لەهۆشخۆچوون وبەنج کردن لەکاتی ڕۆژوودا

به‌ناوی خوای بەخشندە و میهرەبان سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتا ‎ دەڵێین هەر لە "هۆشخۆچوونێک" یان بۆ نموونە "بەنجکردنێک" بەیانی هه‌تا ئێواره‌ بخایه‌نێ ‎ یەعنی لە پێش نوێژی بەیانیه‌وه‌ ئەم کەسە بێ هۆشبووە هەتا نوێژی ئێوارە نوێژی مەغریب دەڵێین بەڵێ ئەمە بە ڕۆژوو نییە و ڕۆژووەکەی بەتاڵە, چونکە ئەم عیبادەتە پێویستی بە نییەتە , پێویستی بە ئیحتیسابە, ئەم کەسە نییەتی نەبووە ئاگای لە خۆی نەبووە باشە بە عیبادەت بۆی ئەژمار ناکرێ ,چونکە ئەو کەسه‌ ده‌بێ وەکوو عیبادەت کارەکە بکات، وە ئاگای لە خۆی بێت، وە تەحەمولی برسێتی و تینوێتی و ئەجر بکا لای خوای گەورە ئەم بە درێژایی ئەم ڕۆژە ‎ بێ هۆشبووە ( الأجر على قدر المشقة )بۆ ئەم هیچ مەشەقەتێکی تێدا نییە, لەبەر ئەوە بە عیبادەت ئەژمار ناکرێ وە دەبێ ئەو ڕۆژە بگرێتەوە , بەڵام ئەگەر (بوورانەوەکە) یان (به‌نجەکە) ماوەی چەند سەعاتێکی دەخایاند باقی سەعاتەکانی كه‌ ئەم کەسە هۆشی بە خۆی بوو وە بەئاگابوو یانی بۆنموونە ئەگەر (٤)سەعاتیش ئەم کەسە بە ئاگابووبێ لەو ڕۆژەدا باقی ڕۆژەکە بێ هۆش بووبێ ڕۆژوەکەی دروستە، وە هیچ گرفتی شەرعی نییە , دوو سەعاتی لەم سەر بەئاگابووە دوو سەعاتی لەو سەر بەئاگابووە نیەتی ڕۆژووی هەبووە ئەو‌ ڕۆژه‌ ‎ حاڵەتی لە هۆشخۆچوونی بۆ دروست بووە , یان بۆ نموونە حاڵەتی (سەرعی) بۆ هاتووە (فێ پەرکەمی) لێ هاتووە (بورانەوەی) بۆ دروست بووە دواتر هاتۆتەوە هۆشخۆی و هیچ شلەمەنی و ئاوێک مەسەلەن (موغەزیەکمان )نەداوەتێ لەو فەترەیە کە هەڵدەستێتەوە بە ڕۆژووە هیچ گرفتێکی نییە ; کەواته‌ ده‌مێنێتەوە سەر ماوەی لە هۆشخۆچوون و بورانەوە یا سەرع و پەرکەمەکە ئەگەر بە درێژایی ڕۆژەکە وابێ ڕۆژوه‌کەی بەتاڵە , ئەگەر ‎ماوەیەک لە ڕۆژەکەدا وابێ وە باقی ڕۆژەکە بەئاگابێ ‎ هیچ گرفتی شەرعی نییە . خوای گەورەش زاناترە