دەرکردنی زەکات لەپارەی هەتیوو و بێوەژن.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: بەڵێ بە تەئکید بەڕێزان چونکە زەکات حەقێکی مالییە، زەکات حەقێکە پەیوەستە بە پارە، نەک زیمەی شەخسەکان، وەکو ڕۆژوو، وەکوو نوێژ، نییە وەکوو حەج نییە، ئەوانە دەبێ خەڵکی عاقیل و بالیغ بن بیکەن، بەڵام زەکات مەرج نیە عاقیل و بالیغ بێت، چونکە پەیوەستە بە پارەوە، پارەی منداڵ، پارەی شێت، پارەی خەڵکی بۆ نموونە بێوەژن، هەر کەسێک دەوڵەمەند بێ و پارەی هەبێ دەبێ زەکات بدا ئیتر شێتە، عاقڵە، منداڵە، گەورەیە، ژنە، پیاوە، دەبێ هەموو ئەوانە بیدەن لەبەر ئەوە عولەما گوتوویانە زەکات لە ماڵی منداڵ و  لە ماڵی شێتیش دەردەچێت، وەکو عاقیلی بالیغ حسابیان بۆ دەکرێت، مادام کەسەکان موسوڵمانن کەواتە بەڵێ زەکات لە ماڵی هەتیو دەردەکرێت، وە هەتیوێك  کە پاری زەکاتی هەبێ خۆی زەکاتی پێ ناشێت،ئێمە هەندێک جار وا تێگەیشتوین یا وا ڕاهاتوین دەڵێین هەموو هەتیوەکان خێریان پێ ئەشێت، نا بەڕێزان هەتیووی دەوڵەمەند خێری پێ ناشێت، کە خۆی زەکاتی هەبێ ئەبێ زەکات بدا لەبەر ئەوە زەکات بەو ناشێ . خوای گەورەش زاناترە