نوێژی تەراویح لەماڵ دەکرێت یان مزگەوت؟.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: بەڕێزان ئەمە گومانی کۆمەڵێك خەڵکی ناحەزە کۆمەڵێك خەڵکی دژ بە دینە دوور لە دینە، کۆمەڵێك خەڵکی دڵ نەخۆشە، کۆمەڵێك خەڵکی نەشارەزایە، لە شەرع لە دین لە فیقە، بۆ؟ چونکە ئەگەر ئەم کەسانە مێژووی نوێژەکە بخوێننەوە، ئەو کاتە بۆیان دەرکەوێ کە ئەمانە چەند دوورن لە ڕاستی دەربارەی ئەم بابەتە چونکە پێغەمبەری خوا ‎ﷺ بەڕێزان سەرەتا کە نوێژی تەڕاویحی بۆ هاوڵان کرد بە جەماعەت کردی پاشان پێغەمبەری خوا ‎ﷺ کە بینی خەڵکێکی زۆر شەوانە دێ بۆ تەڕاویح وە هەندێک ماندوون هیلاکن، بە تایبەتی لەو سەردەمانەدا هەستی کرد هاوەڵان وەکوو واجب دێتە پێش چاویان، وەکوو چۆن بۆ نوێژی عیشاد دێن ئاواش وەکوو واجب بۆ نوێژی تەڕاویح دێن، پێغەمبەری خوا ‎ﷺ ویستی تەنها بەیانی ئەوەیان بۆ بکا کە ئەمە واجب نییە، لە جەماعەت و لە مزگەوتدا سوننەتە بەڵام واجب نییە بۆیە هەتا بەنص پێی فەرموون:( قد رأيت الذي صنعتم، فلم يمنعني من الخروج إليكم إلا أني خشيت أن تفرض عليكم) فەرمووی:من چاوم لێ بوو کە ئێوە هاتبوون بۆ نوێژی تەڕاویح بە جەماعەت پێکەوە بیکەین فەرمووی تاکە ڕێگر بۆ ئەوەی کە من بێم نوێژەکەتان بۆ بکەم ئەوە بوو کە من ترسام فەڕز بێ لەسەرتان. لەبەر ئەوە دەترسێ فەڕز بێ لەسەریان، وە دەشترسێ ئەوان بە فەڕزی تێ بگەن، لەبەرەوە پێغەمبەری خوا ‎ﷺ خۆی بە تەواوی ڕەمەزانەکە جەماعەتی بۆ نەکردن چەند ڕۆژێکی سەرەتا بۆی کردن بۆ ئەوەی پێیان بڵێ کە ئەم نوێژە دەکرێت، بە جەماعەت بکرێ دواتر لە ترسی ئەوەی کە فەرز نەبێ یان ئەوان بە فەرزی تێنەگەن پێغەمبەری خوا ‎ﷺ بە جەماعەت بۆی نەکردن، خوای گەورەش زاناترە