پێدانی زەکات بەیەک کەس.

‎ ‎ به‌ناوی خوای بەخشندە و میهرەبان سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ‎بەڕێزان ئێمە دەڵێین بەڵێ زۆر زۆر ئیعتیادییە یانی فەلسەفەی زەکات ئەوەیە ,ئەوە نییە ئێمە هەژارەکان فێری سواڵ بکەین وە فێری دەستگرتنەوە بکەین وە فێری پاڕانەوە بکەین, فەلسەفەی زەکات ئەوەیە ئێمە هەژارەکان لە هەژاری ڕزگار بکەین , یانی بۆ نموونە ئەمساڵ جەنابت(دەفتەرێک) زەکاتت هەیە (دوو دەفتەر) زەکاتت هەیە کەسێکی فەقیر شک دەبەی کە ئەم کەسە فەقیرە زۆر حه‌زی له‌ كه‌سابه‌ته‌ به‌ڵام هیچی نییه‌ ‎ کەسابەتی پێ بکا ,بێیت ئەو دەفتەرەی بۆ بده‌ی بە سەیارەیەک بۆ ئەوەی ئەم پیاوە ئیشی پێ بکا ماڵ و مناڵەکەی خۆی پێ بەخێو بکا بۆی بدەی بە دووکانێک دووکانێکی بۆ دابنێی بڵێی کاکە ئەمە دووکان و ئەمەش دەستمایە بڕۆ بۆ خۆت مناڵەکانت بەخێوبکە ئیتر لە خەڵک مەپاڕێرەوە دەست لە خەڵک پان مەکەرەوە لەبەر ئەوە بەڵێ دروستە بە مەرجێک ئێمە ئەو پارانەی کە هەمانە ئەو خەڵکە فەقیرە لە هەژاری بتوانین ڕزگار بکەین یان نەخۆشێک هەیە جاری وایە نەخۆشێک هەیە لە لێواری مەرگ دایه‌ تێچووی ‎ عەمەلیاتەکەی دوو سێ دەفتەر دۆلاری ده‌وێ, ئەم دوو سێ دەفتەر دۆلاری زەکاتە تۆ کەسێکی لە مردن پێ ڕزگار دەکەی , خێرێکی گەورەیە ماڵێک لە بێ سەرپەرشتیار کەوتن ڕزگاردەکەی کۆمەڵێ مناڵ لە هەتیوی ڕزگاردەکەی ئافرەتێک لە بێوەژنی ڕزگاردەکەی لەبەرئەوە زۆر زۆر ئاساییە ; یان کەسێک بۆ نموونە جاری وا هەیە قەدەرێکی لێ قەوماوە (گیراوە) لەسەر قەدەرەکە دەستی نەبووە لە قەدەرەکەدا بە سەیارە لە کەسێکی داوە بەڵایەکی بە سەر هاتووە تۆ ئەم پیاوە دەچی سوڵحی بۆ دەکەی ‎ لەگەڵ بنەماڵی بەرامبەر پارەی بۆ دەده‌ی بۆ ئەوەی ڕزگاریکه‌ی لە سجن ماڵ و مناڵەکەی خۆی بەخێو کا بگەڕێتەوە ناو ماڵ و مناڵەکەی زۆر زۆر ئەمانە ڕێگە پێ دراون لەبەر ئەوە بەڵێ دەڵێین مەشرووعە ئینسان زەکاتی ماڵەکەی بدا بە (یەک) کەس, بەڵام بە مەرجێک ئەم کەسە حاجه‌ی ئەم کەسەی پێ دەفعەکەین لە هێڵی هەژاری بیهێنینە دەرەوە وە بتوانێ ئەم کەسە لەمەودوا خۆی کەسێکی موسمیر بێ مونتیج بێ , ئەو ساڵی داهاتوو خۆی بتوانێ زەکات بدا , نەک بەردەوام هەر ئێمە خەڵکێکی زۆر ‎ مان بەڕێزان زەکاتەکانیان زۆر بە شێوازێکی ناتەندروست دەدەن بە خەڵک پەنجا هەزار بۆ ئەو بیست هەزار بۆ ئەو دە هەزار بۆ ئەو هەژارەکان بەم دە هەزار و پەنجا هەزاری ئێوە چیان لێ دێ !!هەتا دەمرن هەر دەبێ دەست پان بکەنەوە هەتا دەمرن هەر دەبێ هەژار بن , لەبەرئەوە من تکادەکەم بەڕێزان ئەو پارانەی کە هەمانە با وەکوو مەشروعێکی ئیمانی وەکوو مەشروعێکی ئیجتیماعی بەکاریان بێنین, هەوڵ بدەن بەو پارانە هەژارەکان بێننە دەرەوە لە هەژاری هەوڵ بدەن هەژارەکان بکەن بە خاوەنی کار بیانکەین بە خاوه‌نی ده‌سمایه‌ ‎ بیانکەین بە خاوەنی گیرفان و قاسە و کاسەی خۆیان بۆ ئەوەی لە خەتی هەژاری بیان پارێزین , بۆیە بەڵێ دروستە زەکات لەم هه‌شت سنفەی کە خوای گەورە باسیان ده‌كا بکرێ بە یەک سنف وە بشدرێ لە سەنفەکاندا بە یەک کەس بەڵام بە مەرجێك کەسەکە لە هێڵی هەژاری بێنینە ده‌ره‌وه