زکاتی ئەو ئاژەڵانەی لەچەند شوێنێکی جیاوازن و یەک خاوەنیان هەیە

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئەڵێین بەڵێ، ئەمانە پێکەوە کۆئەکرێنەوە بۆ زەکات، کابرا لێرە بۆ نموونە سی سەرمەڕی هەیە، لە شوێنێکیتر (30)سەر مەڕی هەیە، لە شوێنێکیتر سی سەر مەڕی هەیە، ئەم (30) سەرمەڕانە ئەگەر بە جیا حسێبیان بکەی هیچیان زەکاتیان ناکەوێ، بەڵام مادام هی یەک کەسن کۆ ئەکرێنەوە ئەو کاتە ئەبێ بە (90)سەر، زەکاتی ئەکەوێ، لەبەر ئەوە ماڵی ئینسان ئەگەر لە چەند شوێنێکی جیاوازدا بێ بۆ زەکات ئەم بەڕێزانە ئەبێ کۆئەکەنەوە، خاوەن ئاژەڵەکان کە ئاژەڵیان لای خەڵکە بۆیان بەخێو ئەکەن لە وەرزی زەکاتدا هەموو ئاژەڵەکانیان سەر ژمێر ئەکەن، پێکەوە ئەژماریان ئەکەن زەکات دەردەکەن. خوای گەورەش زاناترە