پرسەکانی خێزان لەکۆنگرە نێودەوڵەتیەکانداو لەشەریعەتی ئیسلام دا.

ڕۆژی دووشەممە بەرواری 12\12\2022 لقی هەڵەبجەی ئینستتیوتی ژیار  و دەستەی خانمانی هەڵەبجە و ڕێکخراوی توانست پانێڵێکیان  ساز کرد لەژێر ناونیشانی: (پرسەکانی خێزان لەکۆنگرە نێودەوڵەتیەکانداو لەشەریعەتی ئیسلام دا.) بۆبەڕێزان: پ.د. خالید موحەممەد ساڵح پ.د.عوسمان هەڵەبجەیی

ژیار و کۆڕبەندی بانگخوازان لەبەریتانیا بڕیاری یەکگرتن و کاری پێکەوەییان دا.

بەشداریکردن لە دیبەیتێک لەسەر بابەتی جێندەر

ئەمڕۆ شەممە بەرواری 31/12/2022 لە میانەی تۆمارکردنی دیبەتێک بۆ کەناڵی سپێدە لەسەر بابەتی جێندەر لەچەند گۆشە نیگایەکی جیاوازەوە، لەپەراوێزی تۆمارکردنی دیبەیتەکەدا بەدیداری د.محسین عبدالحمید بیرمەندی هزری ئیسلامی شادبووم.

سەرپەریشتیکردنی ماستەرنامەیەک

ئەمڕۆ پێنجشەممە بەرواری 5\1\2023  وەکو ئەندام و سەرپەرشتیار بەشداریم کرد لە گفتوگۆی توێژینەوەی ماستەرنامەی خوێندکار سەیدە هەڵاڵە سەید ماجد هاوسەری برای بەڕێزمان مامۆستا هێمن باقر کە توێژینەوەکەیان لە سەر بابەتی  (التغریر فی عقد الزواج ) بوو کە بابەتێکی هەستیارو گرنگ و پێویستییەکی سەردەمیانە بوو وباس لەو فێل و چاوبەست و درۆ و گزیانە دەکات کە دەکرێت یەکێک لە هاوسەرەکان یان بریکارەکانیان  یان سەرپەرشتکارەکانیان پەنای بۆ بەرن بەمەستی هەڵخەڵەتاندنی کەسی بەرامبەر و هاندانی بۆ ئەنجامدانی پرۆسەی هاوسەرگیری کە ئەگەر ئە درۆ و فێڵانە نەبوایە کەسی بەرامبەر هاوسەرگیرییەکەی نەدەکرد وە لێکەوتەی ئەو جۆرە ڕەفتارانە و شوێنەوارەکانیان لەسەر پڕۆسەی هاوسەرگیری.

بەدەستهێنانی مۆڵەتی فەرمی کارکردنی حکومەتی بەغدا

ئینستتیوتی ژیار مۆڵەتی فەرمی کارکردنی لە حکومەتی ناوەندی بەغدا وەرگرت. ئەمڕۆ چوارشەممە بەرواری 14/12/2022  شاندێکی باڵای ئینستتوتی ژیار کەپێکهاتبوون لەبەڕێزان: پڕۆفیسۆر خالید موحەممەد ساڵح سەرۆکی ئینستتیوتی ژیار و پ.ی.د.عوسمان محمود سعیدالله ئەندامی دەستەی کارگێڕی و بەرپرسی بەشی پەیوەندییەکانی لقی سلێمانی و کاک حاجی ڕزگار ئەندامی بەشی پەیوەندییەکانی لقی سلێمانی سەردانی شاری بەغدایان کردوو مۆڵەتی فەرمی ئینستتیوتی ژیاریان لەفەرمانگەی ڕێکخراوە ناحکومیەکانی بەغدا وەرگرتەوە.

سەرەتاکانی بیرۆکەی جێندەر

ئەمڕۆ هەینی  بەرواری 12/2/2022 بەبۆنەی هەفتەی بەرنگاربونەوەی توندوتیژی دژ بە ئافرەتان بەشی خوشکانی ئینستتیوتی ژیار بۆ پەروەردە و گەشەپێدانی مرۆیی - لقی هەولێر هەستا بە سازدانی پانێڵێک لەژێر ناونیشانی: خێزان لەبەردەم ئاڵنگارییەکانی سەردەمی جیهانگیریدا بۆ بەڕێزان: د. موســـــــەنا ئەمیــن (خێزان لەبەردەم ئاڵنگاری فەلسەفی فێمینیستیدا) پ.د. عوسمان هەڵەبجەیی (بەئاساییکردنی پلانی جێندەری) پ.د.خـاليـــد محمد صالـح (خێزان لەبەردەم ئاڵنگاری فەلسەفەی جێندەریدا)

دیداری ساڵانەی سەنتەری زەهاوی

ئەمڕۆ ڕۆژی شەممە بەروای 12\11\2022  بەشداری دیداری ساڵانەی سەنتەری زەهاویمان کرد لەژێر ناونیشانی: بەهاکان و ڕۆڵیان لە چاکسازی ژیاری مرۆییدا. زۆر سوپاس بۆ برایانی سەنتەری زەهاوی بۆ میوانداریان و دەسخۆشی بۆ هەوڵ و ماندوبوونی بەردەوامیان لە پێناو پاراستنی بەهاکانی کۆمەڵگەدا.

سیمناری:چەند وێستگەیەک لە ئابوری ئیسلامی سەردەم

ئەمڕۆ ڕۆژی چوارشەممە بەرواری 9\10\2022 سیمنارێک بۆ بەڕێز پڕۆفیسۆر خالید موحەممەد ساڵح ساز کرا لەژێر ناونیشانی:(چەند وێستگەیەک لە ئابوری ئیسلامی سەردەم) لەپارێزگای کەرکوک، زۆر سوپاس بۆ مەڵبەندی کۆمەڵی دادگەری لقی کەرکوک  بۆ ڕێکخستنی سیمنارەکە.

کۆبونەوەی لقی سلێمانی ئینستتیوتی ژیار

ئەمڕۆ چوارشەممە بەرواری 5/10/2022 ئەنجومەنی لقی سلێمانی ئینستتیوتی ژیار دانیشتنی ئاسایی خۆی ئەنجامدا.

شاندێکی باڵای ئینستتیوتی ژیار سەردانی سەردانی ڕێکخراوە ناحکومیەکانیان کرد

ئەمڕۆ سێ شەممە بەرواری 27/9/2022 شاندێکی باڵای ئینستتیوتی ژیار کە پێکهاتبوون لەبەڕێزان: پڕۆفیسۆر خالید موحممەد ساڵح سەرۆکی ئینستتیوتی ژیار و د.هاشم باجەلانی بەرپرسی گشتی  پەیوەندییەکان و م.ئارام علی کریم بەرپرسی گشتی ڕاگەیاندنی ئینستتیوتی ژیار  لە شاری هەولێر سەردانی فەرمانگەی ڕێکخراوە ناحکومییەکانیان کرد ولەنزیکەوە چاویان کەوت بە بەڕێز:  بارزان أكرم مەنتک و کۆمەڵێک لەبەرپرسان و ئەندامانی فەرمانگەکە و لەنزیکەوە گفتوگۆیان لەسەر کاری پێکەوەیی و هەماهەنگی نێوان ڕێکخراو و فەرمانگەی ڕێکخراوە ناحکومییەکان یان کرد.

دەستەی کارگێڕی ئینستتیوتی ژیار سەردانی لقی شارەزووریان ژیاریان کرد

دوێنێ پێنجشەممە بەرواری 1/9/2022 شاندێکی دەستەی کارگێڕی بەسەرپەرشتی: بەڕێز پڕۆفیسۆر خالید موحەممەد ساڵح سەرۆکی ئینستتیوتی ژیار و م.یاسین زەنگەنە بەرپرسی بەشی کارگێڕی سەردانی لقی شارەزووری ئینستتیوتی  ژیاریان کردو لەنزیکەوە چاویان بەبەرپرس و ئەندامانی لق کەوت و بەدواداچوونیان بۆ کارو چالاکییەکان کردوو گوێیان لەپێشنیارو سەرنجی ئامادەبووان گرت

کۆتایی هاتنی خولێک تایبەت بەندامانی کارگێڕی ئینستتیوتی ژیار

ئیسنتتیوتی ژیار خولێکی ناوازە و تایبەت بۆ سەرجەم ئەندامانى دەستەى کارگێڕى و بەرپرسانی لق و دەستەکان دەکاتەوە. دوای ئەوەی ئینستتیوتی ژیار لە ڕۆژی چوارشەم بەرواری 14/9/2022 پێشوازییان کرد لە زانا و پسپۆڕی عێراقی مامۆستا ڕەزا ئەلحەدیسیی سەرۆکی ڕێکخراوی فۆڕتالێنتس و پسپۆڕ لە زانستی جۆرەکانی کەسێتی و هەروەها لە پەروەردەی خێزان و کاری بانگەوازیی، لە ڕۆژانی پێنجشەممە و هەینى و شەممە بەرواری 2022/09/17.15 ئینستتیوتی ژیار هەستا بە سازدانی دوو خولی ناوازە و تایبەتی لە هۆڵی ئینستتیوتی ژیار لە بنکەى سەرەکى لە شارى سلێمانی بۆ بەرپرسانی ژیار لە سەرجەم شارەکانی کوردستان. جێی باسە هەردوو خولەکە لەلایەن مامۆستای نابراو پێشکەشکران و خولی یەکەم لە ژێر ناونیشانی (پێگەیاندنی سەرکردە و ڕۆڵی سەرکردە بە پێی پێوەری چوار جۆر زیرەکییەکە) پێشکەشکراو مامۆستا ڕەزا ئەلحەدیسیی لە ماوەی دوو ڕۆژدا بە درێژە باسی ئەو بوارەی بۆ بەشداربووان کرد و گرنگی و ڕۆڵی سەرکردەی بە شێوازی پراکتیزەیی بۆ ئامادەبووان باسکرد و پاشان ئامادەبووانیش بەچەندین پرس و پێشنیار خولەکەیان زیاتر دەڵەمەند کرد. هەروەها لە درێژەی چالاکی و پێشکەشکردنی خولەکاندا مامۆستا ئەلحەدیسی خولێکی دی تایبەت بە بواری خێزانی پێشکەش بە ئامادەبووان کرد لە ژێر ناونیشانی (چوار کلیل بۆ تێگەیشتن لە هاوبەشی ژیان)، ئەم خولەش دوو ڕۆژی خایاند و چەندین تەوەری گرنکی لە خۆگرتبوو سەبارەت بە بواری خێزان و چارەسەری گرفت و کێشە خێزانییەکان. شایانی باسە زیاتر لە 70 کەس لە هەردوو ڕەگەز بەشداری ئەم خولانەیان کرد و پاشان لە ڕۆژى شەممە و لە بەرواری 2022/09/17 کۆتایی بە خول و ڕاهێنانەکان هێنرا.