زه‌كاتی به‌رهه‌می ئه‌و زه‌ویانه‌ی به‌كرێ گیراون.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: زەکات بەڕێزان، لەسەر جووتیارەکانە نەک لەسەر خاوەن زەوییەکان، چونکە بەرهەمەکان هی ئێوەن، ئەوان تەنها ئەو پارەیەیان دەست ئەکەوێ کە بە کرێ زەویەکەیان پێ داون، کەواتە کە خوای پەروەردگار ئەفەرمووێ: ﴿وَآتُواْ حَقَّهُ يَوْمَ حَصَادِهِ﴾، باس لە کێ ئەکا؟ باس لە جووتیار و بەرهەمی جووتیارەکان ئەکا، ئەمە ئەگەر هاتوو ئێوە بە کرێ زەوییەکانتان گرتبوو، ئەگەریش هاتوو بە کرێ نەبوو وە بە بەشداری بوو، یەعنی 'خاوەن زەویەکە گوتووەتی کاکە بە یەک لەسەر سێ زەویەکەت ئەدەمێ بیکێڵە'، ئەو کاتە زەکات لە کۆی بەرهەمەکە دەرەکرێ لە حصەی هەردووکتان، دواتر ڕێژەی زەکاتەکە بە قەدەر حصەکان دەرئەچێ، یەعنی بۆ نموونە خاوەن زەوییەکە یەک لەسەر سێ هەبووە، ئێوە دوو لەسەر سێ، ئێمە فەردە یەکمان داوە فەردەکە شەست کیلۆ بووە، چلی لە حصەی ئێوە ئەڕوا، بیستی لە هی خاوەن زەوییەکە ئەڕوا، ئەگەر هاتوو خاوەن زەوییەکان بەشدار بوون لە بەرهەمەکەدا لە قەدەر ڕێژەی بەشداربوونیان زەکات لە بەرهەمەکانیان ئەڕوا، ئەگەر هاتوو ئەوان پارە و کرێیان وەرگرتبوو، خاوەنی بەرهەمەکە جووتیارەکان بوون، ئەو کاتە زەوییەکان خۆیان ئەبێ زەکاتی بەرهەمەکە بدەن، ئینجا دوای ئەو پارەی خاوەن زەوییەکانیش بدەن.‌ خوای گەورەش زاناتره