زه‌كاتی ئه‌و زه‌ویانه‌ی به‌كرێ گیراون كه‌ی ده‌رده‌كرێن.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: بەڕێزان ئەو خەرجی و ئەو کرێیانەی کە ئەدرێن بە حەقی زەویە کشتوکاڵیەکاندا ئەمانە دوای دەرکردنی زەکات، چونکە خوای پەروەردگار بە وازحی ئەفەرمووێ: ﴿وَآتُواْ حَقَّهُ يَوْمَ حَصَادِهِ﴾، بەرهەمەکەت چەندێکە زەکاتی بەرهەمەکە ئەدەی، پارەی کرێی زەوییەکە لە بەرهەمەکە دەرناکەی، وە دوای ئەوەی کە زەکاتەکە ئەدەی ئینجا ئەچی کرێیەکە ئەدەی، بەڵام بچی کرێی زەوییەکە حسێب بکەی،وە لە پارەی بەرهەمەکەی دەرکەی دوای زەکاتەکەی بدەی، شتی وا نییە، ئەوە فێڵکردنە وە ئەوە بە هیچ شێوازێک شەرعیەتی نییە. خوای گەورەش زاناتره‌