ماچکردنی خێزان لەکاتی ڕۆژوودا.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئێمە دەڵێین: دەمێنێتەوە سەر حاڵەتی کەسەکە ئەگەر هاتوو کەسەکە کەسێکی بە تەمەن بێ وە ماچکردنەکە ماچکردنێکی عاتیفی بێت، ئاسایی بێ دەربڕین بێ لە خۆشەویستی لە سۆز لە بەزەیی، ئەوە هیچ گرفتێکی نییە، بەڵام ماچکردنێك گوزارشکردن بێ لە حاڵەتێکی غەریزی، وە گەنجیش بن کەسەکان ئەمە شەرعیەتی نییە، وە ئەمە لەوانەیە ئینسانەکە کۆنترۆڵی خۆی لە دەست بدا ڕۆژووەکەی بەتاڵ بێتەوە، ئەوکاتە حەرام دەبێت، وە ئەوکاتە پێویستەکە ڕۆژووەکەش بگرێتەوە، ئەمە ئەگەر هات و تووشی سەر جێی نەبێت، ئەگەر تووشی سەر جێیی بێت، حوکمەکەی قورسترە، لەبەر ئەوە دەڵێین باش نییە ئینسانی ڕۆژووەوان بە هیچ شێوازێک بە نیەتێکی غەریزی لە خێزانی نزیک بێتەوە، بەڵام لایەنێکی عاتفییە، لایەنێکی نەخۆشییە لایەنێکی وە موزوعێکی ترە بەڵام بۆ ئەوە نا لەبەرەوە ئەمە ڕاستە ئێمە دەڵێین پێغەمبەری خوا(ﷺ ) وای کردووە بەڵام خاتوو عائیشە کە خۆی حەدیثەکە دەگێڕێتەوە کە دەفەرمووێ: {كان النبيُّ ﷺ يُقَبِّل وهو صائم، ويُباشِر وهو صائم،}بەڵام دەفەرمووێ:{ ولكنه كان أملَككم لإربه"} دەفەرمووێ پێغەمبەری خودا(ﷺ) لە هەمووتان زیاتر دەیتوانی کۆنترۆڵی نەفسی خۆی بکات و پێغەمبەری خوا (ﷺ) ئینسانێکی ئارەزوو باز نەبووە، کۆنترۆڵی خۆی کردووە و کێشەی بۆ دروست نەکردووە. خوای گەورەش زاناترە