ئەو ئاژەڵانەی زەکاتیان لێ دەدرێت

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئەو جۆرانەی کە زەکات تیاندا واجبە بەڕێزان، سێ جۆرن تەنها زەکات تیایدا لە ئاژەڵدا واجبە: * یەکەم: وشتر *دووەم: ڕەشەوڵاخ، کە ئەڵێم ڕەشەوڵاخ، ڕەشەوڵاخ خۆی وە گامێشیش قیاس ئەکەی لەسەر ڕەشەوڵاخ. *لەگەڵ بزن و مەڕ. لە غەیری ئەم سێ صنفە زەکات لە ئاژەڵی تردا واجب نییە، بۆ نموونە کابرا ئاسکی هەبێ، ئێ بۆ نموونە ئێستری هەبێ، بارگیری هەبێ ئەسپی هەبێ، ئەمە زەکات تێدا واجب نییە، ئیللا مەگەر بۆ بازرگانی بە کار بێن، ئەگەر بۆ بازرگانی کردن بەکاربێنن ئەو کاتە وەکوو کاڵای بازرگانی ئەژمار ئەکرێن، وەکوو کاڵای بازرگانی لە کاتی زەکاتدا خەمڵاندنیان بۆ ئەکرێ وە زەکاتەکەیان ئەدرێ، ئەگینا وەکوو ئەسڵی زەکات تەنها لەو سێ صنفە لە ئاژەڵ واجب ئەبێ. خوای گەورەش زاناترە