هاوبەشی بوون لەمامەڵەپێوەکردنی ئاژەڵ

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئەمە موزارەبەیە بەڕێزەکانم ئەمە پێی نگاوترێ قەرز، کە موزارەبەدائەمان ئەچن بەم پارەیە ئاژەڵ ئەکڕن، لەگەڵ ئەو پیاوەی کە خاوەنی دەست سمایەکەیە، ئەبن بە سێ بەشەوە، ئەم و باوکی کە ئاژەڵەکان بەخێو ئەکەن، وە ئەو کەسەش کە دەستمایەکەی هەیە، لە قازانجدا بە هەر چەند ڕێژەیەک کە ڕێکەوتوون ئاساییە، یەعنی بۆ نموونە ڕێکەوتوون بەوەی کە ڕێژەکە قازانجیان لە %10 بۆ ئەو و لە %10 بۆ ئەو بێ و لە %10 بۆ ئەو بێ، ئەمە، گرفتێکی شەرعی دروست ناکا، بەڵام لە زەرەر دا ئەمان زەرەر نادەن، واتە ئەم برا بەڕێزە کە پرسیارەکەی کردووە لەگەڵ باوکی ئەگەر زەرەرێک هەبوو ئێوە زەرەر نادەن، بۆ؟ چونکە تەبیعەتی موزارەبە وایە تەنها خاوەن دەستمایە زەرەرە ئەدا، ئەو کەسانەی کە دەستمایەکەیان هەڵسوڕاندووە کە ئێوەن و وڵاخەکان بەخێوەکەن و ئەیکڕن و ئەیفرۆشن و سەرپەرشتی ئەکەن ئێوە زەرەر نادەن، ئەو بەڕێزەش ئەبێ لەمە ئاگادار بێ، بۆ ئەوەی کە بەیانی ئەگەر زەرەرێک هاتە پێش ئەو داوای پێدانی زەرەر لە ئێوە نەکا، ئێوە پێی بڵێن کە ئێمە تەحەممولی زەرەر ناکەین.