زەکاتی قەرز کێ دەیدات.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: بەڕێزان زەکاتی قەرز لەسەر خاوەن قەرزەکان واجبە نەک کەسی قەرزار، وە ئەگەر خاوەن قەرزەکان بەو مەرجە قەرز بدەن بە قەرزارەکان کە زەکات ئەوان بیدەن ئەبێ بە ڕیبا، چونکە ئێمە گوتومانە خوا دەفەرمووێت: (كلُّ قرضٍ مشروطٍ فهو ربا)،واتە: (هەر قەرزێک بە مەرجی ئەوە بدرێ بە خەڵک کە زیاد سەحب بکاتەوە بۆ خاوەن قەرزە، ئەبێ بە ڕیبا)، کە تۆ ئەڵێی ئەبێ تۆ زەکاتەکەی بدەی ئەو زەکاتە لە ئەستۆی تۆیە، کە ئەیخەیتە سەر ئەو، ئەو کاتە ئەم قەرزە قازانجی بۆ تۆ پەیا کردووە، کە قازانجی بۆ تۆ پەیا کردووە ئەو قازانجە بۆ تۆ بە ڕیبا ئەژمار ئەکرێت، بۆیە ئەو بەڕێزانەی قەرزیان لە لای خەڵکە زەکاتی قەرزەکانتان پێویست دەکا خۆتان بیدەن نەک ئەوەی کە قەرزارەکان بیدەن. خوای گەورەش زاناترە