کۆکردنەوەی پارە و ئاڵتون بۆ تەواوکردنی ڕێژەی زەکات.

به‌ناوی خوای بەخشندە و میهرەبان سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ‎ ده‌ڵێین بەڵێ, یانی بۆ نموونە خوشکێکی بەڕێزمان هەیە (پانزە مسقاڵ) ئاڵتونی هەیە پانزە مسقاڵ ناگاتە ڕێژه‌ی ‎ زەکات باشە بەڵام (سی وەرەقە) بە دۆلاریش پاره‌ی هەیە یا (پێنج ملیۆن) دیناریشی هەیە, ئێمە دەڵێین ئاڵتونەکانی بۆ دەخەمڵێنرێ بە پارە لەگەڵ پارەکان, یان پارەکانی ئەخەمڵێنرێ بە ئاڵتون لەگەڵ ئاڵتونەکان کۆ دەکرێنەوە وە زەکاتیان لێ دەردەکرێ ,چونکە ئاڵتوون ئەسڵەکەی ئەسڵە بۆ پارە لەبەر ئەو ئەسڵ لەگەڵ فەرعی خۆی کۆ دەکرێتەوە یان زیو لەگەڵ پارە کۆ دەکرێتەوە بەڵام (ئاڵتون و زیو) بە یەکەوە کۆ ناکرێنەوە بۆ ؟چونکە دوو مەعدەنی جیاوازن ‎ باشە بەڵام پارە هەر جۆرە دراوێک بێ لەگەڵ ئاڵتون یا لەگەڵ زیو کۆ دەکرێتەوە وە تەکمیلەی نیسابی پێ دەکرێ بۆیە ئینسان ئەگەر ئاڵتونی هەبوو لەگەڵ پارەکانی ئاڵتونەکان لەگەڵ پارەکان کۆده‌کرێتەوە بۆ تەکمیلەی نیساب وە زەکات لە هەمووی دەردەچێ