه ري ريكخراوي زيار به شداريمان كرد له ده سبيكي كونگره ي (ته وزمه فيكريه كان له نيوان ئازادي بير وراو بنه ما نه گوره كاني شه ريعه تدا). كه له لايه ن رابيطه ي جيهاني ئيسلاميه وه ريكخراوه وماوه ي سي روز ده خايه نيت. له به راويزي كونگره كه دا جاومان به م به ريزانه كه وت (د. يوسف القرضاوي) سه روكي يه كيتي زاناياني جيهاني ئيسلامي. (د. عبد الملك السعدي). موفتي عيراق. (د. عبد الحكيم السعدي) زاناي ناوداري عيراق. (موفتي شيشان) و (موفتي روسيا). و (أبو المنتصر البلوشي) زاناي دياري سوننه ي ئيران. وزوريكي تر له زاناياني جيهاني ئيسلامي.
کۆبونەوەی دەستەی بانگخوازانی هەرێمی کوردستان
ئەمڕۆ ١٩-٤-٢٠١٧ لەشاری هەولێر لەدیدارێکی دۆستانەی دەستەیەک لەبانگخوازانی هەرێمی کوردستان بۆ گفتوگۆ کردن لەسەر داهاتووی کاری بانگەوازلەهؤڵی مامۆستای شەهید إن شاء الله د. هوشیار .
دیداری لایەن و ڕێکخراوە ئیسلامیەکانی کوردستان
دوێنێ بەرورای (١٨/رەجەب/ ١٤٣٨) بەرامبەر (١٢٠١٧/٤/١٥) بەشداریمان کرد لە یەکەم دیداری لایەن وڕێکخراو کەسایەتیە ئیسلامییەکانی کوردستان، وبەنوێنەرایەتی دەستەی باڵای کاری هاوبەش، ولیژنەی کارگێڕی، ولیژنەی هاریکاری ووتەی بەخێرهاتنم پێشکەش کرد وتێیدا ئەم خاڵانەم ڕوون کردەوە: １- ڕێزو سوپاس بۆ هەموو ئەو بەڕێزانەی هاوخەم وهاوسۆزن لەگەڵمان ولەبەر کەمی شوێن نەمانتوانی بانگهێشتیان بکەین بۆ دیدارەکە وئەوانیش وەکو ئێمە خاوەنی پڕۆژەکەن وهەر دید وبۆچونێکیان هەبێت ئێمە لەخزمەتین ودەرگای دڵمان بۆیان کراوەیە. ئەمە تەنها دیداری یەکەمە وإن شاء الله لە داهاتوودا دیداری بەرفراوانترمان دەبێت. ２- پڕۆژەکە هی هەموومانە وپێکەوە خاوەندارێتی دەکەین وهەموومان وەک یەک لەبەرامبەریدا بەرپرسیارین چ ئەوانەی لێرەن وچ ئەوانەیش بەدڵ ودوعاخێرەکانیان لەگەڵمانن. ３- ڕێز وسوپاس بۆ جەنابی د. علی قەرەداغی وکەسی یەکەمی لایەنە ئیسلامییەکان کەدڵسۆزانە مامەڵەیان لەگەڵ ئەم پرس وپڕۆژەیە کردوە، بەڵام بەدڵنیاییەوە ئێمە وجەماوەری ئیسلام دۆستی کوردستان چاوەڕێی زۆر زیاتریان لێ دەکەین. ４- ئامانجی سەرەکەی دیدارەکە بەدەستهێنانی ڕەزامەندی خوای گەورەیە لەدوتوێی داڕشتنی نەخشە ڕێگایەکە بۆ داهاتووی کاری ئیسلامی لەکوردستان کەهەموو ووزە وتواناکانمان کۆ بکاتەوە. ５- بەرنامەی دیدارەکە زادەی بیر وپڕۆژەی هیچ کەس ولایەنێکی دەرەوەی دەستەی باڵا نیە وجگە لەو نەخشە ڕێگایەی کەلەبەردەستدایە دیدارەکە هیچ چوارچێوە وبنەمایەکی تری نیە. ６- مەبەست لەپڕۆژەی کاری ئیسلامی هاوبەش سڕێنەوەی دید وبۆچونە جیاوازەکان نیە بەڵکو ئاراستەکردنیانە بەرەو کار وبەرنامە وپڕۆژەی هاوبەش بەشێوازێک کەبتوانین بەدەنگ وڕەنگە جیاوازەکانمان تابلۆیەکی جوانی کاری ئیسلامی گشتگیر وێنا وبەرجەستە بکەین. ７- ئێمە هەموومان لێرەین بۆ ئەوەی پێکەوە بەرەو داهاتوو هەنگاو بنێن ولەگەڵ پڕۆژەی برایەتی بەردەوام دەبین تا دەگەینە ئامانجی یەکگرتنی هەموو هێز وتواناکان بەڵام بەدڵنیاییەوە گەیشتن بەو قۆناغە زەمینە سازی وکاری بەردەوامی دەوێت. ８- هەڵوێستەکردن وبەووریایی مامەڵە کردن لەگەڵ هەر قۆناغێک نابێت وەکو پاشەکشە تەماشا بکرێت ولەئەمانجە باڵاکانمان ساردمان بکاتەوە. ９- پێمان خۆشە ئەم هەنگاوی ئیسلامخوازانی کوردستان ببێتە سەرەتایەک ونموونەیەکی سەرکەوتوو بۆ ڕێکخستنەوەی نێو ماڵی کورد وکۆکردنەوەی گشت هێز و تواناکان لەپێناو بەدیهێنانی مافەکانی گەلی کوردو دۆزە ڕەواکەی. １０- پێمان خۆشە لێرەدا و وەکو لەدروشمی دیدارەکەدا هاتووە نەخشە بۆ داهتوویەکی گەشتری کاری ئیسلامی دابنێین وئاوڕ لە ڕابورد و خەم وئازەکانی نەدەینەوە. هەر میانەی قسەکاندا تیشکم خستە سەر مێژووی پڕۆژەکە وگرنگترین قۆناغەکانی کە ئەمانەن: - لە (١٢-٢-٢٠١٦) لەدیداری دووەمی بەرفراوانی ڕێکخرا ولایەنەکان بڕیاری دامەزراندنی لیژنەی هاریکاری لەچەند ڕێکخراوێک ونوێنەرانی لایەنە ئیسلامیەکان درا. - پاش چەندین دیدار وکۆبوونەی بەردەوام لیژنەی هاریکاری لە (١٨/١٢/٢٠١٦) پێشنیاری دامەزراندنی دەستەی باڵای کاری هاوبەشی کرد، ولە (٢١/١٢/٢٠١٦) ولەدانیشتنی دووقؤڵی یەکگرتوو وکۆمەڵێ ئیسلامی وپاش قسەکردن لەگەڵ بزووتنەوەی ئیسلامی هەرسێ لا بەسوپاسەوە پێشنیارەکەیان قبوڵ کرد وبڕیاری دامەزراندنی دەستەیەک درا لە ژێر ناوی (دەستەی باڵای کاری هاوبەش) کە لە (١٥) ئەندام پێک دێت بەم شێوەیەی لای خوارەوە: - کەسی یەکەمی هەرسێ لایەنی ئیسلامی. - سێ ئەندامی لیژنەی کاری هاوبەشی هەر سێ لایەن کە دەکاتە (٩) ئەندام. - سێ ئەندامی ڕێکخراوەکان بە سیفەتی چاودێر وپشتیوان. - لە (٣١/١٢/٢٠١٦) دەستەی باڵا یەکەمین دانیشتنی خۆی ئەنجامدا وهەر لەو دانیشتنەدا بڕیاری دامەزراندی لیژنەی کارگێڕی درا کە لە (٤) کەس پێک دێت و (٣) نوێنەری لایەنە ئیسلامیەکان ولەگەڵ (١) نوێنەری ڕێکخراوەکان. - لە (٢٨/١/ ٢٠١٧) دەستەی باڵا دووەمین کۆبوونەوەی خۆی ئەنجامدا وتێیدا کارنامەی دەستەی باڵا پەسەند کرا کە ئەم ئەرک وکارانە لەخۆ دەگرێت: １- داڕشتن وپەسەندکردنی پڕۆژەیەکی گشتگیر بۆ کاری هاوبەشی ئیسلامیەکانی کوردستان. ２- تاوتوێکردنی پرس وپێشهاتە سایسیەکان ویەکخستنی هەڵوێست لەبەرامبەریان. ３- بەدیهێنانی مافە ڕەواکانی گەلی کورد لەسەروی هەموویانەوە مافی سەربەخۆیی کوردستان. ４- یه‌كخستنی وتاری فیکری و بانگخوازی. ５- دروستکردنی دیدگای هاوبەش بەرامبەر پرسە نیشتیمانی ونەتەوەییەکان. ６- داڕشتنی پرۆژەیەکی چاکسازی گشتگیرکە لە ئاستی قۆناغەکە وداخوازیەکانی خەڵکی کوردستاندا بێت. ７- هه‌ماهه‌نگی له‌نێوان لایه‌نه‌كان و ڕێكخراوه‌كانی كۆمه‌ڵی مه‌ده‌نیدا. ８- دانانی به‌رنامه و پلان بۆ هه‌ماهه‌نگی و یه‌كخستنی ده‌زگا و دامه‌زراوه‌ی لایه‌نه ئیسلامیه‌كان. ９- ڕێگرتن و لێپرسینەوە لە هه‌ر وتار و لێدوانێك كه زیان به پرۆژه‌ی برایه‌تی و كاری هاوبه‌ش بگه‌یه‌نێت. １０- لەکاتی پێویست بڕیار لەسەر ئەنجامدانی کۆنفرانس وگۆنگرەی تایبەت دەدات. - هەروەها بڕیاریش درا کە وه‌رگرتنی بڕیار له‌ده‌سته‌ی باڵا به سازان (توافق) ده‌بێت.لەکاتی نەگەیشتن بە سازان (توافق) لایه‌نه‌كان ڕێز له تایبەتمەندی و بۆچوونی جیاوازی یه‌كتر ده‌گرن. - هەر لەو دیدارەیشدا کارنامەی دەستەی کارگێڕی پەسەند کرا. - لە (٢٨/٢/٢٠١٧) دەستەی باڵا سێیەمین کۆبوونەوەی خۆی ئەنجامدا وتێیدا سازدانی ئەم دیدارە پەسەند کرا بەو هیوایەی بتوانین پێکەوە بەکۆمەڵێک ڕسپاردەی گونجاو ونەخشەڕێگایەکی تۆکمەوە کۆتایی پێ بهێنین. والسلام علیکم ورحمة الله وبرکاته
گەشتی قوتابیان
دوێنێ ٢٠١٧/٧/١٦ لەگەڵ قوتابیە چاوگەشەکانی مزگەوتی هەواری زانکۆ گەشتێکمان کرد بۆ ناوچەی قەرەداغ. زۆر سوپاس بۆ جەنابی م. ئارام، وکاک فاروق، وکاک زمناکۆ، وکاک أکرم، وکاک دیار کە زۆر مانوبوون لەگەلمان خوا نموونەیان زیاد کات.
بەشداریکردنی خۆپیشاندان لە دژی پێشێلکارییەکانی ڕژێمی زایۆنی
ئەمڕۆ پێنجشەممە بەرواری 20/5/2021لە میانەی بەشداریکردنمان لە خۆپیشاندان لەدژی پێشێلکارییەکانی ڕژێمی زایۆنیزمی جولەکە دژبە گەلی فەلەستینی
پڕۆژەی هاریکاری ئیسلامی
ڕوون کردنەوەیەک بۆ هەوادارانی پڕۆژەی ئیسلامی لەکوردستان بەڕێزان بۆ دوساڵ دەچێت هەموومان پێکەوە سەرقاڵی پڕۆژەی یەکخستنەوەی نێوماڵی ئیسلامین، وسوپاس بۆ خوا لەو پێناوەیشدا هەنگاوی باشمان ناوە وکۆسپ وبەربەستی زۆرمان بڕيوە، ئێستایش کەنزیک دەبینەوە لەوادەی هەڵبژاردنەکان پێم خۆشە ئەم چەند خاڵە لەسەر خودی پڕۆژەکە وئامانجەکانی بخەمە ڕوو: １- ئامانجی پڕۆژەکە: ئامانجی سەرەکی پڕۆژەکە پاش بەدەستهێنانی ڕەزامەندی خوای گەورە، دەربازکردنی پڕۆژەی ئیسلاميیە لەو حاڵەتی ئیفلیجی وچەقبەستویی وبشێویيەی کەتووشی هاتووە، کە پاش چارەکە سەدەیە لەکار وهەوڵی بەردەوام، پڕۆژەکەی ئێمە هێشتا جێگای متمانەی لە (١٧%) خەڵکی کوردستانە؛ بۆیە ئەم پڕۆژەیە ئامانجی درێژخایەنی هەیە وبۆ قۆناغ یان کار یان کاتێکی دیاری کراو نەهاتۆتە بوون وهیچ کام لەو فاکتەرانەیش پەکی ناخەن. ２- بیرۆکەی پڕۆژەکە: پڕۆژەکە هی هەموومانە ودەبێت هەموویشمان بەگیانی بەرپرسیارێتییەوە مامەڵەی لەگەل بکەین، نەک لەپێناو خۆ دەرخستن یان موزایەدەی سیاسی یان زیاد کردنی لایک وکۆمێنتی پەیج وئەکاونتەکانمان بەپێ خاوسی بکەوینە ناوی قسەی بێبنەما وبریندارکەری لەبارەوە بکەین وزیان بەداهاتووی پڕۆژەکە بگەیەنین. ３- ڕۆڵی ئێمە: تایبەت بەو کەسایەتی وڕێکخراوانەی لەپڕۆژەکەدان ئێمە هەر لەسەرەتاوە ڕۆڵی نێوەندیگری وچاودێریمان هەڵبژاردوە بۆیە بەداوای لێبوردنەوە هەرکەسێک یان ڕێکخراوێک ئەو ڕۆڵە لەدەست بدات وسەنگەر لەلایەنێکی پڕۆژەکە بگرێت ئەوە ئەو ئازادە بەڵام ئێمە لەپێناو بەرژەوەندی گشتی پڕۆژەکە ناتوانین جارێکی تر وەک بێلایەن یان چاودێر تەماشای بکەین ومامەڵەی لەگەڵ بکەین. ４- هەڵوێستی لایەنەکان: لایەنەکان کۆکن لەسەر بەدەوامی لەپڕۆژکە وهەموویشمان کۆکین لەسەر ئەوەی هەر بڕیارێک بدەین بەتوافق دەبێت ئەگەر نا ئەوە پێویستە لایەنەکان ڕێز لەبڕیاری یەکتر بگرن هەرچی وهەرچۆن بێت. ５- پرسی هەڵبژاردن: هەرچەند ئاواتی ئێمە وجەماوەی ئیسلام دۆستی کوردستانیش ئەوەیە کە بۆ هەڵبژاردنی داهاتوو ئیسلامییەکان یەک لیستیان هەبێت، بەڵام لەوانەیە ئەو کارە زەمینەسازی زیاتری پێویست بێت، بۆیە ئەگەر بۆ ئەم قۆناغەیش یەک لیستی نەکرا ئەوە واتای کۆتایی دونیا نییە، وناکرێت ئێمە بۆ بانگەشەی هەڵبژاردن ولەپێناو بەدەستهێنانی کورسی بکەوینە گیانی یەکتر؛ چونکە کاری ئیسلامی زۆری ماوە وکاتیش زۆر لەبەردەستایە ودەکرێت ئێمە دواتر فراکسیۆنەکانمان یەک خەین وکار لەسەر یەک هەڵوێستی ویەک پڕۆژەیی بۆ داهاتوو بکەین. ６- یەک هەڵوێستی دەربارەی پرسە نیشتمانی ونەتەوەییەکان: دیارە ئێمە تا ئێستا وەک لایەنەکانی ناو پڕۆژەکە هەڵوێستمان لەمەڕ زۆرێک لەپرسە چارەنووس سازەکانی تایبەت بەهەرێم جیاوازە ویەک هەڵوێست نین بەرامبەریان، ئەوەی گرنگە ئەوەیە ناکرێت هەڵوێستی هیچ لایەک بەرگی ئیسلام وشەرعی بکرێت بەبەردا وهەڵوێستی بەرامبەری پێ سەرکۆنە بکرێت؛ چونکە کۆی هەڵوێستەکان لەبازنەی سیاسەت وئیجتیهاد ناچنە دەرەوە وپەیوەندییان بەحەڵاڵ وحەرامەوە نییە ودەرەنجامیش نازانرێت پێشبینی کێ ڕاست دەردەچێت، باخۆیشمان دابەش نەکەین بەس هیچ بەرەیەکدا وهەوڵ بدەین پێکەوە بەرەیەک پێک بهێنین کە خەڵکی بەش مەینەتی ئەو هەرێمە لەم دۆخە نالەبارە ڕزگار بکات. ７- پاش جەژن إن شاء الله لیژنەی کارگێڕی ودەستەی باڵا دانیشتنەکانی دەستپێدەکاتەوە وزەمینەسازی بۆ هەنگاوەکانی داهاتوو دەکرێت. 8- لەکۆتاییدا دەمەوێت ئەو تکایە لەهەموو لایەک بکەم کە خۆی بەدڵسۆزی پڕۆژەی ئیسلامی دەزانێت لەکوردستان با لە گۆشەی بەرتەسکی حیزبایەتی وپیرۆزکردنی سەرکردە ودروشم بێنە دەرەوە وبچینە بازنەفراوانەکەی پەیامەکەی خوای گەورەوە وهەموومان وەک برا مامەڵە لەگەڵ یەکتر بکەین وهەوڵ بدەین یەک دەست ویەک مەبەست بین وخۆشی وناخۆشییەکانمان ئاوێتەی یەکتر بکەیین وبەگیانی بەرپرسیارێتییەوە مامەڵە لەگەڵ پرسی برایەتی ویەکڕیزی نێوان موسوڵمانان بکەین وخۆمان لەتانە وتوانج وقسەی نەشیاو وبریندارکەر بپارێزین چونکە هەموو ئەوانە حەرامن وخزمەت بەبەرژەوەندی هیچ لایەکمان ناکات. باهەموویشمان لەم شەوە پیرۆزانەدا زۆر لەخودا بپاڕێینەوە کەدڵەکانمان یەک خات وچی خۆی بەباشی دەزانێت ئەوەمان بۆ بکات، ولەکەم وکورتی هەموو لایەکمان ببورێت. براتان پ.د. خالد محمد صالح ٢٤/ڕەمەزان/ ١٤٣٨ ١٩/٦/٢٠١٧
سەردانیکردن
ئەو پیاوەی دوێنێ وەکو گەورە تیرۆریست لە ڕاگەیاندنەکاندا وێنا کرا: ١- ساڵی ١٩٩٤ پادشای سعودیە خەڵاتی مەلیک فەیصەلی پێبەخشیوە وەک ڕێزلێنانێک بۆ خزمەتەکانی بە ئاینی پیرۆزی ئیسلام. ٢- ساڵی ٢٠٠٠ حکەمەتی ئیمارات وەکو کەسایەتی ساڵ لەخزمەتی قورئان وئەو کەسانەی کە لەخوار دەسالیەوە قورئانیان لەبەر کردووە دەستنیشانی کرد. وحاکمی دوبەی محمد بن راشد کاتێک خەڵاتەکەی پێ بەخشی پێی گوت: ئێمە خۆشمان دەوێیت وهەموویشمان قوتابی تۆین. ٣- ساڵی ٢٠١٠ پادشای ئوردون ویسامی پلەی یەکەمی ڕزگاری پێدا وەک ڕێزلێنانێک لەخزمەتەکانی. ٤- ئەم پیاوە تا ئێستا زیاتر لە (١٧٠) کتێبی چاپکراوی هەیە. بەداخەوە دوێنیێ ئەم زانا پایە بەرزە وەک گەورە تیرۆریستێک ناسێنرا ومافی ئەندامێتی کۆمکاری فیقی ئیسلامی لێسەندرایەوە.
کۆنفرانسی ساڵانەی ژیار
ئەمڕۆ بەرواری ٤/شعبان/١٤٣٨ بەرامبەر ٢٠١٧/٥/١ لەژێر دروشمی (بە بیرو کاری داهێنەرانە ژیارمان بونیاد دەنێین) ڕێکخراوی ژیار دووەمین کۆنفرانسی خۆی ئەنجامدا و وتێیدا هەڵسەنگاندن بۆ کار وچالاکيیەکانی ساڵی ڕابوردو کرا وپلانی کاری داهاتوو پەسەند کرا وپەیکەری کارگێڕی ڕێکخراو داڕشتنەوەی بۆ کرا. داواکارین لە قاپی ڕەحمەتی پەروەردگار هاوکار وپشتیوانمان بێت بۆ جێبەجێکردنی نەخشەی کاری داهاتوومان وکارەکانی پێشووی بەمیهری خۆی لێ قبوڵ کردبین. من لێرەوە سوپاسی هەموو ئەو خوشک وبرا ماندونەناسانەی ژیار دەکەم کە هەوڵی زۆریان داوە ودڵسۆزانە تێکۆشاون تا ژیاریان گەیاندۆتە ئەمڕۆ کە توانیویەتی لەزۆربەی شار وشارۆچکەکانی کوردستان لق ودەستەی هەبێت، ولەکۆی پرسە هەستیارەکانی پەیوەست بەکارو چالاکییەکانی جێ پەنجەی دیار بێت.
کۆنفرانسی ساڵانەی ژیار
ئەمڕۆ بەرواری ٤/شعبان/١٤٣٨ بەرامبەر ٢٠١٧/٥/١ لەژێر دروشمی (بە بیرو کاری داهێنەرانە ژیارمان بونیاد دەنێین) ڕێکخراوی ژیار دووەمین کۆنفرانسی خۆی ئەنجامدا و وتێیدا هەڵسەنگاندن بۆ کار وچالاکیەکانی ساڵی ڕابوردو کرا وپلانی کاری داهاتوو پەسەند کرا وپەیکەری کارگێڕی ڕێکخراو داڕشتنەوەی بۆ کرا. داواکارین لە قاپی ڕەحمەتی پەروەردگار هاوکار وپشتیوانمان بێت بۆ جێ بەجێکردنی نەخشەی کاری داهاتوومان وکارەکانی پێشووی بەمیهری خۆی لێ قبوڵ کردبین. من لێرەوە سوپاسی هەموو ئەو خوشک وبرا مانونەناسانەی ژیار دەکەم کە هەوڵی زۆریان داوە ودڵسۆزانە تێکۆشاون تا ژیاریان گەیاندۆتە ئەمڕۆ کە توانیویەتی لەزۆربەی شار وشارۆچکەکانی کوردستان لق ودەستەی هەبێت، ولەکۆی پرسە هەستیارەکانی پەیوەست بەکارو چالاکیەکانی جێ پەنجەی دیار بێت.