به‌ڕۆژوو نه‌بوون به‌پاساوی تاقیكردنه‌وه‌ وخوێندن.

به‌ناوی خوای بەخشندە و میهرەبان سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ‎نەخێر , دەڵێین قوتابیه‌کان بۆیان نییە بە پاساوی تاقیکردنەوەکان بە ڕۆژوو نەبن ; بۆچی ؟ چونکە تاقیکردنەوە نە بە <نەخۆشی >ئەژماردەکرێ وە نە بە <سەفەریش> ئەژماردەکرێ , وە هیچ ‎ پاساوێکیش نییە بۆ ئەوەی کە ئەو ماندووبوونەی خوێندکارێک ماندوو دەبێ هەر ئەو ماندووبوونەیە کە هەر کاسبکارێکی تر هەر کەسێکی تر ماندوو دەبێ, مەسەلەن ئافره‌تێکە ئیشی ماڵ دەکا ئەم خوێندکارە بەڕێزە عادەتەن کە ئیمتیحانی هەیە دەست بە ئاودا ناکا , موتەفەریغە بۆ سەعیکردن و بۆ تاقیکردنەوە ,کەواتە کار ناکا , ماندوو نابێ , به‌ بەراورد بەو خەڵکانەی تر کە وەک ئەو وان و ماندوو دەبن بە کارەکانی ژیانی ڕۆژانی خۆیانەوە . ئەگەر ئێمە بڵێین تاقیکردنەوەکان پاساون بۆ بە ڕۆژوو نەبوون ئەو کاتە ده‌بێ بڵێین هەموو کار و پیشەیەک پاساوە ‎ بە ڕۆژوو نەبوون ; بۆیه‌ ئەم خوێندکارە بەڕێزانە ئاسایی دەتوانن خوێندنەکەیان ,سەعی کردنەکەیان ,بخەنە شەو بە ڕۆژ بە ڕۆژوو بن , یان پێش نوێژی نیوەڕۆ سەعیەکەیان بکەن دوای نوێژی بەیانی نەخەونەوە دوای نوێژی نیوەڕۆی ئیسراحەتی خۆیان وەرگرن , دەبێ بۆ خۆیان جەمعێک بکەن لە بەینی عیبادەتەکەیان وە لە بەینی ئەرکی ڕۆژانەکەی ژیانی خۆیانە , بەڵام ئەوان ئەوە بکەن بە پاساو ئەو کاتە ئێمە دەبێ بڵێین هەموو کەسێکی تر کە پاساوی کارکردنی هەیە بۆی هەیە بە ڕۆژوونه‌بێ ‎ لە کاتێکدا من تەسەوردەکەم پاساوی خوێندنەکە لە زۆر پاساوی تر کەمترە. بەڵام ئەگەر هاتوو ئەم خوێندکارە بۆ خۆی کێشەیەکی (تەندروستی) تری هەیە , بابڵین خوا نه‌خواسته‌ (شەکرەی) هەیە یان بۆ نموونە (زەختی )هەیە یان هەر نەخۆشێکی تری هەیە وە (برسێتییەکە) حاڵەتی نەخۆشیەکە زیاد دەکا وه‌ موزاعەفاتی لەسەر دروست دەکا, زیاتر ماندووی دەکا لە ئینسانێکی ئیعتیادی , ئەو کاتە دەڵێین "بەڵێ" ئەگەر هەردوو عوزرەکە بە یەکەوە کۆبوونەوە ئەو کاتە دەڵێین بۆی هەیە بە ڕۆژوو نەبێت دواتر دەبێت ((ڕۆژووەکانی بگرێتەوە)) بەڵام خوێندکارێکی ‎ تەندروست تەنها بە پاساوی تاقیکردنەوە بۆی نیە بە ڕۆژوو نەبێ . خوای گەورەش زاناترە