زەکاتی ژن بۆ مێردەکەی.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئەڵێین بەڵێ زۆر زۆر دروستە وە زۆریش مەشروعە، خوشکی بەڕێزی وامان هەیە دەوڵەمەندە مێردەکەی هەژارە، نەک لەبەر ئەوەی مێردەکەی ناکاسبوو تەمبەڵ و پارە بە فیڕۆ دەرە، نەء زروف و مەعیشەتی وایە، ئێستا بۆ نموونە مامۆستای بەڕێزمان هەیە، ئەو مامۆستا بەڕێزە هەموومان ئەزانین مووچەکی لێهاتووە وە مووچە وەرناگرێ، ئەم خوشکە بەڕێزە لەوانەیە دەستمایە و پارەکەی، دەستڕەنگینە، ئیشی خۆی ئەکا، ئیشی دەست دەکا یا بۆ نموونە بازرگانی ئەکا، پاری هەیە زەکاتیشی هەیە، ئێ ئەو زەکاتە تۆ لە جیاتی ئەوەی بچی زەکات بدەی بە پیاوی دراوسێکەتان، بۆ نەچی بیدەی بە پیاوەکەی خۆت، (الأقربون أولى بالمعروف)، لەبەر ئەوە بەڵێ دروستە ژن زەکات بدا بە مێردەکەی، بەڵام دروست نییە پیاو زەکات بدا بە ژنەکەی، بۆ؟ هەر لەبەر ئەو مەسەلەیەی کە گوتمان، چونکە نەفەقی ژن لەسەر پیاو واجبە، بەڵام نەفەقەی پیاو لەسەر ژن واجب نییە، بۆیە ژن دروستە زەکات بدا بە مێردەکەی، بەڵام مێرد زەکات نادا بە ژنەکەی، خێزانەکەی عەبدوڵڵای کوڕی مەسعوود دەفەرموێ: خاتوو زەینەب ئەفەرمووێ: جارێکیان چوومە خزمەت پێغەمبەر (ﷺ)، عەرزم کرد، (يَا نَبِيَّ اللَّهِ ، إِنَّكَ أَمَرْتَ اليَوْمَ بِالصَّدَقَةِ)، وتم: (ئەی پێغەمبەری خوا ئەمڕۆ فەرمووت کە ئێمە زەکات دەربکەین)، (وَكَانَ عِنْدِي حُلِيٌّ لي)، (من خشڵم هەیە)، (فَأَرَدْتُ أَنْ أَتَصَدَّقَ بِهِ ، فَزَعَمَ ابْنُ مَسْعُودٍ : أَنَّهُ وَوَلَدَهُ أَحَقُّ مَنْ تَصَدَّقْتُ بِهِ عَلَيْهِمْ)، ئەڵێ: (من ویستم زەکاتی خشڵەکان بدەم، کە تۆ فەرمووت: خێر بکەن، کەچی عەبدوڵای کوڕی مەسعود..) زەینەب خێزانی عەبدوڵای کوردی مەسعود بووە، عەبدوڵڵای کوڕی مەسعوود ئەڵێ: (من و مناڵەکان لە پێشترین کە زەکاتەکەمان بدەیتێ)، پێغەمبەری خوا (ﷺ) ئەفەرمووێ: (صَدَقَ)، عەبدوڵڵا ڕاست ئەکا، (ابْنُ مَسْعُودٍ ، زَوْجُكِ وَوَلَدُكِ أَحَقُّ مَنْ تَصَدَّقْتِ بِهِ عَلَيْهِمْ) گوتی: (ڕاست دەکا عەبدوڵڵای کوڕی مەسعوود لە پێشترە لە خەڵکی تر بەوەی کە وە مناڵەکانی عەبدوڵڵای کوردی مەسعود لە پێشترن لەوەی کە تۆ زەکاتی ماڵەکەتیان پێ بدەی). لەبەر ئەوە بەڵێ دروستە ژن زەکات بە مێردەکەی بدا بە پێی ئەم دەقە. خوای گەورەش زاناترە