پەیامی پیرۆزبایی

بەبۆنەی هاتنەوەی جەژنی قوربانی پیرۆزەوە پیرۆزبایی لەسەرجەم مسوڵمانان دەکەین بەتایبەت مسوڵمانانی کوردستان و بەتایبەت تر ئێوەی بەڕێز و زێدە ئازیز. هەموو ڕۆژێکتان جەژن و شادی بێت، عبادەتتان قبوڵ بێت.

هێرش کردنە سەر مزگەوت لەلایەن ئیزیدییەکان

ئەمانە بەدرێژایی مێژوو باجی قورسی گێرەشێوێنی و ئەم کارە نابەپرسانەی خۆیان داوە کەچی هەر پەند وەرناگرن.

بەردەوامی کۆمەکی خوای گەورە

ئێمەی باوەڕدار دەبێت هەمیشە لەوە دڵنیابین کەخوای گەورە هیچ کات پشت لەبەندە پاک و ساغەکانی ناکات و بەردەوام کۆمەکیان دەکات و بەرگریان لێدەکات وە هەرکات ئەو کۆمەکە نەما ئەوە دەبێت لەوە دڵنیا بین کە هەڵەیەک لەلای ئێمەوە ڕوویداوەو پێویستە بە پەلە بەخۆماندا بچینەوە چارەسەری بکەین، تاکۆمەکییەکان بەردەوام بن،چونکە کۆمەکی خوا وەک پەخشێکی ڕادیۆیی بەهێز وایە و ئاڕاستەی دڵەکان دەکرێت و دڵە نەخۆش و دووڕوو لەکارکەوتووەکان ناتوانن وەریبگرن و سوودی لێببینن. پەرتوکی ئوحود وێستگەو وانەکان پڕۆفیسۆر خالید موحەممەد ساڵح

لێکەوتەکانی کزی باوەڕ:

زۆرێك لە بڕواداران لەدەرئەنجامی کزی باوەڕەکەیان بێهیوایی ڕووی تێکردوون و تووشی حاڵەتی دەروون بەزین بوون، بەو هۆیەیشەوە هەندێکیان نەك هەر ساردبوونەتەوە بەڵکو بەداخەوە کەوتونەتە بەرەی بەرامبەرەوە، بێ ئاگا لەوەی کە ئەم بەریەککەوتنە بەردەوامەبۆ تاقیکردنەوەی باوەڕەکەی ئەمان و سەرئەنجام خوای گەورە بەرەی باوەڕ سەردەخات، بەڵام پاش ئەوەی ئەم بەرەیە تەواو خۆی بۆ خوای گەورە یەکلا دەکاتەوە، بەرەی بەرامبەریش خاڵی دەبێت لەهەر خێرێک کە لێی چاوەڕوان بکرێت. ئێستایشی لەگەڵ بێت کە ئێمەی بڕوادار کەمینەو کەم دەستین بەڵام دڵخۆشین بەوەی کەلە ڕۆژهەڵات و ڕۆژئاوا سەرەڕای ئەم هەموو پلانەی کە دژ بەئیسلام و مسوڵمانان دادەڕێژرێت و ئەوهەموو هەوڵەی بۆ ناشیرینکردنی پەیامەکەی خوا دەدرێت کەچی ڕۆژبەڕۆژ خەڵکی زیاتر ڕوو لە ئیسلام دەکەن و لەپیرۆزی پەیامەکەی تێدەگەن و بەرەی بێباوەڕی چۆڵ دەکەن. پەرتوکی: ئوحود وێستگەو وانەکان پڕۆفیسۆر خالید موحەممەد ساڵح

سوپاس و پێزانین

سوپاس و پێزانینی پڕۆفیسۆر خالید موحەممەد ساڵح بەناوی بنەماڵەکەیانەوە: بۆ کەسوکار و دۆستان و هاوڕێیانی ئازیزمان، خزمانی شکۆمەندمان، تەواوی ڕێزداران لە سەرکردە و بەرپرس و ئەندامانی پارت و لایەنە سیاسییەکان، کاربەدەست و بەڕێوەربەر و فەرمانبەری دام ودەزگا حکوومییەکان، زانایانی ئایینی، مامۆستایانی زانکۆ و پەیمانگە و خوێندنگە و قوتابخانەکان، سەرۆک هۆز و تیرە و ڕیش سپی و کەسایەتی و پیاوماقوڵانی عەشیرەتەکان، سوپاسگوزارییمان قەبووڵ بفەرموون، لەپای ئەرک و ماندووبوونتان لەسەرەتای نەخۆش‌کەوتن و سەردانیکردنتان بۆنەخۆشخانەو بۆ ماڵەوە ،تەشریف هێنانتان بۆ مەراسیمی بەخاکسپاردن و پرسەی باوکی بەڕێزمان ، ئامادەبوونتان لەغەم و کەسەری ئەو کۆستە گەورەیەی کەمکردینەوە، گەورەیی نواندنتان ئارامی پێبەخشین، داواکارین خودای میهرەبان پاداشتی بەخێری ئێوەی بەڕێزو خۆشەویستمان بداتەوە و بە هەرهەنگاوێکتان حەجێک و بە هەرویردێکتان هەزاران چاکەی بۆ تۆمارکردبن دەستەکانتان دەگوشین و چاوەکانتان ماچ دەکەین و سوپاستان عەرز دەکەین، بەشانازییەوە خۆمان بەقەرزدارتان دەزانین...تەواوی ئەو ئازیزانەیش کە لەناوەوە و دەرەوەی وڵات بواری بەشدارییان نەبووە، چ بە پەیوەندیی تەلەفۆنیی، یاخود لە تۆڕەکۆمەڵایەتییەکانەوە هاوخەمییان دەربڕیوە سوپاسی هەستی بەرز و ئەمەکدارییان دەکەین. خوای گەورە لەمردووی هەموولایەکمان خۆش ببێت، لەدوعای خێر باوکی کۆچکردوومان لە یاد مەکەن.

بسم الله الرحمن الرحیم الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ ئەمشەو باوکی ئازیزم کۆچی دوایی کرد سبەی کاتژمێر هەشت لەمزگەوتی ئابڵاخی کۆنەوە بەڕێی دەکەین بۆسەر قەبران لەدوعای خێر بێبەشی مەکەن ان شاءالله

بسم الله الرحمن الرحیم الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ ئەمشەو باوکی ئازیزم کۆچی دوایی کرد سبەی کاتژمێر هەشت لەمزگەوتی ئابڵاخی کۆنەوە بەڕێی دەکەین بۆسەر قەبران لەدوعای خێر بێبەشی مەکەن ان شاءالله

خوای گەورە خۆت بێیت بەهانای لێقەوماوانی تورکیا و سوریاوە و لە مردوەکانیان خۆش بیت و شیفای بریندارەکانیان بدەیت و سەبوری خەمی کەس و کاریان بدەیت.

خوای گەورە خۆت بێیت بەهانای لێقەوماوانی تورکیا و سوریاوە و لە مردوەکانیان خۆش بیت و شیفای بریندارەکانیان بدەیت و سەبوری خەمی کەس و کاریان بدەیت.

لە دیدی ئێمەی تیرۆریست و ئێوەی بەناو ئازادیخواز و پارێزەرانی مافی مرۆڤدا

لە دیدی ئێمەی تیرۆریست و ئێوەی بەناو ئازادیخواز و پارێزەرانی مافی مرۆڤدا: ١- لەدیدی ئێمەی تیرۆریستدا هەموو سوکایەتی وبێڕێزییەک بەرامبەر خودا و پەیامبەر و پەڕتووک و پیرۆزییەکانی ئێوە قەدەغە و یاساغە، کە چی لە دیدی ئێوەی ئازادیخواز و پارێزەرانی مافی مرۆڤدا هەموو شێوەکانی سوکایەتییەک بەرامبەر خودا و پەیامبەر پەڕتووک و پیرۆزییەکانی ئێمە ڕێگە پێدرا و ڕێزلێگیراوە و دەچێتە خانەی ئازادی بیر و ڕاوە. ٢- لە دیدی ئێمەی تیرۆریستدا و لەسایەی دەوڵەتی ئیسلامیدا هەموو تایبەتمەندی و مافە ئاینییەکانی ئێوە پارێزراو و ڕێزلێگیراوە و زانایانی پێشینی ئێمە بەر لەهەزار ساڵ زیاتر گوتویانە ئەگەر پیاوێکی موسوڵمان هاوسەرگیری لەگەڵ ئافرەتێکی مەسیحی کرد پێویستە ڕێز لە تایبەتمەندییە ئاینییەکانی بگرێت و بۆی نییە ڕێگەی هاتوچۆی کڵێسا و خوێندنەوەی ئینجیل و لەگەردنکردنی خاچ و خواردنی گۆشتی بەرازی لێ بگرێت چونکە ئەوانە بەدینی خۆی ڕەوایە، کە چی لە دیدی ئێوەی ئازادیخواز و پارێزەرانی مافی مرۆڤدا تا ئێستایش لەچک و پەچە و باڵاپۆشی و ڕیش و ڕواڵەتی ئیسلامی لە زۆرێک لەناوەندەکانی خوێندن و دەزگا فەرمییەکانتاندا جێگەی مشتومڕن و لەهەندێک لەو شوێنانەدا ڕێگەپێدراو یان هەر نەبێت ڕێزلێگیراو نین. ٣- لە قورئانەکەی ئێمەی تیرۆریستدا چەندین سورەتی بەناوی پێغەمبەرانی ئێوەوە تێدایە کە لێوان لێوە لە ڕێز و پیرۆزی پەیام و ڕێبازەکانیان و یەک سورەتی تایبەتی بە ناوی خاتوو مەریەمی دایکی عیسا پێغەمبەری ئێوەوە تێدایە کە بەو پەڕی شکۆ و گەورەییەوە باس لە ژیان و گوزەرانی و دینداری و خواناسی خۆی و خانەوادەکەی دەکات، کە چی لە دیدی ئێوەی ئازادیخواز و پارێزەرانی مافی مرۆڤ ئەو قورئانە هیچ بەهایەکی نییە و هەر ڕۆژە و لە شوێنێک و بەشێوازێک سوکایەتی پێ دەکەن و بێڕێزی بەرامبەر دەکەن. ٣- هەموو جەنگە خوێناوییەکانی دونیا هەر لە هێرشی جەنگیزخان و هۆلاکۆ و شاڵاوە یەک لەدوای یەکەکانی خاچپەرستان بۆ سەر جیهانی ئیسلامی و جەنگەکانی جیهانی یەکەم و دووەم و سەرجەم چەکە کۆ کوژییەکانی دونیا کە سەدەها ملوێن مرۆڤ بەهۆیانەوە بوونەتە قوربانی ئێوە و باوباپیرانی ئێوە لێی بەرپرسیارن، کە چی لەدیدی ئێوەی ئازادیخواز و پارێزەرانی مافی مرۆڤدا ئێمە تیرۆریست و خوێنڕێژ و خۆسەپێنین و ئێوەش ئازادیخواز. ئەمانە و سەدەها خاڵی تر هەن ئەگەر بەوردی سەرنجیان بدەین و هەڵوێستەیان لەسەر بکەین دەزانین کێ تیرۆریستە و کێیە ئازادیخواز.

هاوڕەگەزخوازی لەدیدی ڕێکخراوەانی ژنان

پێشکەوتن و یەکسانی و ماف لە دیدی ئەمامەدا تەنها لە ئازادی سێکس و هاوڕەگەزخوازیدایە.

حوکمی بەکارهێنانی jawa eye

بەشداریکردن لەبەرنامەی jawa eye حەرامە و دروست نییە  چونکە سیستەمی بازاڕگەری تۆڕبەندی بەکار دەهێنێت لە ساغکردنەوەی کاڵاکانیدا کە ئەویش نزیکە لە سیستەمی کۆمپانیاکانی dxn و forever و qnet و هاوشێوەکانیان و جگە لەوەیش کۆمپانیای ناوبراو پارەی گریمانەیی بەکار دەهێنێت لە مامەڵەکانیدا.

ئێوە قوربانین نەوەک تاوانبار:

نەعلە دراوەکانی ئێوە لەو خاوەن پڕۆژانە مەرد ترە کە ئێوەیان کردۆتە سەرچاوەی داهات بۆ پڕۆژەکانیان، لەو بەرپرسانە مەرد ترە کە بازرگانی بە جەستەتانەوە دەکەن وشکۆی مرۆڤبوونتان دەشکێنن، لەو بەناو ڕۆشنبیرانە مەردترە کە دەیانەوێت ئێوە لەدەستی دین و بازنەی خێزان دەربهێنن تا دەستەمۆی ئارەزوە گڵاوەکانی خۆیانتان بکەن، لەو فیمەنیست وجێندەریستانە مەرد ترە کە دواڕۆژی ئێوەیان بەم ئاقارەدا برد . ئێوە قوربانین نەوەک تاوانبار، ئەگەر نا هیچ ئافرەتێک حەز ناکات بەو ڕیسواییە بژی و نان پەیدا بکات. پڕۆفیسۆر خالید موحەممەد ساڵح

بەدڕەوشتیەکانی دابڕان