بانگەشەکردنی بۆ کاڵای خاوەن دوکان لە دەرەوەی کاری خۆی

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: نەخێر نابێت بە "ڕیباد" بە مەرجێک ئەمەی دەیکەی بە ئاگاداری خاوەن کارەکەت بێت، یانی تۆ شەوان کە ڕیكلام بۆ  کاڵاکانی خاوەن دووکانەکە دەکەیت، خاوەن دووکانەکە مەفروزە پێی بڵێیت  من ڕیكلام بۆ ئەم کاڵایانە دەكەم، هەر کاڵایەکم فرۆشت لە ڕێی خۆمەوە ئەوەندەم بدەرێ، ئەگەر گووتی باشە ئەوە بیکە، ئەگەر گووتی نا ئەوکاتە هەر کاڵایەک بفرۆشی مەفروزە داهاتەکەی بۆ خاوەن دوکانەکە بێت، چونکە تۆ مەعاش لەو وەردەگریت، وە تۆ کارمەندی ئەویت کاڵاکانیش ھی ئەوە، کەواتە نابێت بە ڕیبا گرنگ ئەوەیە جەنابت ئەوەی دەیکەیت بۆ خاوەن کاڵاکە کە مەعاشی لێ وەردەگریت دەبێت لەسەر پرس و ڕەزامەندی و مۆڵەتی ئەو بێت. خوای گەورەش زاناتره