زەکات لەبێچووەکان دەردەکرێت یان گەورەکان؟

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئەڵێین بەڵێ، لە کاتی سەر ژمێرییدا ئێمە ئەگەر هاتوو (20) سەر مەڕمان هەبێ وە (20) بەرخیشمان هەبێت، ئەو کاتە ئەمە (40) سەرە لە زەکاتدا، ئەم (40) سەرە ئەژمار ئەکرێت، وە زەکاتی (40) سەرەکە ئەدرێ، بەڵام زەکاتەکە لە بەرخەکان نادرێ (ئاگاتان لێ بێ) وە لە مەڕەکان ئەدرێ، چونکە بەرخەکان بچووکن، ئیللا مەگەر کابرا تەنها بەرخی هەبێ، ئەو کاتە زەکاتی چل سەر بەرخ بەرخێکە، بەڵام ئەگەر هاتوو تێکەڵ بوون، یا بۆ نموونە مانگاو گوێرەکەی هەبوو، ئەو کاتە ئەڵێین مانگە و گوێرەکەکان زەکاتی ئەکەوێ، ئەگەر هاتوو گەشتبووە (30) سەر، بەڵام زەکاتەکەی ناچێ گوێرەکەیەک بدا، وە لە(30) سەر ئەبێ مانگایە بدا کە یەک ساڵی تەواو کردووە، یەک ساڵی تەواو کردبێ پێی ناوەتە دوو ساڵ، ئەبێ لە سی سەر ئەوە بدا بە زەکاتدا. کەواتە بەڵێ بەچکەکان لەگەڵ گەورەکان ئەژمار ئەکرێ، وە ئەگەر نیصابیان تەواو کرد، پێکەوە زەکات ئەدرێ، وە زەکات لە گەورەکانیان دەردەکرێ نەک لە بەچکەکان دەربکرێ، ئەمە بۆ ئەوەی کە ئێمە ئاگادار بین کە چۆن زەکاتی ئەمانە دەرئەکەین. خوای گەورەش زاناتره