گرتنەوەی ڕۆژوو یان فیدیەدان بۆ خەڵکانی نەخۆش

به‌ناوی خوای بەخشندە و میهرەبان سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ‎ئێمە دەڵێین ئەو نەخۆشە بەڕێزانەی کە عیلاجی بەردەوامیان هەیە ئەگەر دەکرا عیلاجەکانیان بخەنە "دوای ڕۆژوو شکاندن" (بۆیان نییە بەڕۆژوو نەبن) بۆنموونە :تۆ بەردەوام عیلاجت هەیە سەردانی پزیشک دەکەی دەڵێی جەنابی دکتۆر من ئەم عیلاجانه‌م هه‌یه‌, لەبەر ئەوەی مانگی ڕەمەزانه‌ دەکرێ ئەم عیلاجانە بخەمە دوای بانگدان , یانی لە بانگی مەغریبەوە هەتا بانگی بەیانی تۆ بۆت هەیە عیلاجەکانت بخۆی کاریگەری نییە ئەگەر وتی ئاساییە دەکرێ عیلاجه‌كان بخرێته‌ دوای بانگ ‎ ئەو کاتە ئێمە دەڵێین ئاساییە عیلاجەکان بخه‌یه‌ دوای بانگ دەبێ بەڕۆژوو بی (واجبە بەڕۆژوو بی ).ئەگەر نا ئیللا عیلاجەکان دەبێ لە ڕۆژدا بخورێن وە ئەگەر نەخورێ لە ڕۆژدا کاریگەری نەرێنی هەیە بۆ سەر نەخۆشیەکە یان نەخۆشەکە ئەو کاتە ئاساییە (به‌ڕۆژوو نابێ )"دواتر کەی سیحەتی باشبوو عیلاجەکانی نەما ڕۆژوەکانی ده‌گرێته‌وه‌ نەخۆشیەکەش بەردەوام بوو ئەو کاتە "فیدیە دەدا" چونکە خوای پەروەردگار دەفەرموێ: ((فَمَن كَانَ مِنكُم مَّرِيضًا أَوۡ عَلَىٰ سَفَرٖ فَعِدَّةٞ مِّنۡ أَيَّامٍ أُخَرَۚ)) خوای گەورەش زاناترە