ڕێژەی زەکاتی مەڕ و بزن

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: مەڕ بەڕێزان لە تا (39) سەر زەکاتی تیا نییە، کە بوو بە (40) یەک مەڕ ئەدرێ بە زەکاتەکەدا، لە (40) تا (120) سەر هەر (1) مەڕە، بەڵام کە بوو بە (121) ئەبێ بە دووان، لە (121) تا (200) هەر دووانە، کە بوو بە (201) بەڕێزان ئەبێ بە (3) سەر، لە (201) هەتا وەکوو (399) سەر هەر سیانە، کە بوو بە (400) دەبێ بە (4) سەر، لە (400) سەر مەڕ دەبێ کەسەکە (4) سەر زەکات بدا، کە بوو بە (500) ئەبێ بە (5) سەر، و هكذا..، هەموو (100) سەرێك زەکاتی مەڕێک ئەدا. کەواتە ئەمە زەکاتی مەڕە وە زەکاتی بزنیش هەر بەم شێوازە قیاس ئەکرێ، ئەبێ ئاگامان لێی بێ بە پێی ژمارەکان بەو مەرجانەی کە پێشتر باسمان کرد ساڵێک بە سەر هەمووی ئەم مەڕانەدا تێپەڕ بووبێ وە مەڕ و بەرخ بەیەکەوە ئەژمار ئەکرێ، ئەگەر هەر بەرخ بوون زەکاتەکە لە بەرخێک دەر ئەکا، ئەگەر هەر مەڕ بوون لە مەڕێک دەرئەکا، ئەگەر مەڕ و بەرخ بوون لە مەڕێک دەر ئەکا. خوای گەورەش زاناترە