شوێنی دەرکردنی زەکات و گواستنەوەی بۆ شوێنێکی تر.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: دەڵێین ئەسڵ وایە زەکات لە شوێنی خۆیدا دەربکرێ پێغەمبەری خوا ( ﷺ)کە باسی دەکا دەفەرمووێ: {تؤخذ من أغنيائهم، فترد في فقرائهم}لە دەوڵەمەنەکانیان وەردەگیرێ دەدرێتەوە، بە هەژارەکانیان کەواتە ئەسڵ وایە ئێمە بۆ نموونە زەکاتی خەڵکی سلێمانی سلێمانیدا تەوزیع دەکەین، هەولێر لە هەولێردا تەوزیع دەکەین، دهۆك  لە دهۆکدا کەرکوك لە کەرکوکدا تەوزیع دەکەین،  وە هەموو شوێنەکانی تر ئەگەر هاتوو مەنتیقەیەک لە مەنتیقەکانی زیاتر پێویستیان پێ بوو نەهامەتی ناڕەحەتی گرفتی ئابووری لە شوێنێک زیاترە یەعنی ئێستا ئەگەر گریمان ئێمە سلێمانی خەڵک زۆر کێشەی نییە، بەڵام لە بانە بۆ نموونە لە سنە کێشەمان بۆ دروست بووە، با بڵێین کارەساتێکی سروشتی ڕووی داوە، با بڵێین پەتایەک بڵاو بۆتەوە، قەیرانێکی دارایی ڕووی کردووەتە ئەو ناوچەیە، دروستە زەکاتی سلێمانی بگوێزرێتەوە، بۆ سنەیە بگوێزرێتەوە، ببۆ نموونە ئامەد یا  بگوێزرێتەوە بۆ قامیشلی، ئەگەر هات و خەڵکی ئەم ناوچانە پێویستر بوون لە خەڵکی سلێمانی یا بۆ نموونە تۆ جاری وا هەیە خزمت هەیە لەو شارانەی تر خزمەکانی خۆت زۆر زۆر موحتاجن، زۆر زۆر کەم دەرامەتن دروستە ئەوان بە سەر کەیتەوە:{ الأقربون أولى بالمعروف} بەڵێ بەدڵنیایی دروستە ئەوان بە سەر کەیتەوە، لەبەر ئەوەی ئێمە دەڵێین ئەسڵ وایە زەکات لە شوێن و شاری خۆیدا تەوزیع بکرێت، بۆ حاڵەتی ناچاری و پێویستی بگوازرێتەوە بۆ شوێنێکی تر، دەڵێین بەڵێ دروستە بگوازرێتەوە، بۆ شوێنێکی تر، چونکە ئیمانداران هەموویان هەر بران، هەر موسڵمان ئێمە هەر موسڵمانێک لە هەر شوێنێکی ئەو دنیایەدا  زۆر ناچار و موحتاج بێ بۆی بگوێزینەوە ئێستا بۆ نموونە کەرتی غەزە ئەو لێقەومان و ئەو ماڵ وێرانیەی ڕووی کردووەتە ئەم شوێنە دروستە زەکات بگوێزرێتەوە بۆ غەززە بەڵێ دروستە زەکات بدرێ  بەو ئاوارە و لێقەوماو و بۆ نموونە و خەڵکانی کە ماڵیان وێران بووە، کە دەرەتانیان نەماوە، یا بۆ نموونە خەڵکانێکی تر لە لە شوێنەکانی تری دونیا لێقەومانێکی ئاوا هەبێ و خەڵکێکی موسڵمان پێویستی هەبێ بەڵێ دروستە زەکات بگوێزرێتەوە بۆ هەموو ئەو شوێنانەی کە خەڵکێکی موسڵمانی لە قەوماوی تیایە. خوای گەورەش زاناترە