زنجیرە: سیمناری ئاین و لەنێوان نەقڵ و عەقڵدا
سیمناری ئاین و لەنێوان نەقڵ و عەقڵدا
دوێنێ بەرواری ٢٠١٦/١٢/٣ لە شاری هەولێر ولەدەزگای مرۆیی سۆز سیمینارێکمان پێشکەش کرد بۆ دەستەیک لەزانایان ومامۆستایانی زانکۆ وڕۆشنبیران لەژێر ناونیشانی (ئاین لەنێوان نەقڵ وعەقڵدا) وتێیدا تیشکمان خستە سەر پێکهاتەکانی هەر یەک لە نەقڵ وعقڵ ومێژوی سەرهەڵدانی ململانێنی نێوان نەقڵ وعەقڵ وقۆناغەکانی ئەو ململانێیە وبۆچونی زانایان دەربارەی ئاراستەکردنی بابەتەکە ولەکۆتایشدا بۆچونی ئاینی پیرۆزی ئیسلاممان دەربارەی بابەتەکە خستە ڕوو، بەوەی کە لەئیسلامدا نەقڵ وعەقڵ تەواوکاری یەکترن وهیچ ململانێیەک لەنێوانیاندا نیە وهەر ئاڵۆزیەکیش لەو بارەیەوە هەبێت هۆکارەکەی ئەوەیە کە دەقەکە لاواز وهەڵبەستراوە یاخود زانیاری دەقەکە لە تواناکانی عەقڵ باڵاترە وعەقڵ توانای درک پێکردنی نیە. زۆر سوپاس بۆ دەزگای مرۆیی سۆز بۆ سازدانی ئەو دەفرەتە وخوای گەورە لەهەموولایەکی قبوڵ بکات إن شاء الله..
چالاکییەکان
سەردانیکردنی دەستەی هاریکاری ئیسلامی بۆلای حیزبە ئیسلامییەکان
دوێنێ بەرواری ٢٠١٦/١٢/٦ بەنوێنەرایەتی لیژنەی هاریکاری ئیسلامی سەردانی ڕێزدار ڕابه‌ری گشتی بزوتنه‌وه‌ی ئیسلامان کرد لە نووسینگەکەی خۆی لە سلێمانی، لەدیدارەکەدا کە کاتژمێر ونیوێکی خایاند باس له هه‌وڵ و پڕۆژه‌كان كرا بۆ ڕێکخستنەوەی نێو ماڵی ئیسلامی، بەسوپاسەوە ڕابه‌ری گشتی بزوتنه‌وه‌ی ئیسلامی ئامادەیی خۆی نیشاندا بۆ پشتگیری کردنی هه‌ر هه‌وڵ وپڕۆژەیەک کە ببێتە هەوینی تەبایی وبرایەتی ویەکڕیزی نێوان لایەن وڕێکخراوە ئیسلامیەکان.
چالاکییەکان
سەردانیکردنی دەستەی هاریکاری ئیسلامی بۆلای حیزبە ئیسلامییەکان
دوێنی بەرواری ٢٠١٦/١٢/١١ لەگەڵ لیژنەی هاریکاری سەردانی ڕێزداران ئەمیر وئەندامانی ئەنجومەنی سیاسی کۆمەڵی ئیسلامیمان کرد ولەدانیشتنێکدا کەنزیکەی دوو کاتژمێری خایان تاوتوێی دوا هەنگاوەکانی کاری لیژنە هاوبەشەکان کرا وتیشک خرایە سەر هەڵوێستنی کۆمەڵی ئیسلامی دەربارەی پڕۆژەکە ،وڕاشکاوانە ئاستەنگ ولەمپەرەکانی بەردەم پڕۆژەکە وشێوازی چارەسەرکردنیان خرانە ڕوو و وبەسوپاسەوە بەڕیزیان ئامادەیی خۆیان نیشاندا بۆ پشتگیری کردنی هەر هەنگاوێک لە پێناو سەرخستنی پڕۆژەکەدا.
چالاکییەکان
سیمناری بنەماکانی خێزانی بەختەوەر
دوێنێ بەرواری ٢٠١٦/١٢/١١ ولەپارێزگای هەڵەبجە وبەهەماهەنگی نێوان لقی ژیار ودەستەی خانمانی هەڵەبجە ئێوارە کؤڕێکمان لەژێر ناونیشانی (بنەماکانی خێزانی بەختەوەر) پێشکەش کرد.
چالاکییەکان
سیمناری هاوسەرگیری پێشوختە
ئەمڕۆ بەرواری ٢٠١٦/١٢/١٢ وبەهەماهەنگی نیوان نەتەوە یەکگرتوەکان وبەڕێوبەرایەتی گشتی ئەوقافی هەڵەبجە سیمینارێکمان لەسەر هاوسەرگیری پێشوەخت بۆ دەستەیەک لەزانایانی ستورەکە ووڕێکخراوەکانی کۆمەڵگەی مەدەنی پێشکەش کرد.
چالاکییەکان
سیمناری یادی لەدایکبونی سەروەری مرۆڤایەتی
ئەمڕؤ بەرواری ٢٠١٦/١٢/١٢ شەرەفمەند بووین بە بەشداری کردن لە یادی لەدایک بوونی سەروەر وپێشەوای مرۆڤایەتی محمد صلى الله علیه وسلم لە شارۆچکەی خورماڵ.
چالاکییەکان
کۆبونەوەی لیژنە هاوبەشەکانی کاری ئیسلامی
ئه‌مڕۆ شه‌ممه 31-12-2016 وبۆیەکەمین جار لەهەرێمی کوردستان به‌ئاماده‌بوونی کەسی یەکەمی هەر سێ لایەنی ئیسلامی و لیژنه‌کانی هاوبەشی نێوانیان ولیژنه‌ی هاریكاری ئیسلامی له شاری سلێمانی ده‌سته‌ی باڵای كاری هاوبه‌ش یەکەمین کۆبونەوەی خۆی لەکەش وهەوایەکی لێوان لێو لەبرایەتی وتەبایی ئەنجامدا وپاش کۆبونەوەکە کە زیاتر لە پێنج کاژێری خایاند به‌لاغێكیان بڵاوكرده‌وه کەئەمە دەقەکەیەتی:. بسم الله الرحمن الرحیم ڕاگه‌یه‌نراوی كۆبوونه‌وه‌ی ده‌سته‌ی باڵای كاری هاوبه‌ش. دوای ئه‌نجامدانی زنجیره‌یه‌ك كۆبوونه‌وه‌ی هاوبه‌ش له نێوان سێ لایه‌نه ئیسلامییه‌كه به به‌شداری لیژنه‌ی هاریكاری ڕێكخراوه‌كانی كۆمه‌ڵگای مه‌ده‌نی، ئه‌مڕۆ شه‌مه 31/12/2016 یه‌كه‌مین كۆبوونه‌وه‌ی لوتكه‌ی نێوان یه‌كگرتووی ئیسلامیی كوردستان‌و كۆمه‌ڵی ئیسلامیی كوردستان‌و بزووتنه‌وه‌ی ئیسلامیی له كوردستان به به‌شداری كه‌سی یه‌كه‌می هه‌رسێ لایه‌نه‌كه‌و نوێنه‌رانی لیژنه‌ی هاریكاری ڕێكخراوه‌كان ئه‌نجامدرا. له كۆبوونه‌وه‌كه‌دا به‌تێرو ته‌سه‌لی باس له یه‌كڕیزیی ناوماڵی ئیسلامییه‌كانی كوردستان‌و دانانی میكانیزمی كرداریی بۆ كاری هاوبه‌شی نێوانیان تاوتوێ كراو، له‌و میانه‌دا بڕیاردرا كه ده‌سته‌یه‌كی باڵای كاری هاوبه‌ش پێكبهێنرێ، بۆ دانانی ڕێوشوێنی پێویست بۆ به ئه‌نجام گه‌یاندنی پڕۆژه‌ی یه‌كخستن‌و یه‌كگرتنی ئیسلامییه‌كان به‌شێوه‌یه‌كی قۆناغ به‌ندیی. هه‌ر له‌كۆبوونه‌وه‌كه‌دا جه‌ختكرایه‌وه له‌سه‌ر ئه‌وه‌ی ئه‌م پرۆژه‌یه پرۆژه‌یه‌كی نیشتمانییه ئامانج لـێ‌ی وێڕای تۆكمه‌كردن‌و به‌هێزكردنی ته‌وژمی ئیسلامیی كوردستان‌و پاراستنی كۆمه‌ڵگای كوردستانی له‌دیارده دزێوه كۆمه‌ڵایه‌تییه‌كان‌و توندڕه‌ویی‌و تیرۆرو هه‌روه‌ها گه‌شه‌دان به ڕه‌وتی هاوسه‌نگ‌و میانڕه‌و. بۆ ئه‌وه‌ی ئیسلامییه‌كانی كوردستان هه‌رده‌م فاكته‌رێكی ئیجابیی‌و بنیاتنه‌ربن له‌سه‌قامگیركردنی هه‌رێمی كوردستان‌و ئه‌كتیڤكردنی پڕۆسه‌ی چاكسازیی سیاسیی ڕاسته‌قینه‌و به‌گژدا چوونه‌وه‌ی گه‌نده‌ڵیی‌و ناعه‌داله‌تیی‌و هێنانه‌كایه‌ی شه‌فافیه‌ت له‌چۆنیه‌تی دابه‌شكردنی سامانی گشتیی‌و باشكردنی باری بژێو و گوزه‌رانی هاوڵاتییان به‌گشتیی‌و توێژی فه‌رمانبه‌ران‌و مووچه خۆران به‌تایبه‌تیی‌و كۆتایی هێنان به سیاسه‌تی پاشه‌كه‌وتی زۆره ملـێ. هه‌روه‌ها ئه‌م پڕۆژه‌یه هه‌نگاوێكی گرنگه به ئاڕاسته‌ی یه‌كڕیزیی ناو ماڵی كوردیی‌و كۆتایی هێنان به‌م حاڵه‌تی لێكترازانه سیاسییه‌ی كه هه‌رێمی كوردستانی ڕووبه‌ڕووی چه‌ندین قه‌یرانی دژوار كردۆته‌وه. هه‌ر له‌و سۆنگه‌یه‌وه كۆبوونه‌وه داوای كرد دانوستان‌و گفتووگۆی نێوان لایه‌نه سیاسییه‌كان به‌زووترین كات ده‌ست پێبكات‌و كاری جیددی بكه‌ن بۆ كۆتاییهێنان به‌م قه‌یرانه سیاسییه‌كه‌و ڕێكخستنه‌وه‌ی نێوماڵی كوردستانیی‌و به‌گه‌ڕخستنه‌وه‌ی ده‌زگا شه‌رعییه‌كان
چالاکییەکان
بەجێهێنانی فەریزەی حەج
خوشه ويستان سوباس بو خواي گوره دويتي به رواري 2017/3/15 گه يشتينه شاري مه ككه وخزمه تي كه عبه ي بيروز ي. لانكه ي مروفايه تي وشارستانيه ت. يه كه مين مالي خوا به رستي وبيروزتريني شويني رووي زه وي. ته نها ليره دا هه ست به جياوازي نيوان مروفه كان ناكه يت. ليره دا يه كساني وته بايي ويه كريزي نيوان مروفه كان ته واو به رجه سته دةبيت. ليليره دا مروف بي ماموستا فيري وانه كاني دلسوزي وخوا ناسي وله خو بورده يي ده بيت. به راستي ديمه نيكي بي هاوتا وبر مانايه.
چالاکییەکان
کۆبونەوەی ئەنجومەنی ئینستتیوتی ژیار
ئەمڕۆ بەرواری ٢٠١٧/٣/٩ ڕۆژی پێنج شەممە ئەنجومەنی بەڕێوەبردنی ڕێکخراوی ژیار پێنجەم دانیشتنی ئاسایی خۆی ئەنجامدا وتێیدا قسە لەسەر کار وچالاکەیکانی ساڵی ٢٠١٦ کراو ونەخشەی کاری ساڵی ٢٠١٧ دیاری کرا ودانیشتنەکە نزیکەی شەش سەعاتی خایاند.
چالاکییەکان
کۆبونەوەی دەستەی هاریکاری هاوبەشی ئیسلامی
ئەمڕۆ سێ شه‌ممه 28-2-2017 ده‌سته‌ی باڵای كاری هاوبه‌ش له‌باره‌گای ئه‌نجومه‌نی جێبه‌جێكردنی یه‌كگرتووی ئیسلامی كوردستان له هه‌ولێر كۆبونه‌وه‌ی ئاسایی خۆی ئه‌نجامداو كۆبونه‌وه‌كه سه‌ره‌تا تاوتوێی بارودۆخی سیاسی ناوچه‌كه‌و عێراق و كوردستان به‌گشتی كردوو ئه‌گه‌ره چاوه‌ڕوانكراوه‌كانیشی شیكرده‌وه له‌دواجاردا كۆبونه‌وه‌كه جه‌ختی كرده‌وه له‌سه‌ر ئه‌م خالانه‌ی خواره‌وه. 1. كۆبوونه‌وه‌كه له‌سه‌ر باری ناهه‌مواری بژێوی هاوڵاتیانی كوردستان راوه‌ستاو جه‌ختی كرده‌وه له‌وه‌ی كه پێویسته حكومه‌ت به‌رزوترین كات پێداچوونه‌وه بكات به بڕیاری ناره‌وای پاشه‌كه‌وتی موچه و به‌ڵێنه‌كانی بۆ موچه خۆران جێبه‌جێبكات و دواخستنی هیچ پاساوێكی نی یه له كاتێكدا نرخی نه‌وت به‌رزبۆته‌وه و داهاته‌كانیش زیادبوون. 2. كۆبوونه‌وه‌كه داوای كرد كه هه‌رچی زووه لایه‌نه سیاسیه‌كانی به ئیراده‌یه‌كی به‌هێزوو گیانی به‌رپرسیارانه‌وه گفتوگۆیه‌كی راشكاوانه‌ی راسته‌وخۆی نێوانیان ئه‌نجام بده‌ن و پێكه‌وه نه‌خشه‌رێگایه‌ك بۆ چاره‌سه‌ری كێشه‌كان دابنێن و به‌ركه‌وته‌ی هه‌ڵبژاردنی 2013 وه‌ك ده‌نگ و ئیراده‌ی خه‌ڵك رێز لێ بگیرێ و هیچ لایه‌ك په‌راوێز نه‌خرێ ئه‌م قۆناغه تا هه‌ڵبژاردنی داهاتوو پێكه‌وه تێپه‌رێنین. 3. پرسی گرنگی سه‌ربه‌خۆیی و پرۆسه‌ی چاكسازی و رێكخستنه‌وه‌ی نێوماڵی كوردی و دوو پرسی گرنگ و چاره‌نووس ساز و ریشه‌یین ، پێویسته هه‌ردوو پرسه‌كه به‌هاوسه‌نگی و هاوته‌ریبی كاری له‌سه‌ر بكرێ و هیچ پرسێك له‌سه‌ر حسابی پرسه‌كه‌ی تر په‌راوێز نه‌خرێ و هه‌ل و مه‌رج و فرسه‌ته ره‌خساوه‌كان به‌هیچ پاساوێك له‌ده‌ست نه‌درێ. ئه‌مه و كۆبوونه‌وه‌كه ره‌شنووسی نه‌خشه‌رێگایه‌كی ئاماده‌كرد وه‌ك پرۆژه‌ی كاری هاوبه‌شی ئیسلامیه‌كان له كوردستاندا و بڕیاری پێویستی وه‌رگرت له‌مه‌ڕ دیداری ئیسلامیه‌كانی كوردستان كه له نزیكترین كاتی گونجاودا ئه‌نجام ده‌درێت.
چالاکییەکان
سیمناری پڕۆژەی پێگەاندنی ئافرەتی سەرکردە
ئەمڕۆ بەرواری ٢٠١٧/٢/١٨ لە لقی هەڵەبجەی ژیار لە پڕۆژەی پێگەیاندنی ئافرەتی سەرکردە دوو بابەتمان پێشکەش کرد لەسەر یاسای باری کەسێتی عێراقی، وبابەتەکان زنجیرەیەکن وإن شاء الله لە کەناڵی یوتوبەکە دەقی گشت بابەتەکان بەدوای یەکدا دادەبەزێنین. زۆر سوپاس بۆ سەرجەم ئەندامانی ماندونەناسی لقی هەڵەبجەی ژیار خوای گەورە نموونەی دڵسۆزی ولێبڕاویان زیاد کات.
چالاکییەکان
سەردانیکردنی لیژنەی هاریکاری ئیسلامی بۆ لای حیزبە ئیسلامییەکان
دوێنێ بەرواری ٢٠١٧/٢/٢١ لەگەڵ لیژنەی هاریکاری ئیسلامی سەردانی هەردوو بەڕێزان م. صلاح الدین محمد بهاء الدین و م. علی باپیرمان کرد بەمەبەستی تاوتوێکردنی هەندێک پرسی هەستیار وتایبەت بە پڕۆژەی ڕێکخستنەوەی نێو ماڵی ئیسلامی ولەدیدارەکاندا تیشک خرایە سەر ڕەوشی پرۆژەکە وپاڵنەر ولەمپەرەکانی، وجەخت لەسەر ئەوە کرایىەوە کە هەموو لایەک پابەند بین بە کارنامەی پڕۆژەی برایەتی ودەستەی باڵاەوە پێکەوە هەوڵ بدەین بۆ نەهێشتنی ئەو دیاردە دزێوانەی کەزۆرکات لەسۆشیال میدیا وتۆڕە کۆمەڵایەتیەکانەوە سەر هەڵدەدەن وخەڵکانی نابەرپرس وگێرەشێوێن دەیانوروژێنن ودەبنە مایەی نانەوەی بشێوی زیان گەیاندن بەگیانی تەبایی وبرایەتی وبێ هیوا بوون جەماوەری ئیسلام دۆست لەپڕۆژەکە، وسوپاس بۆ خوا دەرنجامی هەردوو دانیشتنەکە زۆر ئەەرێنی بوون.
چالاکییەکان