له‌بارچوونی منداڵ له‌كاتی ڕۆژوودا.

به‌ناوی خوای بەخشندە و میهرەبان سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتا ‎ ئێمە دەڵێین بەڕێزان ئافرەت دوو جۆر خوێنی هەیە کە ڕێگره‌ لە به‌ڕۆژوو بوون ‎یەکەم :-خوێنی سووڕی مانگانە ‎دووەم :-خوێنی دوای مناڵبوون ‎چی بە خوێنی دوای مناڵبوون ئەژمار ده‌کرێ؟ ‎ هەر مناڵێک لەبار بچێ بەر لە تەمەنی (٤٠)ڕۆژی نە ئەوە بە مناڵ ئەژمارە ده‌کرێ , نە حاڵەتەکە بە له‌بارچوون ‎ ئەژماردەکرێ , نه‌ خوێنەکەش بە خوێنی دوای مناڵبوون ئەژماردەکرێ , کەواتە مناڵ لە تەمەنی سێ حەفتەی چوار حەفتەی پێنج حەفتەی لەبار بچێ و ئافرەتەکە بە ڕۆژوو بێ دەبێ لەسەر ڕۆژووەکەی بەردەوام بێ, ئەو خوێنەش کە بۆی دروست دەبێ لەم حاڵەتەدا وەکوو خوێنی (نەزیف) ئەژمار دەکرێ , وەکوو خوێنی ئیلتیهاب ئەژمار دەکرێ, هیچ کاریگەری نەرێنی لەسەر ڕۆژوه‌کە دروست ناکا , بەڵام ئەگەر لە بارچوونی مناڵەکە لە قۆناغی دوای (شەش) حەفته‌یدابێ کە ڕۆح کراوە به‌ بەرمناڵەکەدا واتا تەمەنی چل ڕۆژی تێپەڕاندبێ ئه‌وكاته‌ له‌ بارچوون ‎ لەم حاڵەتەدا بەڵێ ڕۆژوو بەتاڵ دەکاتەوە وە ئەو خوێنەش دوای مناڵەکە دێ چەند ڕۆژ بخایەنێ بە خوێنی دوای مناڵبوون ئەژمار ده‌کرێ تا خوێنەکە کۆتایی پێ نه‌یه‌ ئافرەتەکە بۆی نییە بە ڕۆژوو بێ , لەبەر ئەوەی تەمەنی مناڵەکە حوکمەکە دەگۆڕێ . خوای گەورەش زاناترە