به‌كارهێنانی له‌زگه‌ و كرێمی پێست له‌ كاتی ڕۆژوودا.

به‌ناوی خوای بەخشندە و میهرەبان سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتا ‎ ئێمە دەڵێین لەزگە یان بۆ نموونە ئەو کرێماتانەی کە لە پێست دەدرێن کە (مەوادی کیمیایان) تێدایە یان مەوادی عیلاج و چارەسەریان تێدایە بۆ (ئازار شکاندن) بەکاردێن یان ئەو لەزگانەی کە بۆ (ئازار شکاندن) بۆ (تا دابەزاندن) بۆ پێست چەورکردن ,بۆ بۆن بەکاردێن , ئەمانە هیچ "گرفتی شەرعیان نییە" بەڵام ‎ هەر لەزگەیەک (مونەشت) و (موغەزی) بێ ڕۆژوو بەتاڵ دەکاتەوە; ‎ مەبەستی بەکارهێنانی لەزگەکە حوکمی لەزگەکە دیاری دەکا ئەگەر (لەزگە و کرێمەکە) کە لەسەر پێستەوە دادەنرێ یا لێ دەدرێ ئەگەر هات و ئەمە (مونەشت) بێ بۆ جیسم یا (موغەزی) بێ خواردنی پێبدا, وزەی پێبدا, ئەو کاتە دەڵێین بەڵێ ئەم لەزگانە ڕۆژوو بەتاڵدەکەنەوە, بۆ؟ چونکە هەمان حوکمی ئەو شتەیان هەیە کە دەچێتە ناو مەعیدەوە , ڕاستە ئەم (مەنفەزە) رێچكه‌ی مەعیدە نییە لەسەر پێستەوەیه‌ , بەڵام مادام لەزگەکە ڕۆڵی وزە بەخشین و خواردن به‌خشین ده‌دا ده‌ڵێین ‎ ڕۆژوو بەتاڵدەکاتەوە ,کەواتە جۆری لەزگەکە وە مەبەستی لەزگەکە دیاریی ده‌کا کە ئایه‌ ڕۆژوو بەتاڵدەکاته‌وە یان نا بەڵام ئەگەر لەزگەیەکی تەبیعی بێ بۆ ئازار شکاندن یا بۆ غەیری بابەتی وزە بەخشین و خواردن پێدان بە کاربێ دەڵێین هیچ کێشەیەکی نیە , وه‌ ڕۆژوو بەتاڵ ناکاتەوە. خوای گەورەش زاناترە