ڕۆژوو شکاندن لە ڕۆژی مانگی ڕەمەزاندا.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: دەڵێین حوکمەکەی ئەوەیە ئەگەر هات و زەرور بوو ڕۆژووەکەی بشکێنێت، وە ڕۆژووەکەی فەرز بوو ئاساییە بیشکێنێت، بۆ نموونە کەسێکە لە پڕ تووشی حاڵەتێکی لە ناکاوی نەخۆشی دەبێت،یان لە پڕ تووشی بۆ نموونە دابەزینی شەکرەکەی دەبێت،یان لە پڕ بۆ نموونە تووشی حاڵەتی بەرز بوونەوەی زەخت دەبێت ناچارە بەوەی کە ڕۆژۆکەی بشکێنێت، ئەمە ئاساییە ڕۆژووەکەی بشکێنێت و دواتر ڕۆژووەکەی دەگرێتەوە، بەڵام بەبێ حاڵەتی زۆر زەرور ناتوانێت ڕۆژووەکەی بشکێنێت، بەڵام ئەمە لە ڕۆژووی فەرزدا بەڵام لە ڕۆژووی سوننەتدا ئاساییە پێغەمبەری خوا دەفەرموێت: ﷺ (الصائم المتطوع أمير نفسه). کەسێکە ڕۆژووی سونەت دەگرێت ئاساییە ئەگەر کەسێک دەعوەتی بکات ئەگەر هەست بە برسێتی بكات و تۆزێك ناڕەحەت بێت ئاساییە بیشکێنێت، بەڵام ڕۆژووی فەرز بۆ حاڵەتی زەروورەت نەبێت کابرا ناتوانێت بیشکێنێت. خوای گەورەش زاناتره