زەکاتی ئەو پارانەی بەمەبەستی پڕکردنەوەی پێداویستییەکان دانراون.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: بەڕێزان ئەو پارانەی کە دانراون بەهەر مەبەستێک دانراون، بۆ هەر پرۆژە نیازێک دانراون ئەم پارانە بگەنە ڕێژەی زەکات، ساڵیان بە سەردا تێپەڕ بێ، شەرع زەکاتی لێ وەردەگرێ، ئیتر سەر عەلاقەی نییە بۆ ئەوەی تۆ بۆ هەر مەبەستێک داتناوە، چونکە ئەم پارەیە جاری وا هەیە ئەم مەبەستەی تۆ ساڵ، دوو، سێ، چوار، دە ساڵی بەسەردا ئەچێت تۆ لەوانەیە ئەم زەواجە هەر نەکەی، لەوانەیە ئەم خانووە هەر نەکڕی، لەوانەیە ئەم حەجە هەر نەکەی، لەبەر ئەوە ئەم پرسیارانە خەڵک زۆر ئەیکا، " من پارەم هەیە بەڵام پارەکەم داناوە ژنی بۆ کوڕەکەم پێ بێنم"، "ئاڵتۆنم هەیە بەڵام ئەمەوێ بیدەم بە ژن بۆ کوڕەکەم"، " پارەم هەیە ئەمەوێ بیدەم بە سەیارە"، "پارەم هەیە ئەمەوێ بیدەم بە خانوو"، هەر پارەیەکتان هەیە پێش ئەوەی زەکات تێدایە ساڵ بەسەریدا تێپەڕ بێ، مافی خۆتانە بیدەن بە هەر پرۆژە و پێداویستییەك کە خۆتان ئەتانەوێ، کە ساڵی بەسەردا تێپەڕ بوو زەکاتی تیایە واجب ئەبێ، ئەگەر دوای ساڵەکە شتەکەشی پێ بکڕن هەر ئەبێ زەکاتەکەی بدەن، چونکە کە ساڵی بەسەردا تێپەڕ بوو زەکات تێیدا واجبە، کە زەکات تیایدا واجب بوو ئیتر ئەو کاتە تۆ ئەگەر پارەکە خەرجیش بکەی زەکاتەکە بووبە قەرز چۆتە ئەستۆی تۆ، ئەبێ بیدەی، لەبەر ئەوە بەڵێ زەکات لەو پارانەی کە دانراون بۆ پرۆژە هەرچی پرۆژە بێ، چەند ناچار و پێویستیش بێ ئەو زەکاتە، ئەو پارەیە ساڵی بە سەرا تێپەڕ بێ، وە لە ڕێژەی زەکاتدا بێ، ئەبێ زەکاتەکەی بدرێ. خوای گەورەش زاناترە