زەکاتی حوشتر

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: نەخێر بەڕێزان، ئەمانە هەر یەکەو ڕێژەی زەکاتیان جیاوازە، بۆ نموونە حوشتر لە پێنج سەر زەکاتی ئەکەوێ، کە زەکاتیشی ئەکەوێ حوشتر وەکوو زەکاتی هیچ شتێکی تر نییە، کە ئەبێ بە پێنج سەر زەکاتێک ئەبێ حوشترێک زەکات نادرێ، یا بە چکە حوشترێک نا، کاوڕێک ئەدرێ بە زەکاتی حوشتردا، کە بوو بە (10)، حوشتر ئەبێ بە دوو کاوڕ، کە بوو بە (15) حوشتر ئەبێ بە سێ کاوڕ، واتە تا (14) حوشتریش هەردوو کاوڕە، کە بوو بە (15) ئەبێ بە (3)، کە بوو بە (20) سەر ئەبێ بە (4) کاوڕ، لە (19) حوشتردا هەر (3) کاوڕ ئەبێ، لە (25) حوشتر ئینجا ئەبێ بە حوشترێک، زەکاتەکەی لە حوشتر دەر ئەکرێ، ئەگینا زەکاتی حوشتر بەڕێزان تا (24) سەریش (4) کاوڕ ئەدرێ لە زەکاتی حوشتردا، کە بوو بە (25) سەر حوشتر ئەو کاتە حوشترێک ئەدرێ بە زەکاتدا، لەبەر ئەوە بابەتی خوشتر زەکاتی وەکوو ئاژەڵەکانی تر نییە، زەکاتەکەیشی کە بوو (25) سەر ئەو کاتە شتێک هەیە، خۆی عەرەب تەمەنەکانیان ئەزانێ (بنت مقاض)، (بنت مقاض)ێکی تیایە.