کۆتایی هاتنی خولی چوارەمی گوڵەکانی ژیار

ئەمڕۆ چوارشەممە بەرواری 17\5\2023 ئینستتیوتی ژیار لقی سلێمانی کۆتایی بە خولی چوارەمی گوڵەکانی ژیار هێناو لە ئاهەنگێکی خنجیلانەدا بڕوانامەی بەسەر بەشداربووەکانی خولەکەدا دابەش کرد

مەڕاسیمی کردنەوەی دەستەی سیدسادقی ئینستتیوتی ژیار

مەڕاسیمی کردنەوەی دەستەی سیدسادقی ئینستتیوتی ژیار ئێوارەى ئەمڕۆ چوارشەممە 24/05/2023 لە مەراسیمێکى شایستەدا دەستەی سیدسادقی ئینستتیوتی ژیار کرایەوە. مەراسیمەکە بە چەند ئایەتێک لە قورئانی پیرۆز دەستیپێکرد لەلایەن بەڕێز: م. خەڵات ئەحمەدەوە. پاشان وتەی بەخێرهاتن خوێندرایەوە لەلایەن بەرپرسی دەستەی سیدسادقی ئینستتیوتی ژیار بەڕێز: م. خەلیل حەسەن دواتر قائیمقامی قەزای سیدسادق بەڕێز: کاک حاجی ڕەزا موحەممەد ووتەیەکی پێشکەشکرد و تیایدا باسى گرنگى کردنەوەى بنکەى ژیار کرد لە شارەکەدا و ڕۆڵ و کۆششى ماندوونەناسانەى ئینستتیوتى ژیارى لە سەرجەم کوردستاندا بەرزنرخاند. بەدوای ئەودا سەرۆکی ئیستتیوتی ژیار بەڕێز: پرۆفیسۆر خالید موحەممەد ساڵح وتارێکی پێشکەشکرد و جەختى لە فراوانى کارى ژیار کردەوە لە بوار و پایە گرنگەکانى کۆمەڵگەى کوردیی و هەوڵە بەردەوامەکانى بۆ پەروەردەکردنى نەوەیەکى تەندرووست و پتەوکردنى گیانى برایەتیی و پێکەوەیی، هەروەها پاراستنى خێزان لە ترازان و بەرەنگاربوونەوەى دیاردە نەشیاوەکان. لە کۆتاییدا پارێزەری ڕاوێژکار بەڕێز: گۆران نەسروڵڵا وتەیەکی پێشکەشکرد و بەڵێننامەی کاری خۆبەخشی پێشکەشی ئەنجوومەنى کارگێرى ئینستتیوتی ژیار و ئەنجومەنى کارگێڕى دەستەی سیدسادق کرد کە وەکو پارێزەرێکى خۆبەخش کارە یاساییەکانى ئینستتیوتى ژیار ڕاپەڕێنیت.

سەردانیکردن و بەسەرکردنەوە

دوێنێ چوارشەممە بەرواری 24/5/2023 شاندێکی باڵای ئینستتیوتی ژیار کە پێکهاتبوون لە بەڕێزان: پڕۆفیسۆر خالید موحەممەد ساڵح سەرۆکی ئینستتیوتی ژیار و هەریەک لە بەڕێزان: د.کامیل شارباژێڕیی و، م. عەدنان نوری ئەندامانی ئەنجوومەنی کارگێڕی و، کاک حاجی ڕزگار ئەندامی بەشی پەیوەندییەکان، سەردانی بەڕێزان: م.عبدالرحمن محمد عارف، م. فەرهاد ئیبراهیم، ئەمیرە خانیان کرد بە مەبەستی هەواڵ پرسین و بەسەرکردنەوەیان.

پرۆفیسۆر خالید موحەممەد ساڵح سەرۆکی ئینستتیوتی ژیار، پێشوازی کرد لە بەڕێز: م. تریفە جەلال سەرۆکی ئەکادیمیای سمارت.

ئەمڕۆ یەکشەممە ٢٨/٠٥/٢٠٢٣ لە بنکەی سەرەکیی ئینستتیوتی ژیار لە شاری سلێمانیی،  پرۆفیسۆر خالید موحەممەد ساڵح سەرۆکی ئینستتیوتی ژیار، پێشوازی کرد لە بەڕێز: م. تریفە جەلال سەرۆکی ئەکادیمیای سمارت. لە دانیشتنەکەدا هەریەک لە بەڕێزان: م. گوڵاڵە ڕەزا بەرپرسی لقی سلێمانیی ئینستتیوتی ژیار، م. نەرمین موستەفا ئەندامی ئەنجوومەنی کارگێڕیی ژیار، م. خاتوون عەبدوڵڵا بەرپرسی بەشی کارگێڕیی لقی سلێمانی ژیار، ئامادەبوون. شایەنی باسە مەبەست لە ئەنجامدانی کۆبوونەوەکە تاوتوێکردنی چەند پڕۆژەیەک بوو کە لە داهاتوویەکی نزیکدا بە پشتیوانی خوای گەورە بۆ چینەکانی منداڵان، نەجەوانان و گەنجان، بە هاوبەشیی و هەماهەنگیی لە نێوان هەردووک ڕێکخراودا جێبەجێبکرێت.

ژیار لە هەڵەبجە گەشتێکی ڕێزلێنان بۆ ئەندامانی سنوری لق ئەنجام دەدات.

ژیار لە هەڵەبجە گەشتێکی ڕێزلێنان بۆ ئەندامانی سنوری لق ئەنجام دەدات. ڕۆژی شەممە بەرواری 2023/06/03 بە بەشداری سەرۆکی ئینستتیوتی ژیار (پ.د.خالید محمد صاڵح) لقی هەڵەبجە گەشتێکی ڕێزلێنانی بۆ ئەندامانی سنوری لق و دەستەکانی سیروان و خورماڵ ئەنجامدا کە تیایدا سەرۆکی ژیار بە کورتە وتارێک باسی لە گرنگی کاری ئەندامان کرد لە پێگەیاندنی نەوەکانی دواڕۆژ و خزمەتکردنی دونیا و دواڕۆژی کۆمەڵگا و گەیاندنی پەیامە پرشنگدارەکانی دینی ئیسلام.

پێشوازی کردن لەد.بەختیار تاڵەبانی دوای گەڕانەوەی لەسەفەی بەریتانیا

ئەمڕۆ چوارشەممە بەرواری 7\6\2023 سەرۆکی ئینستتیوتی ژیار: پڕۆفیسۆر خالید موحەممەد ساڵح لەگەڵ بەڕێز د.بەهائەدین ئەحمەد بەرپرسی لقی کۆڕبەندی ژیاری بەریتانیا بەخێرهاتنەوەی بەڕێز د.بەختیار تاڵەبانی بەرپرسی بەشی گەنجان و ئەندامی دەستەی کارگێڕی ژیاریان کرد کە بەمەبەستی بەخێرهاتنەوەی لەگەڕانەوەی لەسەفەی بەریتانیاو ئەنجامدانی کۆمەڵێک چالاکی وسیمنارو کۆڕ بۆ ڕەهەندی کوردی لەبەریتانیا.

ڕاگه‌یاندنی ناوه‌ندی ژیار مێزگردی (ڕۆڵ و كاریگه‌ری كه‌ناڵی سه‌دا له‌ ئایینده‌ی ڕاگه‌یاندنی ئیسلامییدا) ساز ده‌كات.

ڕاگه‌یاندنی ناوه‌ندی ژیار مێزگردی (ڕۆڵ و كاریگه‌ری كه‌ناڵی سه‌دا له‌ ئایینده‌ی ڕاگه‌یاندنی ئیسلامییدا) ساز ده‌كات. ڕۆژی سێشەم بەرواری 13/6/2023 لە بینای سەرەکی ژیار لە سلێمانی ڕاگەیاندنی ناوەندی ژیار مێزگردێکی بەبۆنەی دەست بەکاربوونی کەناڵی سەدا لە کەناڵە ناوخۆییەکان ساز کردو سەرەتا مامۆستا ئارام خەبات ئەندامی ئەنجومەنی کارگێڕی و سەرپەرشتیاری گشتی ڕاگەیاندن وتەی بەخێرهاتن و سوپاسی میوانانی بەڕێزیکردو دواتر بەرنامەی مێزگرد لەلایەن عرفان ئەحمەد کاکە مەحموود ئەندامی ئەنجومەنی کارگێڕی پێشکەش کراو لەو مێزگردەدا چەندین کەسایەتی و بانگخوازو مامۆستای ئایینی و زانکۆ بەشدار بوون و تێبینی و سەرنج و پێشنیاری خۆیان بەبۆنەی دەستبەکاربوونی کەناڵی سەدا خستە ڕوو، لە کۆتایی دیدارەکەدا ڕێزلێنان پێشکەش بەو بەڕێزانە کرا کە لەماوەی ڕابوردو بە بەرنامە هاوکاری کەناڵی سەدا بوون.

شاندێکی باڵای ژیار بۆ بەشداریکردن لە خولێکی گەشەپێدانی سەرچاوە داراییەکان دەچێتە وڵاتی تورکیا.

شاندێکی باڵای ژیار بۆ بەشداریکردن لە خولێکی گەشەپێدانی سەرچاوە داراییەکان دەچێتە وڵاتی تورکیا. بەرەبەیانى ئەمڕۆ شەممە 2023/07/08 شاندێکی باڵای ژیار بۆ پەروەردە و گەشەپێدانى مرۆیی بە سەرۆکایەتى: پرۆفیسۆر خالید موحەممەد ساڵح سەرۆکى ژیار و، د. شێرزاد عەبدولوەهاب و د. موحەممەد سینەمۆکى جێگرانى سەرۆک، بە مەبەستی بەشداریکردن لە خولى گەشەپێدانی سەرچاوە داراییەکان کە لەلایەن زانکۆی دیانای ئەمریکییەوە ساز دەکرێت لە ڕێگەى فڕۆکەخانەى نێودەوڵەتى هەولێرەوە بەرەو شارى ئیستەنبوڵ لە وڵاتى تورکیا بەڕێکەوتن.

چالاکییەکانی شاندی باڵای ژیار لەچەند چالاکییەکی جیاواز لەتورکیا

لەچەند ڕۆژی ڕابردوو شاندی باڵای ژیار کە پێکهاتووە لەبەڕێزان:  پرۆفیسۆر خالید موحەممەد ساڵح  سەرۆکی ژیار و  دکتۆر شێرزاد عبد الوهاب و دکتۆر موحەممەد سینەمۆکی جێگرانی سەرۆک و دکتۆر سەنگەر عەلی بەرپرسی پەیوەندییەکانی ژیار لە ئەستەنبوڵ، لە چەند ڕۆژی ڕابوردوودا و  لە پەراوێزی بەشداریکردنیان لە خولی گەشەپێدانی سەرچاوە داراییەکان  سەردانی چەندین ناوەندی زانستی و ئەكادیمی و ئاینی و كەسایەتیان كرد لە شاری ئەستەنبوڵ لەوانە: 1.ڕابیتەی وتاربێژان و بانگخوازانی عێراق و لە لایەن بەڕێز د. سەعید لافی سەرۆکی رابیتەکەوە پێشوازیان لێكرا. 2.ئەكادیمیای باشاك شهیر بۆ زانستە ئیسلامیەكان و لە لایەن بەڕێزان د. عمادالدین سەرۆكی ئەكادیمیا، د. ئەسعەد شەمسی ئەمینداری گشتی ئەكادیمیا، د. ئەحمەد سوان ڕاگری كۆلێژی ئاداب و زانستە مرۆییەكان و بەڕێز عبدالله ئەسلان بەرپرسی پەیوەندییەکانی ئەکادیمیا پێشوازیان لێكرا. 3.دامەزراوەی وەقفی مەعاریف و لەلایەن بەڕێز د. ئەحمەد زەكی، بەرپرسی بەشی ڕۆژهەڵاتی ناوەڕاست و ئەفریقیای وەقفی مەعاریف پێشوازیان لێكرا. 4.مونتەدای ئەفریقیا و ئاسیا بۆ هاوكاری و گەشەپێدان و لە لایەن عەلی كورت، سەرۆكی پێشوی دەزگا پێشوازیان لێكرا. 5.هەر لە میانەی سەردانەكان چاویان كەوت بە بەڕێز دكتۆ. عصام الدین بەشیر، وەزیری پێشوی ئەوقاف وبانگخواز و كەسایەتی ناوداری وڵاتی سودان. وچالاکی و سەردانەکانی شاندەکە بەردەوامی هەیە.

پڕۆفیسۆر

پڕۆفیسۆر

بەسەرکردنەوە

دوێنێ چوارشەممە بەرواری 24/5/2023 شاندێکی باڵای ئینستتیوتی ژیار کە پێکهاتبوون لە بەڕێزان: پڕۆفیسۆر خالید موحەممەد ساڵح سەرۆکی ئینستتیوتی ژیار و هەریەک لە بەڕێزان: د.کامیل شارباژێڕیی و، م. عەدنان نوری ئەندامانی ئەنجوومەنی کارگێڕی و، کاک حاجی ڕزگار ئەندامی بەشی پەیوەندییەکان، سەردانی بەڕێزان: م.عبدالرحمن محمد عارف، م. فەرهاد ئیبراهیم، ئەمیرە خانیان کرد بە مەبەستی هەواڵ پرسین و بەسەرکردنەوەیان.