ڕشانەوە لەکاتی ڕۆژوودا.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئێمە دەڵێین ئەگەر کەسێک بە دەستی خۆی نەبوو ڕشانەوە زۆری بۆ هێنا وە ڕشایەوە ئەم کەسە هیچ موشكیلەی نییە،ڕۆژی دە جاریش بڕشێتەوە ڕۆژوەکەی تەواوە، وە ڕشانەوە گرفت بۆ ڕۆژووەكەی دروست ناکات، بەڵام ئەگەر بۆ خۆی بە دەستی خۆی خۆی بڕشێنێتەوە باشە بەوەی پەنجە بکات بە قوڕگیدا یان بۆنی شتێک بکات کە بزانێت دەیڕشێنێتەوە ئەم کەسە ڕۆژوەکەی بەمە بەتاڵ دەبێتەوە وە پێویستە ڕۆژووەکەی بگرێتەوە پێغەمبەری خوا ﷺ فەرمویەتی: ( من ذرعه القي فلا قضاء عليه ، ومن استقاء فعليه القضاء ). فەرمویەتی هەر کەسێک خۆی بە دەستی خۆی خۆی پڕشێنێتەوە دەبێت ڕۆژووەکەی بگرێتەوە هەر کەسێکیش ڕشانەوە زۆری بۆ هێنا مەسەلەن بە دەست خۆی نەبوو ڕشایەوە دەفەرموێت هیچ کێشەی نییە وە ڕۆژووەکەی صەحیحە. خوای گەورەش زاناتره