شۆردنه‌وه‌ی گورچیله له‌كاتی ڕۆژوودا.
بەڕێزێکی کە ده‌پرسێ:-ئەگەر کەسێک نەخۆش بێ گورچیلە بشواتەوە ئایا شۆردنەوەی گورچیلە ڕۆژوو بەتاڵ دەکاتەوە؟
وەڵام
به‌ناوی خوای بەخشندە و میهرەبان سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتا ئێمە دەڵێین ئەگەر هاتوو شۆردنەوەی گورچیلە تەنها بریتیبێ لە دەرکردنی خوێن، وە پاککردنەوەی خوێنەکە دواتر گەڕانەوەی هەمان خوێن بۆ لەشی ،نەخۆشەکە , دەڵێین ئەمە نەخێر ڕۆژوو بەتاڵ ناکاتەوە ئاساییە ئینسان لە کاتێک کە بە ڕۆژووە موجەڕەد ئەم عەمەلییەی تەسفی خوێنی بۆ بکرێت خوێنەکە بێتە دەرەوە پاک بکرێتەوە وە دوایی بچێتەوە لەشی مرۆڤەکە ئەمە ڕۆژوو بەتاڵ ناکاتەوە , بەڵام ئەگەر پێویست بکا بۆ نموونە مەوادی "شەکر" یان "خوێ" بدرێ بە نەخۆشەکە یا مەوادی تر بۆ خوێنەکە ئیزافە بکرێ لە کاتی شۆردنەوەی گورچیلە دەڵێین بەڵێ ئەو کاتە ئەمانە ڕۆژوو بەتاڵ دەکەنەوە وە پێویست ده‌کا ئینسانەکە دواتر ڕۆژوه‌کەی بگرێتەوە ; لەبەر ئەوه شێوازی شۆردنەوەی گورچیلەکە، وە مەبەست لە شۆردنەوەی گورچیلەکە دەور ده‌بینێ لە حوکمی ڕۆژوه‌کەدا , ئەم حاڵەتەش دیسان وەکو عەرزم کردن ئەگەر زەرور نەبێت لە ڕۆژی مانگی ڕەمەزاندا نەکرێ ئەگەر ناچار بووین بکرێ , ئەو دوو حاڵەتە جیاوازی بکەین ئەگەر هات و هیچ مەوادێکمان وەرنەگرت تەنها تەسفیی خوێنەکەمان دەکرد و خوێنەکەمان پاک ده‌كردەوە شۆردنەوەی گورچیلە ڕۆژوو بەتاڵ ناکاتەوە , ئەگەر مەوادیشمان بۆ ئیزافە كرد ئه‌و كاته به‌ڵێ رۆژوه‌كه بەتاڵ دەکاتەوە خوای گەورەش زاناترە
لینک