زەکاتی ئاژەڵی دابەستە و بۆ گۆشت

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: بەڵێ زەکات تیایدا واجبە، ئاژەڵی دابەستە بەڕێزان حسابی زەکاتی ئاژەڵی تیا ناکرێ، ئەوانەی کە ئیشی دابەستە ئەکەن وە ئیشی کڕین و فرۆشتنی ئاژەڵ ئەکەن نەک بەخێوکردن، ئەوانە ئاژەڵەکانیان وەکوو کاڵای بازرگانی ئەژمار ئەکرێ، مەرج نییە بگەنە (30) سەر و (40) سەر، لە کاتی زەکاتدا ئاژەڵەکان هەر چەندی تەخمین ئەکرێ بە پارە، کابرا (10) مانگای هەیە کە کاتێ زەکات دەر ئەکا ئەم دەمانگایە دابەستن، دوو مانگ، سێ مانگ عەلەفیان هەیە، دوای بەخێویان ئەکا و قەڵەویان ئەکا و ئەیان فرۆشێ، لە کاتێکدا زەکات دەر ئەکا ئەم مانگایانە تەخمین ئەکا بە پارە بە سیعری ئەمڕۆ کە ئەیفرۆشێ، مانگەکان ئەبا قەپانیان ئەکا چەند کیلۆن، کیلۆی ئەم مانگایانە کە چەند ئەکا لە بازاڕدا، تەخمین ئەکا بە پارە وە زەکاتەکەیان بە پارە ئەدا، چونکە ئەمانە عروزی تیجارەن، یا مەڕەکانی کابرا ئەگەر ئیشی دابەستە و ئیشی قەسابی ئەکا و ڕۆژانە یان مانگانە یان دوو مانگ سێ مانگ جارێ ئەیان کڕی و ئەیان فرۆشێتەوە، ئەمە زەکاتەکەی جیاوازە وەک کاڵای بازرگانی، بەڵام ئەو کەسانە حسابی ساڵیان بۆ ئەکرێ کە ئاژەڵەکان ئەمێنێتەوە لە لایەن، خەڵکی لادێیەکان کە مەڕەکان بەخێو ئەکەن ساڵانە لە بەرهەمەکانیان موستەفیدن، وە ساڵانەش ئەم مەڕانە ئەمێننەوە بۆ قەڵەوکردن و فرۆشتن نین، وە ئینەما ئەمێننەوە و ڕێژەی سابیتیان هەیە. خوای گەورەش زاناترە