ددان پڕكردنه‌وه وددان هه‌ڵكه‌ندن له‌كاتی ڕۆژوودا.
ئایا کەسێک ئەگەر بۆ نموونە تووشی حاڵەتی ددان ئێشە بێ یان پێویستی بە ددان پڕکردنەوە بێ ئایا لە ڕۆژی ڕەمەزاندا کە بە ڕۆژوو بێ ئەگەر ددانی پڕ بکاتەوە یان ددان هەڵبکێشێ یا زەرعی بکا ڕۆژوه‌کەی بەتاڵ دەبێتەوە؟
وەڵام
به‌ناوی خوای بەخشندە و میهرەبان سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتا هیچ کام لەمانە ڕۆژوو بەتاڵ ناکەنەوە بە مەرجی ئەوەی کە هیچ ئەو تەڕایی و لیک و خوێن و ئەو بابەتانەی کە هاوپێچ له‌كاتی نه‌شته‌رگه‌رییه‌كه له‌كاتی هه‌لكێشانی له كاتی پڕکردنەکەی زەمانەتی ئەوە بکەی کە نەچێتە قوڕگ وە هەڵنەمژرێتەوە، ئەم شلەمەنیانه‌ی کە دێتەوە ناو دەم ئەگەر چووەوە ناو قوڕگ ئەو کاتە بە تەئکید ڕۆژوو بەتاڵ دەکاته‌وه , ئەسڵیش وایە ئینسان ئەمانە بخاتە دوای ڕەمەزان ئەمانە زەرووری نین، مەسەلەن ددان کێشان زەروری نییە پڕکردنەوە زەروری نییە، ئەمانە زەرورنین, مادام زەرورنین ئه‌سڵ وایە ئینسان خۆی لە بەکارهێنانیان بپارێزێ وە یان دوای نوێژی مەغریب مسەلەن بچێتە لای پزیشک , ئەمانە بکا یا وەکوو بیخاتە دوای مانگی ڕەمەزان , بەڵام ئەگەر ناچاربوو لە مانگی ڕەمەزاندا وە لەو کاتەی کە بەڕۆژووە بیکا وەکوو عەرزم کردن ئەگەر هاتوو ئەو تەڕایی و ئەو مەوادانەی کە لە دەم خوێن و مەسەلەن ئەمانه‌ی کە دێتە ناو دەمی تفی بکاتەوە کێشەی نییە ; قوتی بدا ڕۆژوەکەی بە تاڵ ده‌بێتەوە ,پێویستە کە ڕۆژێک لە جیاتی بگرێتەوە . خوای گەورەش زاناترە