کۆبوونەوەی دەستەی کارگێڕی

ڕۆژی یەکشەممە بەرواری 2021/12/26 کۆتا دانیشتنی ئاسایی دەستەی کارگێڕی ئینستتیوتی ژیار بۆ ساڵی 2021 لەسلێمانی.

خێوەتگەی گەنج و پلەی بەرزی بانگخوازی

ڕۆژی شەممە بەرواری 25/12/2021 بەشداریمان کرد بە سیمینارێک لەژێر ناونیشانی (گەنج و پیرۆزی پەیامداری) لە خێوەتگەی: (گەنج و پلەی بەرزی بانگخوازی). کە تایبەت بەخوشکان سازکرا بوو لە لقی گەرمیانی ئینستتیوتی ژیار.

ئاهەنگى خولى پێشەنگەکان

لە بەروارى 2021/12/08 ئاهەنگى خولى پێشەنگەکان لە لقى سلێمانى ئینستتیوتى ژیار بەڕێوەچوو. ئاهەنگەکە بە ئامادەبوونى بەڕێزان: پ. د. خالید موحەممەد ساڵح سەرۆکى ئینستتیوتى ژیار و، پ.ى.د. کامیل شارباژێڕى بەرپرسى لقى سلێمانى و، هەروەها ئەندامانى دەستەى کارگێڕى بەڕێزان: پ.ى.د. عوسمان ئالانى و، پ.ى.د. بەختیار نەجمەدین و، د. سەباح شارستێنى، بەڕێوەچوو. شایەنى باسە خولەکە لە 2021/03/31 تاوەکو 2021/11/24 بەردەوام بوو. بەشداربووانى خولەکە ژمارەیان 25 خوێندکار بوو، لەلایەن مامۆستایانى شارەزا و بە ئەزموونەوە وانەکان دەووترایەوە و بە گشتیى خولەکە سەرکەوتوو بوو.

ڕێسا فقهییەکان بۆ کارە پزیشکییەکان

ڕۆژی هەینی بەرواری 3/12/2021 سیمینارێکمان پێشکەش کرد لە ژێر ناونیشانی: (.ڕێسا فقهییەکان بۆ کارە پزیشکییەکان). کە لە هۆڵی ناوەندی کوردوستان بۆ ئیعجازی قورئان و سوننەت سازکرابوو بۆ خوێندکارانی کۆلێژەکانی پزیشکی و پەرستاری

کۆنفرانسی ئینستتیوتی ژیار

ڕۆژی چوارشەممە ٢٥-١٢-٢٠١٩ لەژێر دروشمی داهێنان و نوێبوونەوە دووەمین کۆنفرانسی ئینستتۆتی ژیار بۆ پەروەردەو گەشەپێدانی مرۆیی بەڕێوە چوو.

پێشوازیمان کرد لە دەستەی دامەزرێنەری ڕێکخراوی مركز میثاق للحوار والتنمیة

ڕۆژی پێنجشه‌ممه‌ بەرواری (2021/11/25) پ. خالید موحەممەد ساڵح سەرۆکى ئینستتیوتى ژیار و شاندێکى یاوەرى، لە شارى سلێمانى و لە بنکەى سەرەکى ئینستتیوتى ژیار بۆ پەروەردە و گەشەپێدانى مرۆیى، پێشوازیان کرد له‌ ده‌سته‌یه‌ك له‌ ئه‌ندامانی دامه‌زرێنه‌ری ڕێكخراوی (مركز میثاق للحوار والتنمیة) کە له‌ شاری به‌غداده‌وه‌ سەردانى ئینستتیوتى ژیاریان کرد، بە مەبەستى سوودوەرگرتن لە ئەزموون و شارەزایى لە کاروبارى ڕێکخراوەیى لە هەرێمى کوردستان بە گشتیى و ئینستتیوتى ژیار بە تایبەتى. شاندەکە پێکهاتبوون لە بەڕێزان: (حسنین غازي السامرائي - طارق خلف العیساوي - فاضل عواد عبدالله). شایەنى باسە هەریەک لە بەڕێزان: پ.ى.د. عوسمان ئالانیى و پ.ى.د. بەختیار نەجمەدین و د. سەباح شارستێنى ئەندامى دەستەی کارگێڕی شاندى ئینستتیوتى ژیار بوون.

سەردانیکردنی ڕێکخراوەکان

لە بەرواری 20/11/2021شاندێکی باڵای ئینستتیوتی ژیار کە پێکهاتبوو لەهەر یەک لە بەڕێزان پڕۆفیسۆر خالید موحەممەد ساڵح سەرۆکی ڕێکخراوو د.هاشم ئیسماعیل بەرپرسی پەیوەندییەکانی ڕێکخراو و پرۆفیسۆر.سلێمان سەلیم بەرپرسی لقی هەولێرو د.نەوشیروان ئەحمد بەرپرسی قوتابخانەکانی لقی چەمچەماڵ لەشاری هەولێر سەردانی هەریەک لە ڕێکخراوی دەستی هاوکاریان کردو لەلایەن زۆر بەڕێز حاجی ئیدریس ئاکرەیی و کۆمەڵێک لە ئەندامانی ڕێکخراو پێشوازیان لێکراو دواتریش شاندی ناوبراو سەردانی ڕێکخراوی چرای ڕووناکیان کردو لەلایەن هەر یەک لەبەڕێزان مامۆستا نادر کانی کوردەیی و دکتۆر ئیدریس کاریتانی و د.فاضل پێشوازیان لێکراو لەمیانەی سەردانەکاندا قسە لەسەر پەیوەندییەکانی نێوان ڕێکخراوەکان و کارو چالاکییەکان کرا.

فیستیڤاڵی بارانی ڕەحمەت

لە بەرواری 19/11/2021 لەمیانەی بەشداریکردنمان لە ڤیستڤاڵی بارانی ڕەحمەت کەلەلایەن ئینستتیوتی ژیار و گرووپی بێخود سازکرابوو.

شاری مەککەی پیرۆز

سەردانیکردنی شاندێکی یەکێتی زانایانی جیهانی مسوڵمانان بۆ لای پڕۆفیسۆر خالید سەرۆکی ئینستتیوتی ژیار

لەبەرواری2021/10/23 شاندێکى یەکێتى جیهانى زانایانى موسڵمانان/ نوسینگەى هەرێمى کوردستان بە سەرۆکایەتى بەڕێز: د. سەید ئەحمەد پێنجوێنى و بە یاوەرى د. عومەر و د. دلێر و م. عەلى سەردانى بنکەى سەرەکى ئینستتیوتى ژیاریان کرد و لەلایەن بەڕێزان: پرۆفیسۆر خالید موحەممەد ساڵح سەرۆکى ئینستتیوتى ژیار و پ.ى.د. کامیل شارباژێڕى بەرپرسى لقى سلێمانى و د. عوسمان ئالانى ئەندامى دەستەى کارگێڕى ئینستتیوتى ژیار پێشوازیان لێ کرا. مەبەستى سەردانەکە بۆ زیاتر لەیەک تێگەیشتن و کارى پێکەوەیى و هەماهەنگى زیاتر بوو، ھەروەھا چەندین بابەتى دیکەى پێویست باس و خواسى لەسەر کرا.

بەسەرکردنەوەی قوتابخانە شەرعییەکانی دیاربەکر

لەچەند ڕۆژی ڕابوردودا شاندێکی ڕێکخراوی سەرپەرشتیاری قوتابخانە شەرعیەکانی شاری دیاربکر....لەباکوری کوردستان ، کەپێک هاتبون لەسەرۆکی ڕێکخراوی زانایانی قوتابخانە شەرعیەکان د.محمد الطیب و .مهدی اللیجوی مامۆستای پەیمانگای صوففە لە دیاربکر سەردانی ئینستتیوتی ژیاریان کرد و لە لایەن بەرپرسی ئینستتیوت وهەندێک لەئەندامانی دەستەی کارگێڕیەوە پێشوازیان لێکراو لەسەردانەکەیاندا لقی سلێمانی وهەولێر وهەڵەبجەیان بەسەر کردەوە وسەردانی مۆنۆمێنی هەڵەبجە وهەندێک لەقوتابخانە شەرعییەکانی کوردستانیان کرد وسەردانەکەی بەڕێزیان چوار ڕۆژی خایاند.

سیمیناری(ڕێکارە شەرعی و یاساییەکانی ئەنجامدانی پرۆسەی هاوسەرگیریی سەرکەوتو)

سوپاس بۆ خوای گەورە ڕۆژیچوارشەممە بەرواری ٢٠١٨/١١/٧ دوو سیمینارمان سازدا لەکۆلێجی یاسا وئینستتیوتی ژیار لەسەر بابەتەکانی (ڕێکارە شەرعی و یاساییەکانی ئەنجامدانی پرۆسەی هاوسەرگیریی سەرکەوتو) و (شێواز وڕێساکانی نوسینی توێژینەوەی زانستی). سوپاس بۆ سەرجەم مامۆستا وخوێندکارە بەڕێزەکان بەو هیوایەی توانیبێتمان سودێکیان پێ بگەیەنین.