زەکات بۆ خەڵکانی بێ دین و یاخی.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئەڵێین نەخێر، زەکات حەقێکی ماڵییە هی خەڵکێکی موسوڵمانە، وە ئەدرێ بە خەڵکی موسوڵمان، بە خەڵکی کافر هەر ناشێ ئەساسەن، یەعنی کەسێک ئەمڕۆ با لە تەسکەرەکەی نووسراوە موسڵمان بەڵام سەیر ئەکەی ئاتایستە، مولحیدە، دینی گۆڕیوە، کەسێکە لائیکە باوەڕی بەدین نییە، ئیلتیزامی نییە، یا بۆ نموونە ئەو پارەی کە ئێمە ئەیدەینێ ئەیدا بە مەشرووب و داوێن پیسی و قومار و سەرسەرێتی، ئەمانە بەڕێزان زەکاتیان پێ ناشێ، لەبەر ئەوە زەکات بە خەڵکێک ئەشێ کە ئێمە ئەیدەینێ ئەو زەکاتە سەرف ئەکا لە وەجهی خێردا، لە وەجهی مەشروعدا، بۆ ماڵ و مناڵەکەی خەرج ئەکا، بۆ کاری خێری خەرج ئەکا، بۆ پێداویستیەکانی ژیانی ڕۆژانەی خەرج دەکا، نەک ئێمە زەکاتی بدەینێ، ئەو بە حەرام خەرجی بکا، بۆیە زەکات بە خەڵکی بێ باوەڕ ناشێت، وە بەو ئەو خەڵکانەش ناشێت کە ئێمە ئەزانین ئەم خەڵکانەی ئێمە زەکاتیان ئەدەینێ ئەوانە چون بە دەستی ڕاست ئێمە ئەیدەینێ ئەو بە دەستی چەپی ئەیدا بە کاری نا مەشروعی وە ئەیدا بە کاری خراپە، وە کاری ڕێگە پێ نەدراو، لەبەر ئەوە ئەمە بە هیچ شێوازێک زەکاتیان پێ ناشێ، وە ئەو کەسانەی زەکات ئەدەن بەمانە دڵنیا بن زەکاتی پارەکانتان دەرناچێ، هەیە زەکاتەکەی لە کۆڵ خۆی ئەکاتەوە، یا بۆ نموونە ئەمانە خەڵکێکن براین کەس و کاری خۆین ئەچێ زەکاتیان ئەداتێ، ئێوە مافی خۆتانە هاوکاری ئەمە بکەن لە پارەی خۆتان، بەس لە پارەی خەڵکی فەقیری موسڵمان نا، ئێمە گوتومانە زەکات حەقی خەڵکی موسوڵمانە، ئێمە چۆن ناتوانی تەسەروفی پێوە بکەی، تۆ ناتوانی بە کەیفی خۆت بە کاری بێنی، چونکە حەقی ئەوانە، کە حەقی ئەوانە حەقەکە بۆ خۆیان ئەگێڕیتەوە، بۆیە من تکا ئەکەم بەڕێزان ئێمە کە زەکات دەدەین بگەڕێین، با تۆزێک وردبین بین، با تۆزێک چاو ورد بکەینەوە، خەڵکی زۆر موستەحەق هەیە و لە ڕووی نایە داوای بکا، خەڵکی بێ چاوەڕوویش هەیە (لەگەڵ ڕێزمان بۆ ئێوە) داوا ئەکا، بەڵام پێویستی پێی نییە بەڵام دەوڵەمەندە، بەڵام پارەکانی بە فیڕۆ ئەدا، بەڵام پارەکانی لە وەجهی حەرامدا بەکاردێنێ، کەواتە دیقەت بدەین پارەکانمان شوێنی خۆی بگرێ، بدرێ بۆ فەقیرانەی کە خوای پەروەردگار بۆ پڕکردنەوەی پێداویستیەکانی ئەوان زەکاتی داناوە. خوای گەورەش زاناترە