بینینی خوێن لەکاتی دووگیانیدا

بەناوی خودای بەخشندە و میهرەبان؛ سوپاس و ستایش بۆ پەروەردگاری جیهانیان، دروود و ڕەحمەت بۆ سەر گیانی پاكی پەیامبەر (ﷺ) و گشت كەس و یاران و شوێنكەوتووانی بەگشتی. سەبارەت بە وەڵامەكەی بەڕێزتان: بەڕێزان؛ ئێمە دەڵێین ژنان لەکاتی دووگیانبووندا دەکرێت بکەونە سووڕی مانگانەوە، ڕێبازی شافیعی و (گێڕانەوەیەکی پێشەوا ئەحمەدی کوڕی حەنبەل و شێخی ئیسلام ئیبن تەیمییە)ش لەم بابەتەدا هەمان بۆچوونیان هەیە، کەواتە ئێمە دەڵێین ژنان ئەگەرچی لە دۆخی دووگیانیدا بن؛ سەرەڕای ئەوەش ئاساییە جارێک دووجار بکەونە سووڕی مانگانەوە، ئەگەر خوێنی بینی و خوێنەکە لە خوێنی سووڕی مانگانە دەچوو؛ هەمان حوکمی هەیە با دووگیانیش بێت، ئاساییە گەر جارێک دووجار بکەوێتە ئەو دۆخەوە؛ چونکە لەوانەیە بە هۆی نەخۆشییەکەوە چەند جارێکی تریش ئەم دۆخە ببینێت. لەبەرئەوە ئێمە دەڵێین هەموو خوێنێکی ژنان لە دۆخی دووگیانبووندا ئەگەر لە سروشتی خوێنی سووڕی مانگانە دەچوو و لەکاتی هاتنی سووڕی مانگانەیاندا بوو؛ مامەڵەی سووڕی مانگانەی لەگەڵدا دەکرێت و بەڵێ دەشکرێت ژنان لەکاتی دووگیانیدا بکەونە سووڕی مانگانەوە. خودای گەورەش زاناترە.