زه‌كاتی هه‌نگوین.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: تەبعەن هەنگوین بەڕێزان بە بەرهەمی کشتوکاڵی ئەژمار ناکرێ، هەنگوین ثەروەی حەیوانییە، وە ئەم ثەروە حەیوانییە عولەما ڕەئی ڕاجیعیان ئەوەیە کە زەکات تیایە واجب نییە، چونکە هیچ دەلیلێکمان نییە لەسەر دیاریکردنی ڕێژەکەی، یەعنی ئێستا بۆ نموونە ئێمە بەرهەمە کشتوکاڵییەکان، بۆ نموونە پارە، ئاڵتون، ئاژەڵ، ئەمانە هەمووی ڕێژەی دیاریکراومان هەیە، ستانداردن ئەم ڕێژانە، بە پێی ئەو ڕێژانە ئەزانی زەکاتەکەی چەندە، هیچ دەلیلێکمان نییە پێمان بڵێ هەنگوین لە چەند زەکاتی ئەکەوێ، وە ناشکرێ ئەمانە بە عەقڵ دیاری بکرێ، ئەمانە عیباداتن ئەسڵ تیاندا تەوقیفە، لەبەر ئەوە هەنگوین بەرهەمێکی کشتوکاڵی نییە، بەرهەمێکی حیوانییە، وە ئەم بەرهەمە حەیوانییە هیچ دەقێکمان نییە کە پێمان بڵێ لەوەندە زەکاتی ئەکەوێ، لەبەر ئەو ئەسڵ وایە زەکاتی تیا نییە، وە ئیننما وەکوو چی سەیر ئەکرێ؟ وەکوو کاڵای بازرگانی ئەژمار ئەکرێ، کاڵا بازرگانییەکانیش داهاتەکانیان ساڵانە لەگەڵ کۆی داهاتەکانی تر ئەژمار ئەکرێ، ئەگەر مابوون باشە ئەو کاتە زەکات تیایاندا ئەدەین، ئەگەریش نەمابوو، خەرج کرابوو، ڕۆیشتبوو ئەو کاتە زەکاتی ناکەوێ، لەبەر ئەوە عولەما ڕەئیان لەسەر ئەم مەسەلەیە. ئەسڵیش وایە ئینسان ذیمەی بەریئە، ئیللا ئەبێ دەلیلێک هەبێ بەوەی کە پێویستی بکا لەسەری زەکات بدات، لە ئێستایشدا هیچ دەلیلێک نییە (وەکوو عەرزم کردن) لەسەر واجببوونی زەکات لە مەسەلەی هەنگوین دا. خوای گەورەش زاناتر