زەکاتی ئەو قەرزانەی لای حکومەتن.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: وەڵام: حکومەت قەرزارێکی قەرز کوێرە، وە دیاریش نییە کەی ئەم قەرزانە ئەداتەوە لەبەر ئەوە زەکات واجب نابێ تیایدا، ئێستا بۆ نموونە هەر مووچەخۆرێک لەوانەیە چەندین دەفتەر دۆلاری لای حوکمەت بێ، ئێمە ناتوانین بە مووچەخۆر بڵێین زەکاتی ئەم قەرزانە بدە، چونکە کێ ئەڵێ دەستی ئەکەوێتەوە، کێ ئەڵێ حوکمەت ئەیداتەوە، ئەگەر وەریگرتەوە مووچە خۆرەکە زەکاتی یەک ساڵی لێ ئەدا هەر کات وەریگرتەوە، ئەگەریش وەری نەگرتەوە ئەوە گەردنی حوکمەت ئازا نەبێ و لەسەر حوکمەت ماڵە و ان شاءالله لە قیامەت خوای پەروەردگار لە ئەستۆیان دەری ئەکاتەوە. لەبەر ئەوە ئەو قەرزانە بەو شێوازە مەعامەلی لەگەڵدا ئەکرێ. خوای گەورەش زاناتره خوای گەورەش زاناتره