ڕێژه‌ی زه‌كاتی به‌رهه‌مه‌ كشتوكاڵییه‌كان.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: وەڵام: تەبعەن بەڕێزان وەکوو (ئاماژەم پێکرد سەرەتا)، ڕێژەی زەکات لە بەینی یەک لەسەر دە بۆ یەک لەسەر بیست دایە، ئەو بەرهەمە کشتوکاڵیانەی کە کولفەیەکی سروشتیان هەیە، تەبعەن تۆ نابێ بڵێی وەڵا من پارەی دەڕڕاسەم داوە و پارەی جووتم داوە و پارەی بش بژارم داوەو پارەی کوتم داوە و پارەی چیم داوە.. هتد، ئەمانە پێیان ئەوترێ کولفەی سروشتی، ئەمانەت داوە بۆ ئەوە داوتە کە بەرهەمەکەت زیاتر بکا، بۆ ئەوەی یەک لەسەر بیست، یەک لەسەر سی، یەک لەسەر چل ببڕێ، الحمدللە بڕیووشیەتی، واتە تۆ لە موقابیلی کولفەی زیاد بەرهەمی زیاتر دەست کەوتووە، ئەمە پێی ئەوترێ کولفەی سروشتی، ئەم کولفە سروشتییە ئەمە هەر وەکوو چی حسێبی بۆ ئەکرێ؟ وەکوو دیەم حسێبی بۆ ئەکرێ، یەک لەسەر دە زەکاتی ئەکەوێ، ئەگەر کولفەکە ناسروشتی بوو، یەعنی بۆ نموونە ئەرزێکە، بەرهەمێکە کولفەیەکی ناسروشتی پێویست بووە، زیاد لە حەدی پێویست، زیاد لەو حەدەی کە بە شێوازێکی ئاسایی بێ کولفەی تێچووە، ئەمە یەک لەسەر بیست زەکاتی ئەکەوێ، لە بەینی ئەم دووانەیە جووتیارە بەڕێزەکان بەینی خۆیان و خوا، خۆیان قەرزاری فەقیر نەکەن، ئێمە ئەڵێین لە یەک لەسەر دە بۆ یەک لەسەر بیست ئێمە مەجالمان هەیە، کەواتە ئەگەر هاتووە کولفەکە ئاساییە لە دە تەنەکە یەک زەکات ئەدەی، ئەگەر نائاساییە لە بیست تەنەکە، تەنەکە یەک زەکات ئەدەی، ئەگەر مامناوەندە ئەو کاتە لەم ڕێنجەیە ئەکرێ یاری بکا، مەسەلەن لە پانزە تەنەکە تەنەکەیەک، لە شانزە تەنەکە تەنەکەیەک، لە چواردە تەنەکە تەنەکەیەک، بەینی خۆتان و خوا، ئەو کولفەیەی کە کێشاوتانە ئەگەر هاتوو کولفەکە زیاد لە حەددی تەبیعییە ئەو کاتە ڕێژەی زەکاتەکە کەم بکەنەوە، لە دە تەنەکە تەنەکەیەک بدەن، لە دوانزە بیدەن، لە سیانزە تەنەکەیەک بدەن، لە چواردە تەنەکەیەک بدەن... تا یەک لەسەر بیست، لە یەک لەسەر بیست بۆتان نیە تێیپەڕێنن. کەواتە لە بەینی یەک لەسەر دە بۆ یەک لەسەر بیست دایە، بە پێی ئەو مەسرەفانەی کە کردوومانە، وە جووتیارە بەڕێزەکان بەینی خۆیان و خوا، خۆیان قەرزاری خەڵکی فەقیر نەکەن، ئەمە تەقریبەن زانایان موتەفیقن لەسەر ئەوەی بەم شێوازە زەکاتەکە دەرئەکرێ. خوای گەورەش زاناتره