زەکاتی مووچە و داهاتەکان.

‎ به‌ناوی خوای بەخشندە و میهرەبان سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ‎ ئێمە دەڵێین بەڕێزان مووچە شتێکە بۆ ژیانی ڕۆژانە بەکار دێ ئەو کەسانەی کە مووچە خۆرن ,مووچه‌كه‌ی ‎ کە مانگانە وەریده‌گرن پاشەکەوتیان لێ کردبوو وە ئەم مووچە پاشەکەوت کراوانە گەشتبووه‌ ڕێژەی زەکات لەو ڕۆژەوەی کە گەشتۆتە ڕێژەی زەکات ساڵی بە سەردا تێپەڕ بووە دوای ساڵێک بەڵێ زەکاتی دەکەوێ, بەڵام ئەگەر ئەم مووچانە نامێنن خەرج دەبن یان بۆ نموونە کابرا داهاتی هەیە یەعنی دووکانداره‌ ڕۆژی لەوانەیە (دووسەد هەزار دینار )پەیدا بکا مانگی (شەش ملیۆن دینار )دەکا بەڵام ساڵانه‌ کەدێن ئەژماری پارەکانی دەکەین کەسێکی بەخشندەیە کەسێکی خێرەومەندە ‎ کەسێکه‌ نەفەقاتی زۆرە ئەم کەسە سەیر دەکەین کە مانگی (شەش ملیۆن) پەیدا ده‌کا ساڵەکە کە بۆیی حسێبەکەی هیچی نەماوە پارەکەی نەگەیشتووەتە ڕێژی زەکات وە ساڵیشی بەسەردا تێپەڕ نەبووە, ئەمە زەکات نادا لەبەر ئەوە داهات وە مووچە وە قازانج ئەو پارانەی کە ئێمە دێتە دەستمان ڕۆژانە ساڵانە یان مانگانە لەگەڵ کۆی پارەکانی کە ئەژمار ده‌کرێ, ئەگەر ئەم پارانە گەشتنە ڕێژەی زەکات وە ساڵی بە سەردا تێپەڕی لەگەڵ کۆی پارەکانی تردا نەک به‌جیا ,دەڵێین زەکاتی ئەم پارانە لەگەڵ پارەکانی تر دەدەین , ئەگەریش خەرج دەبن وە ‎ ساڵانە نامێنن باشە بۆ ژیانی ڕۆژانەمان بەکاریان دێنین نەخێر زەکاتیان واجب نابێ . ‎ خوای گەورەش زاناتره