زەکاتی پشکە داراییەکان

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: پشکە داراییەکان بەڕێزان شێوازیان جیاوازە، بۆ نموونە ئێمە جاری وا هەیە کۆمپانیایەکمان هەیە پشکە دارایەکان دەستمایەن تێدایە، یەعنی (20) دەفتەرمان هەیە، ئەم (20) دەفتەرە بیست پشکی داراییە، دوو پشکی هی منە، دوو پشکی هی ئەوە، دوو پشکی هی ئەوە، بەڵام ئەم کۆمپانیایە موئەسسەیەکی مالییە، موئەسسە مالیەکە ئەم (20) دەفتەر دەستماییە و بەردەوام لە خولان و هەڵسوڕان و بازرگانی کردن دایە، کە مادام ئەم پارەیە، ئەم پشکە داراییە لە خوڵان و هەڵسوڕان و بازرگانی دایە، هەر خاوەن پشکێک ساڵانە پشکەکەی هەر چەندێکە زەکاتی پشکەکەی خۆی ئەدا، وە وەکە زەکاتی پشکەکەی ئەدا قازانجەکەیشی بۆ حسێب ئەکەین، یەعنی ئێمە کۆی دەستمایەکەمان (20) دەفتەرە لە پرۆژەکەدا بەڵام ئێستا کە ئەژماری پارەکە ئەکەین داهات و دەستمایە و کاڵاکان دەکەین (25) دەفتەرمان هەیە، کەواتە (5) دەفتەر قازانجمان هەیە، ئەم پێنج دەفتەرە هەر دەفتەرێک چەند وەرەقەی بەردەکەوێ ئەوەندەی بۆ ئەخەینە سەر، کابرا کە زەکاتدە دا زەکاتی ئەسڵی دەستمایەکە کە دوو دەفتەرە لەگەڵ ئەو ڕێژە قازانجەش کە بەری ئەکەوێ زەکاتی ئەمەش ئەدا، ئەمە ئەگەر هاتوو پشکەکان دەستمایە و دارایی بوون، ئەگەر هاتو پشکەکان چووبوونە موڵکەوە، یەعنی بۆ نموونە ئێمە موئەسەسە مالیەکەمان پشکە داراییەکان کارگەن، مەعمەلێکی گەورەمان بەم دوو سەد دەفتەرە دروست کردووە، ئەم مەعمەلە (150) دەفتەری مومتەلەکاتە، ئێمە گوتومانە مومتەلەکات زەکاتی ناکەوێ، بینایە و سەقفە و چیمەنتۆیە و مەکائینە و ئەمانەیە، پەنجا دەفتەری هەڵسووڕاوە، ئەو پەنجا دەفتەرە هی چەند خاوەن پشکە تەوزیعی دەکەینەوە بە سەریاندا، ئەگەر گەشتە زەکات، زەکاتی ئەدەن، خۆ ئەگەر هەموو پشکەکان لە لە موڵکدا بوون ئەوکاتە زەکات لە پشکەکاندا ناکەوێ، کەواتە کە ئەڵێین زەکاتی پشکە داراییەکان، ئەبێ ئەوە ئەژمار بکەین بزانین پشکەکان پارەن یان مومتەلەکاتن، ئەگەر پارە بوون ساڵانە زەکاتی ئەکەوێ، ئەگەریش مومتەلەکات بوون، موڵک بوون و شتی جێگیر بوون کە ئەوانە کڕین و فرۆشتنیان پێ ناکرێ ئەڵێین ئەوانە زەکاتیان ناکەوێ. خوای گەورەش زاناتره