شێوازی نوێژی تەڕاویح چۆن دەکرێت

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئێمە دەڵێین نوێژی تەڕاویح بەڕێزان دوورکاعەت دوورکاعەت دەکرێت لە بەینی دوورکاعەت دا و سەلامێک دەدرێتەوە لە بەینی دوو ڕەکعات بۆ دوو ڕەکعاتی تر دەکرێت، ئینسان پشوویەک وەربگرێ دەکرێت، لە چوار بۆ چوار پشوویەک وەربگرێت لە ئەخیریشدا بە ڕکاعەتێک ویتر یا بە سێ ڕکاعەت ویتر یا بە پێنج رکاعەت ویتر یا بە حەوت رکاعەت ویتر کۆتایی بە نوێژەکە دێ لەبەر ئەوە دوو دووە ئەو نوێژەی کە دەکرێ پێغەمبەری خوا (‎ﷺ) فەرموویەتی:( صلاة الليل مثنى مثنى) ئەمە بۆ تەڕاویح و تەهەجوودیش هەر وایە،( فإذا خشي أحدكم الصبح صلى ركعة واحدة توتر له ما قد صلى) دەفەرموێت:ئەگەر نزیک بۆوە بانگی بەیانی ئینسان نوێژی وەتر بکا وە نوێژی وەترەکە خەتمی نوێژی شەو نوێژەکەی پێ دەکرێ خوای گەورەش زاناترە