پێدانی پاره‌ له‌بری زه‌كاتی به‌رهه‌مه‌ كشتوكاڵییه‌كان.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئێمە ئەڵێین هەرچی بابەتێک لە بەرژەوەندی فەقیر بوو بەڵێ ئەکرێ ئەوەیان بدەین، یەعنی بۆ نموونە ئەگەر بەرژەوەندی فەقیر لەوە دابێ دانەوێڵەکەی پێ بدرێ، گەنمەکەی پێ بدرێ، جۆکەی پێ بدرێ، خورماکەی پێ بدرێ ئەوەیان پێ بدەن، ئەگەر بەرژەوەندی فەقیر لەوە دایە کە پارەیان بدەنێ، پارەیان بدەنێ، هیچ گرفتێکی نییە، بەڕێزان دەرکردنی پارە لە بری ئەو ماددانەی کە هەمانە لە زەکاتدا بە مەرجێک لە بەرژەوەندی فەقیرەکە ئەم کارە بکرێ، نەک لە بەرژەوەندی کابرای دەوڵەمەند، ئێمە ئەڵێین ئەگەر لە بەرژەوەندی خەڵکی فەقیر بوو ئاساییە، وە ئەمە تەنها ڕەئی من نییە،《 ئیمامی ئەحمەد، ئیبن و تەیمییە، ئیمامی بوخاری،》 هەندێک لە 《ئەحناف و شافیعیەکانیش》وا ئەڵێن، بۆیە ئەگەر زانیتان فەقیرەکان زیاتر سوودمەند دەبن، یەعنی تۆ فەردەیەك گەنم ببەی بۆ فەقیر فەقیر چی لێ بکا؟ بیبە بۆ ئاش و بی هاڕ و بیکە بە ئارد و ئاردەکەی بێنەرەوەو..، ئێ ئەگەر پارەکەی بدەیتێ بچێ دوو فەردە ئاردی پێ بکڕێ باشتر نییە؟ لەوانەیە ئەو فەردە گەنمەی تۆ ئەیدەیتێ ئەو پێویستی بەو گەنمە زۆر باشە نەبێ بیکا ئارد، ئەچێ ئاردی بایعەکە ئەکڕێ کە لەوانەیە ئەو فەردەیەی تۆ پێنج شەش فەردە ئاردی بایعی بۆ ئەکا، کولفەیە لەسەر ئەو، پارەیەکی زۆر خەرج ئەکا، بە سەیارە بیبەو ئەو پارەی نیە ئەسڵەن ئەم شتانە بکا، لەبەر ئەوە پارەکەی بدەرێ، بڵێ کاکە ئەمە پارەیە خۆت ئەیدەی بە چەند، بەڵام زەکاتی گەنمەکە نەک زەکاتی پارە، چونکە جەنابتان ئەزانن زەکاتی پارە لە سەدا دوو نیوە، زەکاتی گەنمەکە یەک لەسەر دەیە، فەرق ئەکا، تۆ زەکاتی گەنمەکە بەڕێژەی گەنم زەکات دەرئەکەی، بەڵام بە پارە دەری ئەکەی نەک بە گەنمەکە، خۆی چی لە موستەلەحەتی فەقیرەکان بوو ئەوەیان بدەنێ، ئەوە ان شاءالله خێرەکە موزاعەف ئەکا. خوای گەورەش زاناتره