زه‌كاتی زه‌یتوون.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئێمە ئەڵێین زەیتون عولەما خیلافیان هەیە لەسەر ئەوەی کە زەکاتی تیایە، بەڵام ڕەئی ڕاجع ئەوەی کە ئەحناف باسیان کردووە، بەڵێ زەکات لە زەیتونیشدا هەیە، چونکە زەیتون ئەمڕۆ بەرهەمێکی کشتوکاڵی بە هێزە، بە نرخە، وە قابیلی هەڵگرتن و ئیدیخاری هەیە، وە تەسویق ئەکرێ،وە هەموو مواسەفاتەکانی ئەو بەرهەمانەی تیایە کە خوای پەروەردگار لە قورئاندا باسی ئەکا کە زەکاتی یێ ئەکەوێ، لەبەرئەوە ئەڵێین بەڵێ ئەگەر زەیتونەکە گەشتە (610) کیلۆ پێویست ئەکا زەکاتەکەی بدرێ، مولاحەزەیەک هەیە لە مەوزوعی زەکاتی دانەوێڵەدا ئەوەیە بەڕێزان، زەکاتی دانەوێڵە جیاواز لە زەکاتی پارە و ئاڵتون و ئەمانە مەرج نییە ساڵی بە سەردا تێپەڕ بێ، وە ڕۆژی پێگەیشتنی بەرهەمەکە (وەکوو عەرزم کردن)، زەکاتی ئەدرێ، وە زەکات تیایە واجب ئەبێ. کەواتە زەیتونەکەش ئەگەر گەشتە ڕێژەی (610) کیلۆ ئەسڵ وایە زەکاتی بدرێ. خوای گەورەش زاناتره