مەرجە زەکات بەناوی زەکاتەوە بدرێتە هەژاران؟.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: نەخێر بەڕێزان بە هیچ شێوازێک، ئەگەر زانیمان، هەندێ فەقیر هەیە کەرامەتی پێی ئەشکێ، یانی بۆ نموونە کەسەکە جاری وا هەیە خزمتە، براتە، کەسێکە خوشکتە، زۆر زۆر ناشیرینە تۆ پارەی پێبدەی بڵێ ئەوە زەکاتە، چونکە ئەو زەکات هەست دەکا خێری پێ ئەکەی، دەستگیرۆیی بکە، هاوکاری بکە مەهێڵە کەرامەتی بشکێ، مەهێڵە نەفسیەتی بشکێ، بڵێ کاکە ئەو پارەیەکە بۆ خۆت خەرجی بکە، خەرجی بکە بۆ مناڵەکان، با بری زەکاتیش بێ، ئەگەر ئەزانی ئەهلی زەکاتە و زەکاتی پێ ئەشێ ئێمە واجب نییە بە فەقیرەکان بڵێین کاکە ئەمە پارەی زەکاتە ئەتاندەینێ، چونکە ئێمە واجبە لەسەرمان پارەی زەکات دەربکەین، بەس فەقیرەکە واجب نییە، من نیەت دەهێنم کە پاری زەکاتە و زەکات دەدەم، فەقیرەکە واجب نییە نییەت بێنێ کە پارەی زەکاتی وەرگرتووە، ئەوە خێرێکەو پێمان کردووە، ئەوە خێرەکەمان داوەتێ، لەبەر ئەوە نەخێر واجب نییە پارەی زەکات کە ئەدرێ بە فەقیر وە بگرە بە عەکسەوە لەوانەیە خراپ بێ، گوناح بێ ئەگەر بزانین کەرامەتی فەقیرەکەی پێ ئەشکێ، پێی بڵێین وەڵڵا ئەمە پارەی زەکاتە و زەکاتت ئەدەینێ. خوای گەورەش زاناترە