کاریگەری ئەو قەرزانەی پاش واجب بوونی زەکات دروست دەبن.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: نەخێر لێی دەرناکرێ، بۆ نموونە من پێنج دەفتەر دۆلارم هەبووە، ئەم پێنج دەفتەر دۆلارە ساڵی بە سەردا تێپەڕیووە، ئەم پێنج دەفتەر دۆلارە کە ساڵی بەسەر تێپەڕیووە زەکات تیایدا واجب بووە تەواو، دوای ئەوەی کە زەکات لە پارەکەدا واجب بووە با بڵێین من چووم سەیارەیەکم کڕیوە بە شەش دەفتەر، ئێستا ئەم پێنج دەفتەرە من دەفتەرێکیش قەرزار ئەبم لەسەری، من زەکات ئەدەم یان نایدەم؟ مادام کاتی زەکات من پارەکەم هەبووە وە پارەکە دانراو بووە وە پارەکە ساڵی بە سەردا تێپەڕیوە ئەوە زەکات تیایە واجب بووە ئەو پێنج دەفتەرە، لە سەدا دوو و نیو زەکاتی ئەدرێ، ئەو پێنج دەفتەرە دوانزە وەرەقە و نیوی ئەڕوا بۆ زەکات، چونکە من دوای ئەوەی کە زەکات تیایە واجب بووە تەسەروفم پێوە کردووە، بۆیە هەر قەرزێک بچێتە ئەستۆی کەسەکە لە دوای واجبوونی زەکات لە زەکاتەکە ناشکێندرێ، زەکاتەکە ئەدرێ، بۆ ساڵی داهاتوو ئەگەر ئەو قەرزە ما مقاسەی پێ ئەکرێ، بۆیە ئەو قەرزانەی دوای واجب بوونی زەکات واجب ئەبن تەئسیر لە ڕێژەی زەکاتەکە ناکەن، زەکاتەکە دەر ئەکرێ قەرزەکە دواتر بە جێی خۆی. خوای گەورەش زاناترە