په‌رت كردنی به‌رهه‌م به‌ر له‌ زه‌كاتدان.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئێمە ئەڵێین ئەو زەویانەی کە شەراکەتی تیایە، مەسەلەن دوو جووتیار، سێیان، چوار، یا لەگەڵ خاوەن زەوییەکەدا، ئێمە ئەڵێین بەرهەمە کشتوکاڵییەکان پەرت ناکرێ بەر لە زەکات، واتە ئێمە گەنمەکەمان با بڵێین پێنج تەنە، ئەم پێنج تەنە دە شەریکین، ئەگەر ئەم دە شەریکە هەر یەکە و حصەی خۆمان حسێب بکەین یەکەی (500) سەد کیلۆمان بەردەکەوێ، (500)سەد کیلۆ زەکاتی تیا نییە، شەرع ئەڵێ ئەم پێنج تەنە گەنمە زەکاتەکەی دەر ئەکرێ ئینجا دوای ئەوە بەش ئەکرێ، لەبەرەوە ئاگامان لەوەش بێ، یەعنی ئێمە نایێین بەر لە دابەشکردن تەوزیع بکەین، زەکاتە ئەدەین ئینجا دابەش ئەکەین، ئەو گەنمەی کە بەرهەممان هێناوە چەند تەن بووە، چەند شەریکین لە کۆی حصەکانمان زەکاتەکە دەرئەکەین، دوای زەکاتەکە هەر یەکەمان لە قەدەر حصەی خۆمان لێمان ئەڕوا، بۆ نموونە من دوو لەسەر سێی گەنمەکە هیی منە، ئەو زەکاتەی کە دەرمان کردووە کە کە تەنێکە بۆ نموونە دوو لەسەر سێ تەنەکە لە حصەی من ئەڕوا، یەک لە سەر سێی لە حصەی شەریکەکانی تر ئەڕوا، کە ئەوان حصەیان کەمترە لە من، بەڵام جیاکردنەوە و بەشکردنی بەرهەمەکان بەر لە دەرکردنی زەکات شەرعی نییە، چونکە لەوانەیە ئەگەر بەشی بکەن زەکاتی تیا نامێنێ، خوایش ئەفەرمووێ: ﴿وَآتُواْ حَقَّهُ يَوْمَ حَصَادِهِ﴾، ڕۆژی دروێنەکردنەکەی زەکات بدەن، ڕۆژی دروێنەکردن پێش بەشکردنە لەبەر ئەوە نابێ بەش بکرێ. خوای گەورەش زاناترە